إعـــــــلان

Collapse

.

,
See more
See less

سعيد جدا حزين

Collapse
X
 
  • Filter
  • الوقت
  • Show
Clear All
new posts

  • سعيد جدا حزين

    السلام عليكم ويارب تكونوا فى احسن صحة
    معايا نوبيرا 1 من خمس سنين
    من سنتين بالظبط وانا باقلب فى صفحات المنتدى لاقيت صورة لعدادات النوبيرا ولاقيت فيها لمبة مرسوم عليها شنطة عربية مفتوحة !!!!!
    جديدة دى...اول مرة اعرفها ...يمكن عشان الصورة كانت لنوبيرا 2
    المهم نزلت ادعبس فى العربية وانا عارف ان الشنطة لمبتها اللى بتنورها محروقة ...فكيت اللمبة (اللى فى الشنطة) وبابص عليها لااقيتها سليمة !!! دعبست شوية وسط الصاج لاقيت سلك مربوط فى قايم واخره فيشة مش متوصلة ...بعد السحر والشعوذة ولف السلك فى حركة دائرية يمكن يتقاطع مع مكان فيشة مالقتش غير مكان واحد هو اللى يتفع فيشة ..هو مش شكل فيشة خالص بس طلع هو المكان الصح ولاقيت اللمبة اللى فى الشنطة لاول مرة نورت ..جريت على التابلوه لاقيت فيه لمبة صفرا للشنطة نورت هى كمان
    فرحت لوهلة وزعلت كتيييير
    بقى العربية بقالها معايا 3 سنين و لسة باكتشف فيها حاجات


    من كام يوم لاقيت موضوع هنا عن تركيب شريط ليدات فى لانوس ولاقيت الناس بيتكلموا عن لمبة فى الطفاية ...قلت لنفسى سيبك من الوساوس ياعم دول معاهم لانوس جديدة متطورة وانت معاك نوبيرا قديمة مكحكحة يعنى اكيد دخلوا فى اللانوس اوبشنز جديدة ..ردت عليا النفس الامارة بالسوء بكل عنصرية وغطرسة وغرور: دى لانوس تيجى ايه دى جنب امكانيات النوبيرا ..شوف خامات عربيتك القديمة وقارنها بخامات احدث لانوس
    واستسلمت للكلام دا بصراحة
    يوم الجمعة لاقيت نفسى فاضى ومش لاقى حاجة افكها فى العربية ..قلت انزل اشوف الطفاية
    شلت الطفاية بالبلاستكة الصفرا اللى بقالى خمس سنين باشوفها ومعرفش هى ايه دى ..فاكيت الفريم بتاع الكاسيت وفكيت المكان بتاع الولاعة واذا بى اكتشف ان هناك سلك اخر بجانب سلك الولاعة ...تباااااااااااااا
    اوعى يكون اللى فى بالى...ايوة هو اللى فى بالى ...لمبة طفاية محروقة :((((((((
    قلبى اتحرق اكتر واكتر وانتابنى نفس الشعور الميكس مابين الفرحة والفقعة
    خمس سنين ولسة مكتشف ان فيه لمبة للطفاية
    كدة اوووووفر

    معلش طولت عليكم بس كنت عايز افضفض
    ربنا يكتر من امكانياتكوا ومايوقعكوا فى اوبشن بايظ ابدا
    [CENTER]نص مخى شريحة الكترونية ونصه التانى ماتور عربية
    [/CENTER]
    محمود حمودة...صيدلى عاشق للهندسة

  • #2
    ههههههههههههههه
    تعيش وتكتشف :d
    [CENTER][mtohg=#000000]http://img696.imageshack.us/img696/2999/warninggf.jpg[/mtohg]

    [/CENTER]

    Comment


    • #3
      حمد اللة على السلامة
      [SIZE=5][FONT=Comic Sans MS][SIGPIC][/SIGPIC]
      amazing car[/FONT][/SIZE]

      Comment


      • #4
        حاول تشوف كده يادكتور ايه اللى تحت شعار الدايو ... جايز تكون العربية مش نوبيرا أساساً

        Comment


        • #5
          الي يفك ياما يلاقي
          [CENTER][mn7ot2]http://i827.photobucket.com/albums/zz193/tarek_2005/nile%20motors/stamp_zps919d7215.jpg[/mn7ot2][/CENTER]

          Comment


          • #6
            وياما تحت السواهى دواهى
            [SIZE=5][FONT=Comic Sans MS][SIGPIC][/SIGPIC]
            amazing car[/FONT][/SIZE]

            Comment


            • #7
              مفيش اى تطور حصل فى الانوس و النوبيرا من اول ما نزلت لحد اخر موديل
              [URL=http://www.trippytext.com/][img]http://www.trippytext.com/gen/54/822/095ad67de2e5c7d359a04f3a78e94695.gif[/img][/URL]

              Comment


              • #8
                ههههههههه
                واللى يعيش ياما يشوف ..يعنى هى جت عليا (طاهر المسطيهى ستايل)
                اى حد عارف اى حاجة ومدكن يطلعها دلوقتى احسن وقد ازعر من انذر :)
                امبارح الصبح وانا باسخن العربية ضربت فى دماغى ابدل الكاوتش الامامى بالخلفى
                كل دا والعربية شغالة سايبها تسخن
                بعد مابدلت ولسة ماربطتش قلت اربط اللى ورا الاول وهوووب الاقى الكاوتش القدمانى بيجرى لوحده جريت جوة العربية لاقيتها متمورة ..فرملت الكاوتش وسيبت الفرامل لاقيته مع نفسه تانى ويكأننى مديها الغيار الاول ..اتفصلت من الموقف قمت رابط الكاوتش وقافل العربية وماشى وسايبها مع عفاريتها.. يكشى تولع معنتش رايح اسخنها تانى...هاسيبها كدة تتعذب ...وماتقلاقوش مش هاتعذبنى ..اصلى راكنها فى حتة عالية عشان لو اتوطينت ومادارتش اسيب الفرامل واحرجها :d
                [CENTER]نص مخى شريحة الكترونية ونصه التانى ماتور عربية
                [/CENTER]
                محمود حمودة...صيدلى عاشق للهندسة

                Comment


                • #9
                  عادى خالص ان العجل يلف والعربيه دايره انا عربيتى الصبح لو واقفه على مكان مستوى بتتحرك وانا بسخنها

                  Comment


                  • #10
                    على فكرة أنا لسه برضة مكتشف أن اللانوس بتقعد تصفرلك لو بطلت العربية وسحبت المفتاح والنور العالى لسه مولع علشان متنسهوش وتنزل
                    مفاجأت ... مفاجأت ... كل يوم مفاجأة

                    Comment


                    • #11
                      المشاركة الأصلية كتبت بواسطة asom_6 مشاهدة المشاركة
                      على فكرة أنا لسه برضة مكتشف أن اللانوس بتقعد تصفرلك لو بطلت العربية وسحبت المفتاح والنور العالى لسه مولع علشان متنسهوش وتنزل
                      مفاجأت ... مفاجأت ... كل يوم مفاجأة

                      what؟؟؟!!!!!!!!!!!!!!!!!!!!!
                      عايز حد يقولى ان دا موجود فى النوبيرا ...قولولى موجودة ..قولوا ...قولوا بس برّاحة
                      [CENTER]نص مخى شريحة الكترونية ونصه التانى ماتور عربية
                      [/CENTER]
                      محمود حمودة...صيدلى عاشق للهندسة

                      Comment


                      • #12
                        هههههههههههههه تعيش وتكتشف
                        [img3]http://nileup.com/up/uploads/nilemotors_13841148121.jpg[/img3]
                        Lanos For Ever
                        :S_thum1[1]:

                        Comment


                        • #13
                          هههههههههههههههههههههههههههههههههههه
                          اللى يدعبس و يلعب ياما يشوف و يكتشف
                          ضحكتنا و الله يا باشا
                          تعيش و تكتشف ان شاء الله

                          Comment


                          • #14
                            هههههههه ياخوفى ياباشا تكتشف بكره انها مش عربيتك!!!!!
                            [SIZE="6"][/SIZE][OVERLINE][FONT="Tahoma"][/FONT][/OVERLINE]{قل اللهم مالك الملك تؤتي الملك من تشاء وتنزع الملك ممن تشاء وتعز من شاء وتذل من تشاء بيدك الخير انك علي كل شئ قدير}

                            Comment


                            • #15
                              والله الواحد ماعارف يودى جمايلكوا دى فين ...انتوا اللى بتفتحوا عنيا عالحاجات دى :)
                              [CENTER]نص مخى شريحة الكترونية ونصه التانى ماتور عربية
                              [/CENTER]
                              محمود حمودة...صيدلى عاشق للهندسة

                              Comment

                              Working...
                              X