فيشة كشاف الفانوس الامامى - لانوس

[msobhy]

السلام عليكم ورحمة الله وبركاته
سؤال يا رجاله لو سمحتم
عندى مشكله فى اللانوس - ان الفيشه بتاعت الكشاف الامامى شبه سايحه - الفيشة اللى بتركب على الكشاف من بره
المهم انها تشتغل شويه وتفصل شويه لغاية لما زهقتنى
حاولت اشتريها من كذا واحد والكل بيقولوا لى انها مش موجوده غير استيراد
دورت عند بتوع الاستيراد ولا واحد عنده أو عايز يبيعها
يا ترى حد يعرف اشتريها منين لأنى بصراحه مش عايز ادخل فى حوار الكبارى ده وأنى اسيب الفانوس مفتوح على طول

[moumen_hs]

أزاى ياعم دية مرمية فى التوفقية وكنت جايبها ب 5 جنية من هناك عند الناس الى فى الممرات الصغيرة هتلاقيها بكتير

[haissam24h]

موجوده كثير ومرميه بس برضو بتصيح الخامه بقت تعبانه قوى انا جبت لعربيتى بتاع 4 تسيح وتفصلى الفانوس وقصص فى الاخر جبت واحده من عربيه تانيه استيراد بس الفيشه بقا جديد مش بلاستيك شغاله تمام وب10 ج

[msobhy]

أزاى ياعم دية مرمية فى التوفقية وكنت جايبها ب 5 جنية من هناك عند الناس الى فى الممرات الصغيرة هتلاقيها بكتير

موجوده كثير ومرميه بس برضو بتصيح الخامه بقت تعبانه قوى انا جبت لعربيتى بتاع 4 تسيح وتفصلى الفانوس وقصص فى الاخر جبت واحده من عربيه تانيه استيراد بس الفيشه بقا جديد مش بلاستيك شغاله تمام وب10 ج

يا رجاله بيبقى فيه فيشتين
فيشة اللى جوه الفانوس - اللى هيه الثلاثيه - اللى بتركب على اللمبه على طول - وديه موجوده فى كل حته
الفيشة اللى بره الفانوس - اللى جايه من الضفيره - اللى هيه خماسية (راكب فيها 5 سلوك) هيه ديه اللى مش لاقيها
هل ديه فعلا موجوده فى التوفيقية

[msobhy]

[tarek_2005]

انتا عايز حد عنده ضفيرة حوض تالفة تا خدها منه لان مفيش بتاع استيراد هيبوظ ضفيرة الحوض علشان فيشة

[msobhy]

يعنى اكيد فعلا ان الفيشه ديه مش بتتباع لوحدها جديده - صح

[tarek_2005]

yes

[MITSUKERO]

انا لغيت الفيشة دي منغير ما ارميها و سبتها مكانها لانها كانت بتترج و الفانوس كان بيفصل و اخدت وصله من السلكين بتوعها مباشرة علي اللمبة و بصراحة ريحتني جدا الفاتوس الشمال كان مجنني

[msobhy]

انا لغيت الفيشة دي منغير ما ارميها و سبتها مكانها لانها كانت بتترج و الفانوس كان بيفصل و اخدت وصله من السلكين بتوعها مباشرة علي اللمبة و بصراحة ريحتني جدا الفاتوس الشمال كان مجنني

نفسى أعمل كده بس قلبى مش مطاوعنى - طيب سؤال بقى حضرتك موصلها مباشر وسايب ظهر الفانوس مفتوح على طول - ولا عامل كوبرى على الفيشة الخارجيه بتاعت الفانوس وفاكك الفيشة خاااالص؟

[tarek_2005]

حاول تنظف اطراف الفيشة بتاعتك كويس وتشوف حل لتثبيتها جيداً ولو بضبل فيس

[MITSUKERO]

نفسى أعمل كده بس قلبى مش مطاوعنى - طيب سؤال بقى حضرتك موصلها مباشر وسايب ظهر الفانوس مفتوح على طول - ولا عامل كوبرى على الفيشة الخارجيه بتاعت الفانوس وفاكك الفيشة خاااالص؟

بص ياباشا

فيه طريقتين

اول حاجة تعدي السلكين بتوع الفيشة من الغطاء بأنك تخرمة من الوسط و ده حل سيء لانك لما تيجي تغير الفانوس هتحتاج تغير الغطاء بس مش هتعرف لانك هتضطر تفك الفيشة

او انك تفتح فتحة في الفانوس من تحت الغطاء اللي بيقفلة علي قد الفيشة و يبقي انت كده ريحت نفسك و ده اللي انا عملته

و خلي قلبك يطاوعك ياعم انت مش هتقص حاجة خالص انت هتاخد وصلة فقط و تسيب الفيشة راكبة و مش هتلغيها

[msobhy]

حاول تنظف اطراف الفيشة بتاعتك كويس وتشوف حل لتثبيتها جيداً ولو بضبل فيس

طارق باشا - المشكلة مش فى تثبيت الفيشة - المشكلة انها سايحة من جوه بنسبة 10% وده بيخليها ثابته جدا خارجيا - لكن داخليا بتبقى سايبه :(

بص ياباشا

فيه طريقتين

اول حاجة تعدي السلكين بتوع الفيشة من الغطاء بأنك تخرمة من الوسط و ده حل سيء لانك لما تيجي تغير الفانوس هتحتاج تغير الغطاء بس مش هتعرف لانك هتضطر تفك الفيشة

او انك تفتح فتحة في الفانوس من تحت الغطاء اللي بيقفلة علي قد الفيشة و يبقي انت كده ريحت نفسك و ده اللي انا عملته

و خلي قلبك يطاوعك ياعم انت مش هتقص حاجة خالص انت هتاخد وصلة فقط و تسيب الفيشة راكبة و مش هتلغيها

والله انا قررت انى اخرم غطاء الفانوس واركب فيشه صغيرة ثلاثيه من جوه - بحيث انى اقدر أفك الغطاء والفيشه وتفضل موجودة كجزء من الضفيرة - يا مسهل

[tarek_2005]

ارفع صورة ليها من الداخل وان شاء الله اقولك علي الحل السليم

[msobhy]

ارفع صورة ليها من الداخل وان شاء الله اقولك علي الحل السليم

+111111111111111111