مشكله في لانوس 2

[شريف جمال]

السلام عليكم ورحمه الله وبركاته,,,
عندي مشكله في لانوس 2 هتجنني , وانا ماشي علي السرعات البطيئه مثل الاول و الثاني لما بشيل رجلي من علي دواسه البنزين العربيه بحس انها بتفرمل مره واحده , ولما بمور الفتيس بتمشي كويس عادي.
رحت التوكيل كشف عليها بالكمبيوتر و قال ان العربيه تمام مفيش مشاكل فيها.
غيرت حساس idel , و حساس tps ونظفت البوابه و فلتر الهواء ولسه المشكله زي ماهيا
ارجو المساعده

[moumen_hs]

ممكن توضيح أكتر ولا تقصد العربية بتنتش يعنى

[شريف جمال]

العربيه سحبها مشاء الله ممتاز المشكله كلها اني لما بكون ماشي علي الغيار الثاني او الاول واجي اشيل رجلي من علي دواسه البنزين العربيه بتنتش جامد

[EngAhmedSakr]

أعتقد ان دا الـ Engine Break وطبيعي جدا انه يظهر بقوه علي السرعات الضعيفه

من كلامك ما اعتقدش انه فيه مشكله إلا لو كانت الفرمله جامده جدا وكأنك انت اللي دوست فرامل جامد مثلا

[muhammed essa]

علي فكرة يا باشا دي مش مشكلة انتا بس الي بتقرص علي الغيارات جامد

[شريف جمال]

شكرا للمهندس احمد والاستاذ محمود علي الرد
ممكن اعرف ايه Engine Break ده ؟ وايه فائدته ؟

[MMamdouh]

أعتقد ان دا الـ Engine Break وطبيعي جدا انه يظهر بقوه علي السرعات الضعيفه

من كلامك ما اعتقدش انه فيه مشكله إلا لو كانت الفرمله جامده جدا وكأنك انت اللي دوست فرامل جامد مثلا

engine brake not engine break

MMamdouh

[MMamdouh]

شكرا للمهندس احمد والاستاذ محمود علي الرد
ممكن اعرف ايه Engine Break ده ؟ وايه فائدته ؟

ألمقصود بيها الفرملة اللى بيعملها الموتور نتيجة قصورة الذاتى لما تشيل رجلك من على البنزين

MMamdouh