دخنة بيضاء ... تحتاج نصف عمرة؟

[mustafavet]

السلام عليكم
انا عندي لانوس1 145 الف وتغيير زيت فيسكو 5000 تخليقي من 15 الف كيلو
في دخنة بيضاء مع بداية الدوارة لما العربية بتتركن فوق النصف ساعه ونقص واضح في الزيت ووصل الي اقل درجة min. العربية لا تعاني اي اعراض مرضية اخري
روحت للميكانيكي وافكره هيقولي غير جوان وش السلندر وخلاص
لا....... لقيته بيقولي هنعمل نص عمرة ..... يعني ايه؟
جوان وش السلندر و كاوتش الصبابات و طقم شنبر وانبوبة سليكون
والمفاجاة ...... مصــــــــــــنعية 650 جنيه !!!!!!!!!!!!!!!!!
دلوقتي ايه الحل وهل الراجل دا عاوز يعمل عليا شغل ولا هي محتاجه دا فعلا
ولو اشتغل اللي قالي عليه دا تاخد فعلا 650 مصنيعة دا غير طبعا لسه هشتري قطع الغيار
وطقم الشنبر دا ايه ظروفه وموجود فين؟
وكاوتش الصباب دا في الوش في الاول ولا في المكنة من تحت؟
منتظر رايكم لاني بجد تايه
ووصلت لدرجه اني قلت هحطلها زيت معدني يتغير كل 1000 كيلو وينقص براحته بقي واللي يحصل يحصل بس ناس كتير قالولي المعدني خطر علي موتور العربية
منتظر ردودكم

[modyegypt]

طبعا كتير دا انت هتسقط موتور ب300 او 400 جنية اخرك
لكن ...
لو هو اللى هيخرط ويعمل كل حاجة مصنعية وشغل ... يعنى ما تدفعش جنية قطع غ=يار ممكن
استنى شوف حد عمل نص عمرة ...يقول رأية

[elpasha1]

دا حرامي رسمي
المصنعية 300 جنية من الاخر
الخراطه مشهتكلف 100 جنية

[megadeath]

الدخنة و نقص الزيت ممكن يكون كاوتش صباب او طقم شمبر بس كاوتش الصباب مشكلة بسيطة و تكلفتها بسيطة وده مكانة الصبابات و بيتعمل ليه روديه علشان يطبع و مش محتاج تلين اما الشمبر فعلى حسب حالة الماتور و اذا كان فى عتب فى الشميز و لا لا و حيحتاج خراطة و لا لا و الموتور عمر قبل كده و لا لا .

بس هو الموتور لما بيدخن الصبح بيمنع الدخنة بعدكام ثانية و لا لا ؟ بمعنى اخر بعد ما العربية تسخن اكبس بنزين على 2.5 او3 ار بى ام و خلى حد يبص على الشكمان ويشوف فى دخن طالعة نتيجة حرق الزيت و لا لا ؟ و امسح بصبعك داخل فتحة الشكمان و شوف فى بقايا زيت طرى و لا هباب بس ( و اسف لاستخدامى تلك الفاظ )

انا انصحك تروح تكشف اختبار لكبس الماكينة و حيوضح ان شاء الله و بعدين ممكن نشوف ا نهى احسن فى حالة طقم الشمبر و لا تجيب نص ماتور تحتانى
مش عايزين نسبق الاحداث و ان شاء الله تطلع حاجة بسيطة باذن الله

[MITSUKERO]

الدخنة و نقص الزيت ممكن يكون كاوتش صباب او طقم شمبر بس كاوتش الصباب مشكلة بسيطة و تكلفتها بسيطة وده مكانة الصبابات و بيتعمل ليه روديه علشان يطبع و مش محتاج تلين اما الشمبر فعلى حسب حالة الماتور و اذا كان فى عتب فى الشميز و لا لا و حيحتاج خراطة و لا لا و الموتور عمر قبل كده و لا لا .

بس هو الموتور لما بيدخن الصبح بيمنع الدخنة بعدكام ثانية و لا لا ؟ بمعنى اخر بعد ما العربية تسخن اكبس بنزين على 2.5 او3 ار بى ام و خلى حد يبص على الشكمان ويشوف فى دخن طالعة نتيجة حرق الزيت و لا لا ؟ و امسح بصبعك داخل فتحة الشكمان و شوف فى بقايا زيت طرى و لا هباب بس ( و اسف لاستخدامى تلك الفاظ )

انا انصحك تروح تكشف اختبار لكبس الماكينة و حيوضح ان شاء الله و بعدين ممكن نشوف ا نهى احسن فى حالة طقم الشمبر و لا تجيب نص ماتور تحتانى
مش عايزين نسبق الاحداث و ان شاء الله تطلع حاجة بسيطة باذن الله

+111111111

[mustafavet]

ياجماعة حاله الموتور نضيفة جدا ولا عمرها دخنت قبل كدا وانا محافظ عليها جدا
الدخنة مع بداية الدوارة في الصباح وكمان وانا راجع من الشغل يعني لما العربية بتتركن
لما بكبس بنزين مفيش دخنة بتطلع والعربية مش مفوتة ولا حاجه بالاضافة انها علي المطالع زي الرهوان ما شاء الله وعلي الاول كمان

[mustafavet]

طيب لو انا هتاج اغير كاوتش الصبابات مع جوان وش السلندر
هتحتاج ان الوش يتفك ولا ممكن تتعمل من السطح كدا عادي من غير فك للوش؟؟؟؟؟؟
والمصنعية اتكلم في قد ايه لاني خلاص قررت مش هغير الشنبر

[mustafavet]

ولو قررت اني استعمل زيت معدني واهمل الموضوع دا خالص واريح نفسي يا تري في اضرار علي الموتور منه ولا لازم التخليقي؟ ياريت اللي جرب الاثنين يحكيلنا تجربته

[Ahmed Nasser]

افهم من كدة ان العربية بدخن فى بداية الدوارة بس
وهل بدخن دخنة بيضاء ولا سوداء

[mustafavet]

افهم من كدة ان العربية بدخن فى بداية الدوارة بس
وهل بدخن دخنة بيضاء ولا سوداء

ايوة يافندم
دخنة بيضاء ومع بداية الدوارة فقط

[Ahmed Nasser]

دى ياباشا هتكون كاوتش صباب
وممكن لومكنيكى فاهم وعندة خبرة ممكن يغير الكاوتش ووش السلندر راكب
بس لازم زرجينة متخصصة مش اى زرجينة

غير كدة يبقى تفك وش السلندر وبالمرة هتعرف حالة الشنبر

[megadeath]

دى ياباشا هتكون كاوتش صباب
وممكن لومكنيكى فاهم وعندة خبرة ممكن يغير الكاوتش ووش السلندر راكب
بس لازم زرجينة متخصصة مش اى زرجينة

غير كدة يبقى تفك وش السلندر وبالمرة هتعرف حالة الشنبر

صح .... و برده ممكن لو حضرتك عايز تمشى بيها شوية ما فيش مشكلة بس دايما خلى بالك من مقاس الزيت

[mustafavet]

دى ياباشا هتكون كاوتش صباب
وممكن لومكنيكى فاهم وعندة خبرة ممكن يغير الكاوتش ووش السلندر راكب
بس لازم زرجينة متخصصة مش اى زرجينة

غير كدة يبقى تفك وش السلندر وبالمرة هتعرف حالة الشنبر

طيب ايه راي حضرتك في استخدام الزيوت المعدنيه بدل التخليقي بحيث يتغير كل 5000 كيلو؟؟؟؟؟؟؟

[Ahmed Nasser]

فيسكو 3000 ودة نصف تخليقى
انا مجربتوش بس الاستاذ محمحد ممدوح بينصح بية

[Ahmed_Ramadan]

كان عندى نفس المشكلة و طلع إن الزيت كان زيادة و بيطلع من الفايز مع البنزين فى بداية الدوارة