خبراء الدايو نوبيرا اتوماتيك .. شكلى لبست فى الحيط .. عاااااااجل

[moryalex]

السلام عليكم ورحمة الله وبركاته
جبت عربية دايو نوبيرا اتوماتيك 2001
وفيها شوية مشاكل ومحتاس بيها عاوز حد محترم يكون ثقة ويكشف لى على العربية كلها
عاوز تقرير شامل عنها بكل اللى فيها وهتحتاج مصاريف اد ايه عشان اقدر اعمل حسابى
انا كنت رافعها فى البنزينة قبل ما اخدها والراجل قاللى تمام والموتور حالته 75 % ولو عملت سيرفس له يوصل 87 % والعفشة مفهاش حاجة
بعد كدة فوجئت بشوية مشاكل
استهلاك البنزين رهييييييب يعنى الصفيحة بتعمل 100 كيلو جوة البلد فى مشوار الشغل بين بيتى والشغل 10 كيلو على طريق سريع مفهوش اشارات خالص بروح وارجع بيها من الشغل ومش بروح اى مكان تانى وبتستهلك كل ده
وبعدين لاقيت رجرجة جامدة فى العربية تحت رجلى وانا سايق وفى التابلوه اول ما اوصل سرعة 60
بعد كدة لاقيت التكييف مش شغال رحت كشفت عليه قاللى السربنتبنة مسربة والأورسيهات عاوزة تتغير والفريون عاوز يتشحن تانى مع ان كل ده متغير معداش عليه اسبوعين
والأر بى ام عالى شوية
والبوجيهات متسرب عليهم زيت
ده غير ان زيت الموتور مش عارف بيروح فين لسة حاطط زيت ال 1500 شيل مكملوش اسبوعين برضو لاقيت مفيش زيت فى الموتور مش عارف بقى هوة ده استهلاك زيت واللا تسريب
كمان الطنابير والتيل عاوزين يتغيروا
من الأخر عاوز واحد جامد جدا ويكون ثقة يريحنى ويقوللى كل اللى فيها عشان ارتاح لأنى حاسس انى لبست فى الحيط
انا من المقطم ياريت لو فى حد قريب من المقطم او مدينة نصر يبقى خير
ارجو الاهتماااااااااام

[elnaser_m]

لا أله إلا الله .. يا صاحبي المفروض قبل ما تشتري العربية بتقلبها وتجربها لغاية ما تتطمن
او يكون معاك ميكانيكي ثقة وكفائة وفاهم هو بيجرب ويظبط ويفاصل .. وبتدية ف الاخر مش أقل من 500 جنية .. بس بعد كدا بتستريح
العربية بتاكل بنزين .. عايزه طقم رشاشات .. وهاتو (استيراد) من ميكانيكي او كهربائي ثقة .. معرفش سعره بس عندي في الانوس بحوالي 300 جنية ال4 رشاشات

رجرجة في العربية .. روح لمركز صيانة كارويتش .. يفك العجل ويتفرج على الجنط منظم ولا متعروج .. وتظبط هوا وترصص وتظبط زوايا

السربنتية مسربة .. الحل الارخص .. تتحل وتتلحم وتركب تاني هتبقى زي الفل .. في عربيتي ملحومة والتكيف تلاجة .. تلحم .. وتشحن التكيف (وعلى فكرا انا عمري ما شحنت فريون امريكي اللى 150 جنية دا وقعد معايا حاجة ... الفريون المصري ب 55 جنية واقسم بالله شغال معايا زي الفل .. الصنايعي اقولة كدا يقولي بيبوظ كابلات التكيف وشغال 3 سنين زي الفل مفيش حاجة )

العربية بتاكل زيت .. معرفش .. بس بص على المكنة من تحت وشوف في تسريب ولا اية (اطمن)
طنابيير وتيل .. بصراحة انا زهقت (ربنا يكون في عونك )

بصراحة انا لو مكانك .. مفيش غير حليين .. يا أما تطول بالك قوي .. على العربية دي وبعد شوية كدا ومصارييييف هتظبط معاك وتبقى تمام
يا أما متشتغلش فيها حاجة وتبعها وامسك دماغك على السعر اللي اشتريت بية وهاتلك حاجة حالتها حلوه تريحك

[M.Al-Hefnawy]

في المقطم مركز صيانة سيارات لمهندس اسمه ياسر وهو شخصية أمينة وهايقولك اللي في العربية بأمانة.

رقم موبايله : 01001193022 اتصل بيه واعرف المكان بالظبط وربنا معاك.

[blazer]

قبل ما تغير الراشاشات ,, لو العربيه بتاخر فى الدواره او بتدخن فى اول الدواره يبقى تغير الطقم فى اقرب فرصه و سعر طقم الراشاشت الهيونداى 200جنية

طقم سير كاتينة وسير مجموعة وبليتين " اشترى الاصلى حدود 400 جنية تقريبا على ما اتذكر
طقم فلاتر هوا وزيت و بنزين حوالى 80 جنية
طقم بوجيهات + سلوك بوجيهات لو كانت معرقة زيت 45 + 45
ضبط زوايا وترصيص وضبط ضغط الهوا فى الكاوتشات على 30
جرب تخرط الطنابير ممكن تزبط معاك لو هى حالتها معقوله طنابير جديدة حدود 300
والتيل جولد كويس جدا ب 60 جنية


بالنسبة لتسريب الزيت اتاكد ان جوان غطا التاكيهات مش بيسرب ودا تمنة 55 جنية ومتشتريش غير الاصلى

ودى كلها تعتبر صيانة دورية بتتعمل فى اى عربية جديده معدا الرشاشات
هتصرف من 1500 الى 3000 جنية على العربية ةهتبقى زى الفل بإذن الله

[haissam24h]

كلام الاعضاء كله تمام التمام
بس ليه سوال لو لمبه شيك انجلشكن منورة ياريت تحطها على الجهاز وفى واحد اسمه احمد السمان فى شارع فيصل مشهور قوى بشغل الكمبيوتر ومن اوائل الناس الى دخلت الجهاز بالنسبه للرشاشات سعرها فى حدود ال 200 ج بس معملومه مهمه وانته بتشتريها استيراد من تاخدها غير وهو مفكوكه قدامك من مسترة الماتور عشان سعات بيدوك 4 فى اديك وخلاص وانته وحظك واشهر ناس بتبيع الحجات ديه وناس محترمه قوى الشيخ مكى فى الوكاله وعاطف دفعه فى الواكله ايضا وبعد لما تجبهم بتجيب علبه تنظيف رشاشات وتنظفهم قبل التركيب ولازم تغير فلتر البنزين وقبل ما تحط الفلتر الجديد حط منظف الوقود ده شى مهم ومعا تنظيف حساس البوابه ايضا ده بالنسبه للبنزين والرشاشات
ثانيا الميكانيكا
لو العربيه فيها دخنه بيضه خفيفه ممكن يكون بدايه خف الماتور وان شاء الله مش يكون كده حاول تشوف ترشيح الزيت منين لو من عند كباس التكيفت كده ممكن يكون العيب فى اوليسى الماتور الخلفى وده بيتغير فى حدود 20 جه بتفكه وتحيبه بالرقم بالنسبه للسحب لو مش تمام وبتاخد وقت فى نقل الغيار الاوتوماتيك شيك على الزيت بتاعه وحاول تغير الفلتر والمصفه بتاعته وطريقه الكشف على الزيت بتاع الفتيس بتدى العربيه حرف ار وهى دايرة وتقيسه من مقاسه وبيزود زيت باور عادى جدا
تمام بالنسبه لموضوع سربتينه التكيف بتتفك وتتلح عادى وتغير الاوليسهات كلها للكباس ب150 ج اقصى شى والشحن 150 ج بالنسبه للرجرجه ديه ممكن يكون فى قاعده ماتور بايزة او مش مربوطه كويس هى والقنطرة
بالنسبه للمكان الى تجيبه منه قطع غيار محترمة ونظيفه
جورج حلمى =شارع ذكى بالتوفقيه
مكه بشارع السوادن امام جراج النقل العام
دول اضمن اثنين حاليا فى قطع غيار الاصليه والسعر المحترم +المنيرى فى شارع فيصل بس مش بقا ذى زمان وشكرا

[broadband]

بص يا باشا انا مشيت المشوار ده مع عربيتى لان اللى كنت مشتريها منه مهمل لاقصى درجة و بالتالى العربية كانت خشنة و فيه مشاكل كتير

اول حاجة انا اخدت خبرة من عربيات كتير اشترتها قبل كده فقلت اعمل سيرفيس شامل للعربية و كده كده اى عربيه مستعمله لازم يتعملها اللازم
1- تغيير (سير كاتينة + بليتين شداد+ اويل سيل + طرمبة مياه + بوجيهات + جوان تاكيهات+ سير دينامو +زيت موبيل xhp"غلطة:")
العربيه اتغيرت 180 درجة و بكده تبقى ماشى و مطمن
ترصيص و ظبط زوايا كمان علشان العربية تمشي مظبوط

و بعد كده الواحد ينأنأ فى الحاجات التانيه براحته
انا فى الخطة اللى جاية اغيير الرشاشات لان الدايو رشاشاتها بتبوظ بعد 80000 كم و ناوى اجيب رشاشات بى ام 40 زى ما الاستاذ / ممدوح بيقول
و معلش انت برضه بتصرف على اى عربيه حتى لو زيرو
ولو عايز اى حاجة انا تحت امرك

[moryalex]

في المقطم مركز صيانة سيارات لمهندس اسمه ياسر وهو شخصية أمينة وهايقولك اللي في العربية بأمانة.

رقم موبايله : 01001193022 اتصل بيه واعرف المكان بالظبط وربنا معاك.

انا فعلا رحت له فى مركز المسعود هوة راجل اخلاق فعلا
ركب العربية وجرى بيها فى شارع فاضى اللى جنب مسجد بلال بيحاول يجيب بيها 120 بس للأسف قاللى العربية مخنوقة اوى وبالعافية جابت 80 !!
قاللى العربية محتاجة شغل كتير فى حدود 5000 جنيه معرفش ليه
حاولت افهم منه ليه المبلغ كبير اوى كدة قاللى انا هفتحها وابدأ اشتغل فيها وكل ما لاقى حاجة بايظة هغيرها بحاجة سليمة بمعنى انى مقدرش اعرف العربية محتاجة ايه وهتتكلف ايه قبل ما يعمل اى حاجة
فهل الكلام ده صح؟
وهل المبلغ ده معقول واللا مبالغ فيه؟
وهل مفيش طريقة اعرف بيها تقرير شامل عن كل حاجة عاوزة تتصلح او تتغير وهتتكلف كام؟

[moryalex]

شكرا يا شباب على اهتمامكم وردودكم
وادعوا لى ربنا يصلح لى الحال ويعدلها معايا
وشكرا مرة تانية لكل اللى ردوا

[moryalex]

بصراحة انا لو مكانك .. مفيش غير حليين .. يا أما تطول بالك قوي .. على العربية دي وبعد شوية كدا ومصارييييف هتظبط معاك وتبقى تمام
يا أما متشتغلش فيها حاجة وتبعها وامسك دماغك على السعر اللي اشتريت بية وهاتلك حاجة حالتها حلوه تريحك

المشكلة انى معنديش وقت ومش فاضى ألف بيها عند الصنايعية
انا فعلا فكرت ابيعها بس للأسف مضطر انتظر شهرين لأن ورقها مش خلصان ومش هعرف اثبت ملكيتها ليا الا بعد شهرين
ربنا يسهل الأمور

[tarek_2005]

روح لمحمد عبده وسيبهالوا يومين وريح دماغك واستلم علي ميه بيضا

[moryalex]

بالنسبة للرجرجة اللى كانت ف العربية
اكتشفت ان العجلة اللى ورا السواق متفرتكة من كذا مكان
دورت على حاجة مستعملة استعمال نضيف لحد ما تفرج لاقيت واحدة ب 75 ركبتها
ورودت العجل كله نيتروجين والحمد لله الرجرجة راحت ومبقتش بحس بالمطبات
هشوف ميكانيكى كويس اعمل عنده موضوع البوجيهات ده وربنا يسهل بعد كدة اصلح فيها واحدة واحدة
بجد شكرا ليكم يا شباب ربنا يجزيكم كل خير وربنا يصلح لنا الاحوال

[moryalex]

كنت عاوز اظبط التكييف بس يكون عند حد أمين لأن واضح كدة ان معظمهم نصابين
حد يعرف حد كويس ومكانه فين وبيتكلف كام؟
وايه موضوع الفريون المصرى والامريكى؟

[tarek_2005]

روح لمطرواي بشارع دمشق