موبينة لانوس تانى مرة اغيرها فى اقل من سنه

[ehabomar1987]

الموبينة باظت و كنت لسة مغيرها من اقل من سنة و انا دلوقتى محتار بين :
الصينى عاملة 180
الاستيراد و مش عارف عاملة كام
و الاصلى منصور شيفروليه و عاملة 600
و واحدة تانية اصلى داك و كورى ج.م ب 450
و اسعار اخر اتنين دول انهاردة من عند ابو الحسن و قالى ان تانى واحدة ديه بردة اصلى بس مستورد تانى غير المنصور هو اللى بيجبها و انا شوفتها هى اصلى و محفور داك عليها و عليها كود كمان
اللى انا كنت مغيرها اخر مرة ديه كانت برده داك و 450 و كنت جايبها من شارع دمشق و باظت و انا محتار جداا دلوقتى ادفع تانى و بعد سنة اغيرها كده حرااااااام انا مش بلاقى الفلوس فى الارض
بس الصراحة انا مشوفتش بتاعت منصور شكلها عامل ازاى علشان قالى متبرشمة و مش هاينفع افتحاهالك و شوفت العلبة من برة
قوليلى اعمل دلوقتى ايه المفروض انى اقرر علشان بقالى كام يوم و محتاااااااااااااار ؟؟؟؟؟؟؟

[تامر.محمد]

هل بتسيب تانك البنزين لحد ما يفضى ؟

[tarek_2005]

هات الداك بتاعة ابو الحسن بس لازم تبحث عن سبب التلف
1 - اسلاك بوجيهات تالفة
2- نوع البوجيهات سيئ او مظبوطة الثغرة خطاء
3 - مركب مفتاح فصل علي البوبينة ام لا
4 - حالة حساس الكرنك عندك ايه

[ehabomar1987]

اولا شكراا على الردود
انا مش عارف ايه السبب انها باظط بس انا مضايق جداا و على العموم قدر الله ما شاء فعل بس ازاى اعرف السبب انها انهى واحدة من المشاكل ديه ؟

[Mahmoud.Fathy]

هات الاصلي ب 550 جنيه

[تامر.محمد]

اظن ممكن تغير الموتور بس هايعمل له 200 جنيه

[tarek_2005]

اولا شكراا على الردود
انا مش عارف ايه السبب انها باظط بس انا مضايق جداا و على العموم قدر الله ما شاء فعل بس ازاى اعرف السبب انها انهى واحدة من المشاكل ديه ؟

رد علي الاسئلة دي وانا احددلك
1 - اخر مرة غيرت البوجيهات امتي ؟
2 - نوع البوجيهات الي ركبه عندك ؟
3 - ظابط ثغرة البوجيه علي كام ؟
4- ايه نوع اسلاك البوجيهات واخر مرة غيرتهم ؟
5 - عامل مفتاح فصل ولا لاء ؟
6 - بتغسل المحرك كل اد ايه وبتغسله وهوا دافي ام بارد ؟

اظن ممكن تغير الموتور بس هايعمل له 200 جنيه

السائل بيتكلم عن البوبينة وليس طرمبة البنزين

[MMamdouh]

انت فكيت الفتيس قبل كدة؟

سلوك بوجيهاتك بقالها كام الف؟

MMamdouh

[ehabomar1987]

انا لما غيرت المبينه قبل كده غيرت معاها السلوك و البوجيهات وده كان اقل من سنة يعنى عامل حوالى 10.000 بس بيهم
بغسل العربية كل شهر مرة غسيل كامل بس بغطى الموبينة وقت الغسل علشان ميجيش عليها مية مش عارف الصغرة بتاعت البجويهات كام مش عارف البجويهات اخر مرة مغيرها كانت المقاس ال 16 التخين و نوعها ngk

و انا مفكيتش الفتيس خالص والحمدلله ولا حتى مرة
و السلوك كانت نوع يبانى كده ب 45 جنيه
و الموبينة ب 600 منصور و ب 450 الاصلى بس مش منصور وانا محتار بينهم ولا خلينى فى الاستيراد

[engwael]

انا وقعت في نفس المشكلة قبل كده واشتريت بتاعة التوكيل ب 650 وفضلت شغالة 6 شهور بس وبعد كده اشتريت واحدة استيراد ب 250 شغالة كويس بقالها 8 شهور

[bshndi]

ده إلي حصل معايا

باشا ربنا معاك أنا مش هاقدر أديك نصيحة بس اقولك إلي حصل معايا
1- العربية كانت بترجرج جامد جداً أول ما أدورها
2- روحت عند ميكانيكي جرب موبينه قديمة من عنده وإشتغلت تمام من غير ما يفك القديمة
3- قالولي 600 عند البنا أو 550 مش فاكر بالضبط و800 جنيه في التوكيل (أنا لسه في الضمان)
4- روحت التوكيل وسبت العربية هناك إتصلوا بيا وقالولوي هنغيرلك الموبينه بس لازم نغير معاها سلوك البوجيهات والوبوجيهات مع إن البوجيهات ما كملتش 5000 كلم والسلوك هي الأصلية بتاعتها 50000 ألف . لهفوا 320 جندي وغيروها ودلوقتي بقت تمام .
شوف بقي إلي يناسبك يا ريس
إحترامات

[tarek_2005]

غيرها بالاصلي الداك ام 450جم مركبها في سيارة اختي بقالها سنة ونصف

[Eng.Geo]

يفضل تجيب الأصلي اللي هي ب 450
لو هتجيب أستيراد .. انا عندي واحدة من الموتور القديم

[hazemsabry]

السلام عليكم ورحمة الله وبركاته

بص ياباشا موضوع الموبينة ده موضوع رخم جدا أولا إعرف حاجة معظم الموجود فى السوق مضروب ثانيا الأستيراد ده أنت وحظك.
أنا هقولك عن تجربتى أنا كنت أعرف ميكانيكى جارى جابلى موبينة فكها من على ماتور أستيراد والموبينة ماشاء الله معايا ذى الفل لكن إحذرك من شئ يغفل عنه الكثير من أصحاب السيارات إياك وغسيل حوض الموتور والموتور كثيرا لأن لو غطيت الموبينة يوجد فيش للضفيرة وأماكن يمكن للماء أن يفعل بها مشاكل نحن فى غنى عنها

[ehabomar1987]

يعنى رايكم اجرب الاستيراد ولا اللى ب 450 لانى دلوقتى انا راكن العربية و بتحرك مواصلات و محتار جداا لانى اقل من سنة دافع 450 اصلها مش زيت موتر مش كل سنة هاغبرها ولا انتوا رايكم ايه ؟!