دايو لانوس ولا دايو جوليت احسن

[Nadine Nado]

السلام عليكم ورحمة الله وبركاته،،،
انا من مصر يا جماعه وعايزة اشتري عربية مستخدمه في حدود 50000 جنيه وكنت عايزة اعرف دايو لانوس احسن ولا دايو جوليت مع العلم اني كانت اول عربية معايا كيا برايد هاتشباك واتسرقت.
وبرضه سمعت معلومه بالنسبة للشيفروليه لانوس انها مش كويسة وقطع غياراها كلها صيني وصاجها خفيف!!! وكلهم بيقولوا خليكي في الدايو القديم احسن لانه كوري
ياريت حد يرد عليا

[truss]

اللانوس ميزتها انها واسعة و عائلية عن الجولييت, و المبلغ اللى حضرتك كاتباه يجيب لانوس موديل 2006 الى 2008 (اواخر موديلات الدايو) بحالة نضيفة جداً و ممكن يتبقى من المبلغ كمان, بالنسبة للجولييت هى اخرها موديل 2005 و ما اعتقدش انها ممكن تعمل اكتر من 45000 جنيه.

[tarek_2005]

اللانوس والجوليت واحد الفروق في الوزن بين العربيتين والشنطة
مفيش اي اختلاف اخر
الوزن بياثر علي السحب والثبات طبعاً
االانوس اثبت من الجوليت
الجوليت اسرع من اللانوس في التجميع

[Menna Hassan]

خليكى فى اللانوس بلاش الجولييت دى خااااااالص

[mailo]

لو عائلية يبقى لانوس أحسن استخدام
لو لوحدك جوليت أحسن شكلا

مفيش فرق جوهري بين دايو و شفروليه ودايو كانت تجميع مصري برده لفترة طويلة

[Car's Sniper]

المبلغ اللى معاكى دا ادفعى منه 35 الف مقدم لوجان او 45 الف مقدم سانديرو وهتلاقى القسط ملاليم قصاد عربية ثقة واسمها زيرو احسن من المستعمل من وجهة نظرى لو هاتقدرى تقسطى 500 او 600 جنيه فى الشهر
لكن لو عايزة من العربيتين اللى بتقولى عليهم ..فهيبقى الافضل ليكى الجوليت لانها الاصغر حجما (الحجم اكيد شئ اساسى لكل بنت) وغالبا انتى مش هاتجرى فوق ال 140 فمش هايفرق معاكى الثبات عالسرعات دى

[MMamdouh]

قصة القطع الصينى اللى فى الشيفرولية لانوس انتهت من موديل 2011 تقريبا و المكونات بقت كورى زى زمان

MMamdouh

[blazer]

50 الف ممكت تجيب نوبيرا 2006 اوتوماتيك

[هيثم]

السلام عليكم ورحمة الله وبركاته،،،
انا من مصر يا جماعه وعايزة اشتري عربية مستخدمه في حدود 50000 جنيه وكنت عايزة اعرف دايو لانوس احسن ولا دايو جوليت مع العلم اني كانت اول عربية معايا كيا برايد هاتشباك واتسرقت.
وبرضه سمعت معلومه بالنسبة للشيفروليه لانوس انها مش كويسة وقطع غياراها كلها صيني وصاجها خفيف!!! وكلهم بيقولوا خليكي في الدايو القديم احسن لانه كوري
ياريت حد يرد عليا

انا بفضل الجولييت لان شكلها بيعجبنى اكتر و خاصه الموديلات من 2000 فما فوق
لان شكل الفوانيس الخلفيه فيها اجمل

وممكن حد يقولك ان الجولييت شنطته صغيره عشان هاتش باك
لمده 3 سنين ما حستش بالموضوع ده


مفيش مقارنه بين زيرو و مستعمل فضلا عن ان الخبراء بياكدو ان شويه المشاكل
اللى ظهرت مع الشيفروليه تم تلافيها لاحقا ( العربيه معايا بقالها شهرين و مبسوط منها جدا )

[Nadine Nado]

شكرا يا جماعه لكل اللي اهتم بمشاركتي ورد عليا
بس انا معروض عليا دلوقتي عربية دايو لانوس 2007 فابريقه بالكامل وحالة الموتور ممتازة وعايزين فيها 52000 جنيه ، كنت عايزة اعرف اذا كان المبلغ ده مناسب ولا ايه؟
وعايزة اعرف اخر حاجه نزلت من الدايو لانوس كانت موديل كام ؟؟

[هيثم]

http://www.nilemotors.net/Nile/249687-a.html

[هيثم]

وعايزة اعرف اخر حاجه نزلت من الدايو لانوس كانت موديل كام ؟؟[/quote]


2008 , و الشيفروليه من 2009 و حتى الان

[elnaser_m]

من وجه نظري .. المتواضعة .. انا اصلا ما ركبتش في حياتي اكتر من 10 عربيات .. بس انا لسا صغير 20 سنة :)
الانوس ميتركبش فوق 2003
من 2002 وانت نازل + حالة كويسة .. هتستريح قوي :) .. التقفيل الكوري احسن وانا والله جربت العربيتن بس

ومتصدقش حد (إلا نااادر) عنده عربية كوري العداد فوق ال200 الف كيلو ويقولك المكنة متحلتش قبل كدا

[tarek_2005]

شكرا يا جماعه لكل اللي اهتم بمشاركتي ورد عليا
بس انا معروض عليا دلوقتي عربية دايو لانوس 2007 فابريقه بالكامل وحالة الموتور ممتازة وعايزين فيها 52000 جنيه ، كنت عايزة اعرف اذا كان المبلغ ده مناسب ولا ايه؟
وعايزة اعرف اخر حاجه نزلت من الدايو لانوس كانت موديل كام ؟؟

لو بالحالة الي انتي وصفتيها ممكن تنزل 2000 جم وتبقي مبروكة عليكي