عايز اركب لانوس أوربي (كاملة) أوتوماتيك .. أيرباج .. Abs .. الأقيها فين ؟

[elnaser_m]

السلام عليكم ورحمه الله وبركاتة

انا بحترم العربية الانوس جداً .. عربية عملية .. قطع غيار ببلاش .. استهلاك ف البنزين معقول وبتاخد بنزين 80 وطير ..ثبات زفت :d .. عائلية .. شكلها حلو .. أعاده بيعها (ممتازه) تتباع في يومين عربية مدنية وتقضي المطلوب وزياده
بالخصوص لانوس 1 ( التقفيل الكوري بتاع بلاده )
ركبت لانوس 2 (شفرولية لانوس) 2010 حوالي شهر ... كان تحت رجلي العربيتين .. إلا اني كرهت التقفيل المصري وكرهت الشفرولية كلها .. تقفيل زبالة والخامات الداخلية زبالة وحسيت انها خفيفة قوي ( مش عارف يمكن عشان عربيتي الانوس 1 فيها جنط فثباتها احسن )

نفسي الاقي عربية لانوس تقفيل أوربي (كاملة) أوتوماتيك .. أيرباج .. Abs (غالباً بتكون لانوس 1)
ميكانيكي قالي مره اعتبر يا استاذ كل 2000 عربية لانوس فيهم واحده فيها abs
حاسس اني بدور ع المستحيل

والمشكلة ان المواصفات اللي بدور عليها دي ما بتنزلش غير للمعاقين :(

حدش يعرف الاقي عربية زي دي فييين :(

يكون سعرها كويس ومش كاسره الـ100 الف كيلو

[ahmedteam]

ممكن تسأل فى بورسعيد

غير كده صعب تلاقيها

[mo3tazanas]

معاقين فقط وما تداورش فى اى حتة تانية

[elnaser_m]

ممكن تسأل فى بورسعيد

غير كده صعب تلاقيها

تسلم ربنا يخليك على الرد والاهتمام .. يا ريت حد من الاعضاء من بورسعيد يفدنا في الموضوع دا

معاقين فقط وما تداورش فى اى حتة تانية

ما هو حوار المعاقين دا كان زمااان .. دلوقتي الى اعرفة ان المعاق هو الوحيد اللى بنفع يسوق عربيتة ومينفعش يعمل توكيل لحد بالسواقة .. وصعب تلاقى عربية مخلصة ال5 سنين عشان تتباع عادي

[mo3tazanas]

اذن ماتحولش وتتعب فى نفسك

[Ahmed Nasser]

شوف واحد معاق واشترى الجواب بتاعة
وجيب اللى انت عايزة

[elnaser_m]

اذن ماتحولش وتتعب فى نفسك

في أمل ان شاء الله :) :) :) :)

واحد صديق قالي على ميكانيكي كبير في السن عنده هوايتين في حياتة يشرب بانجو وينزل يوقع عربيات لقط من بورسعيد واسماعلية وبيشتريها لنفسة ويطلعلة مصلحتة .. صاحبي لقى عنده عربية لانوس 1 اوتوماتك كاملة 80 الف كيلو فابريكة .. بس من غير ايرباج ولا abs على 43 الف ( انا اتفرجت على العربية ما شاء الله جديييييده ) وماشية معاه بقالها 6 شهور مصرفش عليها حاجة
يا رب بقى يطلع جدع معايا ويظبطني في حاجة حلوه .. وميلبسنيش ف الحيط بالبانجو اللي بيشربة دا :) :) :)

شوف واحد معاق واشترى الجواب بتاعة
وجيب اللى انت عايزة

يا ريت ينفع يا صاحبي .. كان زمان الحوار دا والواحد بيدي المعاق 5 تلاف جنية ويعملك توكيل سواقة ليك ويمضيلك على وصل بتمن العربية .. وبعد ما الـ5 سنين يخلصو العربية ينفع تتسجل بأسمك
دلوقتي العربية معاقين .. مينفعش يسوقها غير المعاق .. ومينفعش يعملك توكيل :(

[Ahmed Nasser]

لييييييييية ماينفع يتعمل توكيل ؟؟؟؟؟؟؟
دانا بحاول اعملة عشان العربية باسم والدى

[دعبدالرحيم]

يا باشا العربيه المطلوبة عندي ..ومطلوب 55 الف غير قابله للتفاوض.

[MMamdouh]

ليه تزنق نفسك فى عربية قديمة و فيها اوبشن ملوش قطع غيار فى مصر ولا فيه صنايعية بتفهم فيه؟؟؟؟؟؟

MMamdouh

[تامر.محمد]

.ثبات زفت :d

حط لها جنوط 14 بكاوتش رياضي و مساعدين مونرو , العفشة هاتنشف شويتين بس اتفرج عالثبات

بالمناسبة ثبات اللانوس2 هاتحس انه اقل بسبب الباور الخفيف اوي

[rifaee]

السلام عليكم ورحمه الله وبركاتة

انا بحترم العربية الانوس جداً .. عربية عملية .. قطع غيار ببلاش .. استهلاك ف البنزين معقول وبتاخد بنزين 80 وطير ..ثبات زفت :d .. عائلية .. شكلها حلو .. أعاده بيعها (ممتازه) تتباع في يومين عربية مدنية وتقضي المطلوب وزياده
بالخصوص لانوس 1 ( التقفيل الكوري بتاع بلاده )
ركبت لانوس 2 (شفرولية لانوس) 2010 حوالي شهر ... كان تحت رجلي العربيتين .. إلا اني كرهت التقفيل المصري وكرهت الشفرولية كلها .. تقفيل زبالة والخامات الداخلية زبالة وحسيت انها خفيفة قوي ( مش عارف يمكن عشان عربيتي الانوس 1 فيها جنط فثباتها احسن )

نفسي الاقي عربية لانوس تقفيل أوربي (كاملة) أوتوماتيك .. أيرباج .. Abs (غالباً بتكون لانوس 1)
ميكانيكي قالي مره اعتبر يا استاذ كل 2000 عربية لانوس فيهم واحده فيها abs
حاسس اني بدور ع المستحيل

والمشكلة ان المواصفات اللي بدور عليها دي ما بتنزلش غير للمعاقين :(

حدش يعرف الاقي عربية زي دي فييين :(

يكون سعرها كويس ومش كاسره الـ100 الف كيلو

أنا جبتها من بورسعيد مواصفات أروبي ونازله من أمريكا بصراحه حاجه تانيه كامله أتوماتيك لو انت قلبك جامد انزل هاتها معاقيين من بور سعيد معاقيين هتوفر حوالي 10000 جنيه بس اهم حاجه تاخد بالك من المرور

[دعبدالرحيم]

والله ليا الشرف اتعرف بيك يا بشمهندس ممدوح ..وانت افدتني كتير بمعلوماتك اللي باخدها بثقه ..ومن كتر ما كنت بدور علي تعليقاتك حسيت اني بدور علي جيمس بوند...هههههه ..لانك تستاهل والله كل خير ويجعله في ميزان حسناتك...وبخصوص العربيه هي والله فعلا اتحكي معايا في حدود خمسين الف لانها بجد تحفه وانا بطبيعتي بعد ما اشتري العربيه ازهق منها بس عة وبدون داعي..ومن كام يوم شفت عربيه زميلي اوكتافيا 98 مرشتش بره..ومن ساعة ما شوفتها وسقتها كرهت اللانوس...وباعتز برايك كتير ايه رايك.? واللا خليني في اللانوس...تقبل تحياتي وشكرا لمرورك

[mo3tazanas]

والله ليا الشرف اتعرف بيك يا بشمهندس ممدوح ..وانت افدتني كتير بمعلوماتك اللي باخدها بثقه ..ومن كتر ما كنت بدور علي تعليقاتك حسيت اني بدور علي جيمس بوند...هههههه ..لانك تستاهل والله كل خير ويجعله في ميزان حسناتك...وبخصوص العربيه هي والله فعلا اتحكي معايا في حدود خمسين الف لانها بجد تحفه وانا بطبيعتي بعد ما اشتري العربيه ازهق منها بس عة وبدون داعي..ومن كام يوم شفت عربيه زميلي اوكتافيا 98 مرشتش بره..ومن ساعة ما شوفتها وسقتها كرهت اللانوس...وباعتز برايك كتير ايه رايك.? واللا خليني في اللانوس...تقبل تحياتي وشكرا لمرورك

اللى يركب اوكتافيا ميعرفش يركب لانوس ما ينفعش نقارن بين الاتنين دى عربية ودى عربية تانية خالص

[دعبدالرحيم]

طيب ادوس فيها..ولا قطع الغيار هتتعبني..اصل عندنا صيانتها صعبه دا اللانوس بالعافية بيصلحوها ..وكل ما اروح لميكانيكي الاقي عنده تحتمس بيشيك علي عربيته الفورد 1930 ....ههههه