دائرة التبريد

[abo sohayb]

السلام عليكم ورحمة الله ...ظهر معايا في قربة الميه سائل غريب زي الزيت لونة بمبه بترولي غيرت الميه كذا مرة علشان السائل ده يروح ما فيش فايدة روحت لميكانيكي بتعامل معاه قالي الريداتير باظ ولازم يتغير ما ارتحتش للكلام ده اتصلت على ميكانيكي تاني كان شغال في التوكيل قالي جوان وش سيلندر وبعد حور قالي لا دي حاجة في الريداتير عايزة شوية شغل وتعالالي بكرة اشوفهالك .............ايه تعليقات حضراتكم افيدوني

[3ateef]

الزيت اللى لونه احمر فى العربية هو زيت الباور ونفسه زيت الفتيس..
لو عربيتك اتوماتيك يبقى غالبا المشكله فى الريداتير وبيدخل زيت من الفتيس على دورة الميه,,,واغلب الظن ان نفس المشكله تحصل فى المانيوال..(عربيتى اتوماتيك)...

بالتوفيق...

[abo sohayb]

السلام عليكم ورحمة الله: اولا: شكرا على الردود واسف على التاخير علشان النت عندنا مش منتظم مرة ييجي و10 لا
وثانيا : انا لسة ما صلحتش العطل بس زي ماقلت سابقا انا الميكاميكي الاول قال ده فعلا زيت الفتيس لان دي نوبيرا 2 اتوماتيك والسربانتينا عايزة تتغير كلها والميكانيكي التاني قال فعلا زيت الفتيس وانا اصلحلك العيب من غير ما تغير ساربانتينا ولسه هروحلة على يوم الاحد ان شاء الله ............والله المستعان

[tarek_2005]

السلام عليكم ورحمة الله: اولا: شكرا على الردود واسف على التاخير علشان النت عندنا مش منتظم مرة ييجي و10 لا
وثانيا : انا لسة ما صلحتش العطل بس زي ماقلت سابقا انا الميكاميكي الاول قال ده فعلا زيت الفتيس لان دي نوبيرا 2 اتوماتيك والسربانتينا عايزة تتغير كلها والميكانيكي التاني قال فعلا زيت الفتيس وانا اصلحلك العيب من غير ما تغير ساربانتينا ولسه هروحلة على يوم الاحد ان شاء الله ............والله المستعان

متروحش للميكانيكي التاني علشان هيفتي ويلغي دورة تبريد زيت الفتيس وممكن يضيعلك الفتيس

[3ateef]

المسؤول عن دورة تبريد زيت الفتيس هو الريداتير مش السربنتينة, يا ريت تشوف ميكانيكى تالت.

[Ahmed Nasser]

السلام عليكم يارجالة
الحمدلله لسة مخلصين الشغلانة دى دلوقتى انا وابو صهيب
روحنا عند واحد اسمة احمد كان شغال فى توكيل دايو
المهم قلنا فى المسورة اللى بتبقى جوة الريداتير (جوة العلبة اللى فى الجنب)دى بايظة
وهتتغير بواحدة جديدة قولنا له يعنى مافيش حاجة هتتلغى او حاجة تبوظ قالنا لأ طبعا
قولناله اتوكل على الله واشتغل
طلع الريداتير وودناه عندة بتاع الريداتير وفك المسورة اللى كانت بتنشع زيت على المية
ودى صورتها





قولنالة بكام قال بـ 80ج وتركيب وغسيل ومية خضراء يبقى الاجمالى 150
عطنالة 130جنية
والمكانيكى اخد 40جنية
ودى صورة الماسورة الجديدة بس للاسف ماصورتهاش قبل ماتركب عشان كدة مش باينة





والحمدلله الشغلانة دى خلصت الليلة بس لسة تحت التجربة
ونيابة عن صاحب الموضوع (ابو صهيب) اشكر كل اللى رد وساعدنا فى العيب دة
ولكم جزيل الشكر

[abo sohayb]

المسؤول عن دورة تبريد زيت الفتيس هو الريداتير مش السربنتينة, يا ريت تشوف ميكانيكى تالت.

كلام حضرتك مظبوط هو فعلا حل الريداتير والعضو (احمد ناصر )شرح الموضوع بالصور علشان هو كان معايا ....وشكرا