سؤال عن الليجانزا

[jeep_man]

السلام عليكم
بصراحة بقالى فنرة بدور على عربية فى حدود الاربعينات لقت الليجانزا فكنت عاوز اعرف اية راى الاعضاء فيها وياريت عن تجارب شخصية وياريت بعد اذنكم اسعار قطع الغيار معلش هتعبكم معايا بس عاوز تفاصيل عنها علشان بفكر جديا فيها وشكرا لعتبكم معايا

[MohammedAladel]

متابع

[alzelafy]

عربيه ممتازة جدا مقارنه بالفئه السعريه اللى وصلت ليها فهى عربيه بمعنى الكلمه مخدومه صح الصح و بيسموها مرسيدس الدايو عربيه سفر مش مدينه كبيرة نسبيا فى الركنه هتدايقك شويه و فى الزحمه هتحس انك راكب قطر بس وحش كاسر موتورها تمام التمام سحب و قوة 180 كيلو فى الصفيحه و تقبل بنزين 80 عادى جدا جارى معاة العربيه دى و ماشى على بنزين 80 بقالو 3 سنين عادى جدا و عربيه طيارة ما شاء الله اللنسر الكريستاله اغلى منها بس متتقارنش بيها اصلا قطع غيار فى المتناول عشان عربيه كورى ................. و الله الموفق

[MohammedAladel]

حضرتك متأكد إن قطع غيارها فى المتناول ؟ أصل ناس برضوا قالوا إن قطع غيارها مش زى اللانوس والنوبير ا عشان كدا مش منتشرة

[lanos2004]

قطع غيارها موجودة فعلا ومش نادرة خالص وفيه منها فى الحرفيين تقطيع كتير

[egyseadragon]

موتورها ال Vtec 2000cc هو نفسه بتاع ال اوبل فيكترا

[jeep_man]

طيب ممكن اعرف اسعار قطع الغيار ياريت امثلة ؟

[blazer]

عربيه لا غبار عليها
لكن مشكلتها فى كام نقطه
استهلاك بنزين بشع جوه البلد
قطع غيار اجزاء العربيه متوفره اسيتراد و جديد بس هتبقى اغلى من النوبيرا و الانوس لقلتها شويه بس بإذن الله كل حاجه هتلاقيها
ان العربيه لو مهلوكه هتقرفك جدا فلو هتشترى اختار حاله محترمه

[hosar]

عربيه لا غبار عليها
لكن مشكلتها فى كام نقطه
استهلاك بنزين بشع جوه البلد
قطع غيار اجزاء العربيه متوفره اسيتراد و جديد بس هتبقى اغلى من النوبيرا و الانوس لقلتها شويه
+11111111111111

[mohamedadelemam]

السلام عليكم..انا كنت زى حضرتك بصيت على ليجانزا كتير وبعد كدا قارنتها بسيارة والدى كانت بيجو 605 موديل 91 لقيت البيجو افضل ..فتوكلت على الله فى واحدة موديل 1998 بس الليجانزا بردو سيارة جميلة جدا بس ركوبة الاوروبى مختلفة