متعة القيادة بلا تكييف

[Mahmoud.Fathy]

بقالي يجي شهرين بسوق بالتكييف وكنت قربت انسي ان التكييف بيأثر على سحب العربية .... وكنت اتعودت على البطة المسكوفي .... النهاردة الصبح لقيت الجو حلو قلت اسوق من غير تكييف .... وووووووووووووو .... ايه الحلاوة دي .... ايه الجمال دا .... العربية بتجري كده ليه :):):) .... فعلا يا جدعان .... التكييف دا لعنة على اداء العربية ....... ولا انتو شايفين ايه ؟؟؟؟؟

[alto_nx]

التكيف حلو (:

[Mahmoud.Fathy]

التكيف حلو (:

هو التكييف طبعا لا غنى عنه فالحر الفظيع دا .... انا والله طول مامشغل التكييف بدعي للواد اللى صلحهولى .... الله يباركله رحمنى من الحر

[mostafa mahmod]

+ مليوووووووووووووووووووووووووووووووووووووون

[Ahmed Nasser]

انا صرفت على التكييف 375
والحمدلله ماكملش الشهرين وباظ
وانا كدة بردة مستريح

[mero100]

متعه القياده مع التكييف حستها لما ظبطت فيشه الاوكتان علي 95 ... بس للأسف استهلاك البنزين زاد معايا .... ف رجعت تاني لظبطه ال 92 و معقوله علي فكره ....اللي بيشتكي من السحب مع التكييف يعمل حاجه من اتنين في وجهه نظري :
1 - يشيل فيشه الاوكتان و دي ظبطه ال 92
2 - يظبط الفيشه علي 95 بس استهلاك البنزين حيزيد شويه بس في المقابل متعه القياده مع التكييف .

[M.Ayman]

هههههههههه عندك حق بس التكييف بس عايزك تفرق بين حاجتين اول شعور ,,, الرفاهيه قافل زجاجك وقاعد فى هدوء و مشغل (موسيقى \ اغانى) على حسب مزاجك بقى مفيش لسعه للشمس -لو مركب فيميه او لو عربيتك جايه بفيميه او مركب حتى v-cool - و مشغل التكييف و ماشى براحه مش متم باى حد حواليك بيجرى و مروق دماغك و مرتاااح احساس فعلا بالرفاهيه و الراحه

التانى بقى احساس ان معاك عربيه رياضيه لما يبقى الجو حلو او فى هدف سامى تقفل التكييف عشانه -تجرى مثلا xD- و كمان بعد التكييف بتحس بفرق جامد + انك لو مركب exhaust مثلا او فلتر او اى حاجه بتطلع صوت رياضى مع الجرى او حتى صوت موتورك حلو تحس بقى ان معاك وحش كده تسارع حلو صوت حلو ثبات كويس

و هما دول اللى لو توفروا فى العربيه من غير ما تكون كل شويه بتعطل تبقى تستاهل كل قرش بيتدفع فيها :)

[medododo]

هنرجع ونقول حسبي الله ونعم الوكيل في نظام الجمارك اللي من سنة ألف وخشبة

المعادلة الصح لازم تكون كده
عربية + تكيف + فتيس أتوماتيك = 2000 سي سي على الاقل

[Mahmoud.Fathy]

دي مش مشكلتنا لوحدنا ... دي مشكلة جيل بحااااااااااااله يا رجالة

[MohammedAladel]

نادرا لما بشغله الحمد لله بستحمل الحر

[alto_nx]

هههههههههه عندك حق بس التكييف بس عايزك تفرق بين حاجتين اول شعور ,,, الرفاهيه قافل زجاجك وقاعد فى هدوء و مشغل (موسيقى \ اغانى) على حسب مزاجك بقى مفيش لسعه للشمس -لو مركب فيميه او لو عربيتك جايه بفيميه او مركب حتى v-cool - و مشغل التكييف و ماشى براحه مش متم باى حد حواليك بيجرى و مروق دماغك و مرتاااح احساس فعلا بالرفاهيه و الراحه

التانى بقى احساس ان معاك عربيه رياضيه لما يبقى الجو حلو او فى هدف سامى تقفل التكييف عشانه -تجرى مثلا xD- و كمان بعد التكييف بتحس بفرق جامد + انك لو مركب exhaust مثلا او فلتر او اى حاجه بتطلع صوت رياضى مع الجرى او حتى صوت موتورك حلو تحس بقى ان معاك وحش كده تسارع حلو صوت حلو ثبات كويس

و هما دول اللى لو توفروا فى العربيه من غير ما تكون كل شويه بتعطل تبقى تستاهل كل قرش بيتدفع فيها :)

عيشنا عيشنا

[Dr.Rayyan]

طبعا دى مش بتبقى بطه مسكوفى دى بتتبقى بطه بلدى ومن الفيوم كمان :)
بس الكلام ده فى الشد بس و فى التانى بس

[Elkordy2000]

بقفل التكييف بالليل بس لاني مش بستحمل الحر ابدا بالنهار , وطبعا زي ما قال الزملاء بتبقي بطة بطة يعني , بس مش مهم بردة احسن من الحر , بالليل بقي لما تطفي التكييف وتجري بحس بصراحة بالفرق من غير تكييف في السحب والطلعة , بتبقي حاجة تنية فعلا

[lanos2004]

صراحه عربيتى بتكييف زى من غير تكييف--هعمل ايه لانوس 1500 سى سى 110 حصان-عمرى ما فكرت اقفله علشان اشد