طنابير وتيل فرامل أمامي الأصلي لانوس 2

[karimbow1]

السلام عليكم

ان شاء الله هغير الطنابير الأمامي وهغير معاهم التيل بالمره فكنت عايز حد يكون بيبيع الطنابير ال جي ام الأصليه والتيل الأصلي او تيل يكون كويس بس يا ريت يكون المحل في وسط البلد او مصر الجديده

ياريت يا اخواننا تفيدوني بسرعه وحد يكون مضمون وسرعه كويس

شكراً

[ahmedteam]

محل ابو الحسن فى شارع المرور امام جامعه القاهره(باب تجاره)

فى تيل جولد ده كويس

[lanos2004]

التيل الجى ام الاصلى 145 جنيه وبيعيش ثلاث اضعاف اى تيل اخر وبيوقف العربيه كويس
الطنابير هات ريمسا كويسه تقريبا من 200 الى 250 جنيه

[karimbow1]

بتاع الفرامل قالي هات طنابير جي ام علشان دي احسن فإيه رأيكم الاصلي احسن ولا اجيب نوع تاني بس يكون كويس بالنسبه للريمسا بصراحه اول مره اسمع عنها ياريت يا اخوانا تفيدوني

[lanos2004]

الريمسا اسبانى وانا مركبها عندى وزى الفل

[karimbow1]

تمام يا باشا ، متشكر جدا على تعبك

[mailo]

هات التيل الأصلي هيعيش أكتر ومش هياكل الطنابير زي أي تيل تاني

[JAM]

اسال على سعرها فى التوكيل واسال على سعرها بره... لإن ساعات وعن تجربة التوكيل بيكون ارخص... وعندك منفذ بيع قطع الغيار فى سور نادى الزمالك

[a_arazik]

يا فندم انا لسة شاري التيل الاصلي من يومين ب 120 جنية والصراحة حسيت بفرق جامد في الفرامل متجيبش غير التيل والطنابير الاصلية وشكراااااااااا

[tarek_2005]

وعندك نافع في شارع دمشق

[mero100]

أنا مبغيرش غير تيل gm أصلي من التوكيل .
و بصراحه مبيكملش معايا 10000 كم .
و في التوكيل بيقولولي إن طريقه السواقه هيه اللي بتحدد عمر التيل و عرفت إن التيل اللي بيتاكل أفضل من اللي مبيتاكلش لأن الأخير بيبوظ الطنابير.
بس الأعضاء بيشكروا في الجولد .. عاوزين مشاركات أكتر عن تجارب الأعضاء مع تيل جولد و هل فيه منه أصلي و مضروب ؟
و شكرا.

[tarek_2005]

الجولد مركبه عندي دلوقتي بس بيصفر في الصباح الباكر لما بيكون بارد وبعدين انا مركبه علشان مش فارق معايا طنابير لانها بايظة اصلاً ومكسل اغيرها لاتمام تعديل الفرامل ههههه

[MMamdouh]

الطنابير الاصلى مكلفة جدا مقارنة بالبدائل المحترمة... يعنى الاصلى فى حدود 400 او 450 فى حين ان الريمسا و البريمبو فى حدود 200 الى 250 جنية

هات التيل الاصلى... الجولد دلوقتى بقى ناشف و مش حلو

MMamdouh

[wael_power]

التيل هات الجي ام الاصلي من غير تردد
بالنسبة للطنابير عن تجربة البريمبو الايطالي فوق الممتازة ويمكن احسن من الجي ام الاصليه وسعرها نصف الجي ام ,وده بعد تجربة ونصيحة من مستشارنا ممدوح بك
وموجوده عند عزيز سليمان في التوفيقية

[karimbow1]

متشكر لكل اللي اهتم ورد عليا