مشترك مياه فيبر 27 و 25 gm للنوبيرا

[kagawa]

الاصدقاء الاعزاء

قدر الله ماشاء فعل والحمد لله

انا معايا نوبيرا موديل 2003 اوتوماتيك عامله حوالي 30 الف كم يعني تعتبر بحاله الفبريقه

انا متعود اشيك علي الميه كل اسبوعين امبارح فتحت القربه لقيتها ناقصه حاجه بسيطه

اطمنت وزودت القيرا ط ده بميه موبيل الخضرا ....

روحت بيها مشوار صغير حوالي 3 كيلو رايح وزيهم جاي وانا بركن العربيه شميت ريحه شياط

زي ما يكون كاوتش بيتحرق فتحت الكبوت ولفيت حولين العجل معرفتش الاقي مصدر الريحه

ندهت علي واحد شغال في المصريه للسيارت من اللي بيشيكوا علي العربيات الزيرو

قالي ماتخدش في بالك ساعات تيل الفرامل بيقفش العجله لما تكون مش بتمشي كتير وطمني

النهارده روحت نفس المشوار ورجعت وانا بركن العربيه لقيتها بطلت مره واحده وده غريب لانها اوتو

نزلت بسرعه غتحت الكبوت لقيت ريحه الشياط ومعاها دخنه خفيفه جايه من الناحيه الشمال

ملحوظه حراره الماتور والحوض طبيعيه جدا مافيش اي زياده لاني جسيت بايدي

يسرعه جبت واحد ميكانيكي بجد وهو معرفه .....

جه قالي دور العربيه ... دورتها بس سمعت صوت سكسكه مع المارش

لعب شويه في عجله السلانسيه ( عن عن عن عن ) وقال لي الماتور سليم اهه بس احتمال

سير الباور جه للاخر وانت بتركن فافش الماتور فبطل .... , وخد اللي فيه القسمه ومشي

وانا بلم حاجتي من العربيه بالصدفه عيني جت علي مؤشر الحراره لقيته معدي المنطقه الحمرا

وعايز يخرج بره ..... طول عمر المؤشر ما زاد عن الطبيعي ولا مليمتر عشان كده مش متابع معاه

جبت واحد كوماندا في توكيل جنبنا قالي سيب العربيه لما تبرد خالص ونبتدي نبص علي كهربه ا

المراوح وبعدين نشيك علي دوره الميه....

بعد ما العربيه ما بردت فتحنا القربه ..... ياللهول نشفه خالص مافيش ميه نهائي في العربيه

ابتدينا نحط ميه لقينا الوصله الفيبر اللي في ضهر الماتور مكسوره والميه نازله حنفيه منها ..يعني

انا روحت مشوار الشغل الصبح ورجعت من غير ما يكون فيه نقطه ميه في العربيه

الله يسامح ال 2 ميكانيكيه الاوليين

المهم دلوقتي :

1- انا جبت وصلتين المونيوم من ابو الحسن 25 27 ورحت وجبت وصلتين اصلي بتوع النوبيرا gm من توكيل منصور

بس محتار اركب مين فيهم الاصلي الفيبر بتاع بلدها ولا الالمونيوم بتوع ابو الحسن ؟؟؟؟

2- بعد ما ا زود الميه اعمل ايه عشان اعرف الخساير وهل سير الكاتينه ممكن يكون اتاثر ؟؟؟؟

3- ايه سبب كسر الجزء ده

4- ليه المؤشر الحراري كان في الاحمر للا خر بس الماتور مش سخن؟

ملحوظه الماتور بدا يسخن بعد ما طفيت العربيه مش وهي دايره ليه ؟

برجاء مساعدتي قبل ما ابدء يوم الجمعه

عزرا للاطاله والف شكر

[megadeath]

حصل معايا الموضوع ده بالظبط يوم الاثنين اللى فات بس ان كنت لسه مغير المشترك ده و مركب واحد جديد
و الميكانيكى المحترم قرص عليه جامد فى الربط و انا باجرى على كوبرى اكتوبر و مع الفواصل اللى زى الزفت اللى على الكوبرى بقت بتشيل العربية و تهبدها المهم قبل ما انزل الكوبرى سمعت صوت تسقيف جامد ما حططش فى دماغى و نزلت من الكوبرى و انا فى الدقى كل ما اقرص على العربية يطلع الصوت ده المهم ركنت عند نادى الصيد و شىء من عند الله الهمنى ان ابص على القربة و المفاجاء ملقيتش و لا نقطة ميه ، المهم دورت و زودت ميه ابص ملقيهاش فى القربة و لا نقطة ميه برده بصت على المشترك الجديد اللى لسه راكب لاقيه مكسور تماما ، روحت جبت مشترك فايبر من عند منير ب15 جم و جبت ميكانيكى من فيصل و انا راجع و ظبط الدنيا و خد 30جم ام فيما يخص التسقيف فكانت طلمبة المياه لانها كانت بتلف على الفاضى مفهاش ميه
اهم حاجة حضرتك تتاكد منه شوف طلمبة المية و اتاكد انه بتقلب كويس و اتاكد من علامات تلف جوان وش السلندر ( و ده للاحتياط مش اكتر ان شاء الله ما فيش جوان و لا حاجة )
المشترك ده ليه عمر افتراضى زى اى حاجة فى العربية اما بخصوص ليه العربية سخنت لما بطلت لان حضرتك لما بطلت قطعت الدايره الكهربائية عن المراوح و اصبح العربية مفهاش ميه و لا المرواح شغالة
وده راى المتواضع من التجربة اللى حصلت معايا و ممكن يكون فى حد فى المنتدى عنده اراء تانية
و الحمد لله انها جت سلميه

[MMamdouh]

ركب الوصلات الالومنيوم... الفبر بينشف من الحرارة و بيبقى سهل يتكسر

بعد ما تركب الوصلات و تملا مية دور و جرب العربية... لاو شغالة تمام يبقى الحمد لله مفيش خساير

MMamdouh

[mo3tazanas]

الخلاصة فى موضوع المشترك دة
اولا انت عاندك 2 مشترك واحد مقاس 25 والتانى مقاس 27 ودول بيكونو فبر او بلاستك يتحمل درجة الحرارة العالية بس طبعا مع الاستعمال وماية سخنة رايحة وماية سخة جاية المشترك دة بيتكسر
وطبعا الواحد ما بيتعلمش بيبلاش
فدائما وانت ماشى تبص على عداد الحرارة
وانا عن نفسى شايل2 مشترك احتياطى معايا فى شنطة العدة فى العربية
وممكن تريح نفسك وتجيب المشترك الالومنيوم ودة اكيد مابيتكسرش
ولو حصل الموضوع دة معاك تستنى العربية لما تبرد خالص وتبقى تلج وبعدين تركب المشترك وتزاود مياة
وخالى بالك علشان انت احتمال كبير بعد ما مشيت على العربية وهيا منغير ماية هتحتاج تغير جوان وش سلندر لانة اكيد اتفحم وهايسرب ماية
ثانيا سير الكاتينة مالوش داعوة باى حاجة من دى ولا فية تاثير عالية
ثالثا اللى يحكم على سخونة العربية مواشر الحرارة وليس ايد حضرتك
رابعا حاجة ليك علشان لو مااخدش بالك من عداد الحرارة لو العربية لقيتها بتكركر معاك تبص اول حاجة على عداد الحرارة لان مواشر الحرارة لما بتوصل للاحمر العربية هتلاقيها بتكركر بس مش معنى كدة انها لو كركرت معاك تبقى سخنة لا فى اسباب تانية كتير بس دة اول اجراء بتعملة لو حصل معاك الموقف دة
معلش طولت عليك

[kagawa]

حصل معايا الموضوع ده بالظبط يوم الاثنين اللى فات بس ان كنت لسه مغير المشترك ده و مركب واحد جديد
و الميكانيكى المحترم قرص عليه جامد فى الربط و انا باجرى على كوبرى اكتوبر و مع الفواصل اللى زى الزفت اللى على الكوبرى بقت بتشيل العربية و تهبدها المهم قبل ما انزل الكوبرى سمعت صوت تسقيف جامد ما حططش فى دماغى و نزلت من الكوبرى و انا فى الدقى كل ما اقرص على العربية يطلع الصوت ده المهم ركنت عند نادى الصيد و شىء من عند الله الهمنى ان ابص على القربة و المفاجاء ملقيتش و لا نقطة ميه ، المهم دورت و زودت ميه ابص ملقيهاش فى القربة و لا نقطة ميه برده بصت على المشترك الجديد اللى لسه راكب لاقيه مكسور تماما ، روحت جبت مشترك فايبر من عند منير ب15 جم و جبت ميكانيكى من فيصل و انا راجع و ظبط الدنيا و خد 30جم ام فيما يخص التسقيف فكانت طلمبة المياه لانها كانت بتلف على الفاضى مفهاش ميه
اهم حاجة حضرتك تتاكد منه شوف طلمبة المية و اتاكد انه بتقلب كويس و اتاكد من علامات تلف جوان وش السلندر ( و ده للاحتياط مش اكتر ان شاء الله ما فيش جوان و لا حاجة )
المشترك ده ليه عمر افتراضى زى اى حاجة فى العربية اما بخصوص ليه العربية سخنت لما بطلت لان حضرتك لما بطلت قطعت الدايره الكهربائية عن المراوح و اصبح العربية مفهاش ميه و لا المرواح شغالة
وده راى المتواضع من التجربة اللى حصلت معايا و ممكن يكون فى حد فى المنتدى عنده اراء تانية
و الحمد لله انها جت سلميه

الصديق megadeath
اشكرك لسرعه مساعدتي احب اسالك
1- بتقول الميكانيكي قرص علي المشترك بتاعك ليه هو غير الافيز بتاعه ؟
2- انت ركبت الفيبر احسن ؟
3- انا غلطت اني بطلت عربيتي وهي سخنه؟

شكرا لك

[megadeath]

هو غير الافيز ثانيا اللى انا اعرفة ان المشترك بتاع العربية الاصلى هو الفيبر بس طلما فيه المونيوم يبقىاكيد احسن

[kagawa]

ركب الوصلات الالومنيوم... الفبر بينشف من الحرارة و بيبقى سهل يتكسر

بعد ما تركب الوصلات و تملا مية دور و جرب العربية... لاو شغالة تمام يبقى الحمد لله مفيش خساير

MMamdouh

مهندس MMamdouh

شكرا لردك وربنا يسمع منك
بس الو صلات الالمونيوم مش ها تسخن جامد؟ كمان انا حاسس انها مش ملساء من الداخل كمان قطرها من الداخل مش زي الاصليه الفيبر

.
.

[kagawa]

الخلاصة فى موضوع المشترك دة
اولا انت عاندك 2 مشترك واحد مقاس 25 والتانى مقاس 27 ودول بيكونو فبر او بلاستك يتحمل درجة الحرارة العالية بس طبعا مع الاستعمال وماية سخنة رايحة وماية سخة جاية المشترك دة بيتكسر
وطبعا الواحد ما بيتعلمش بيبلاش
فدائما وانت ماشى تبص على عداد الحرارة
وانا عن نفسى شايل2 مشترك احتياطى معايا فى شنطة العدة فى العربية
وممكن تريح نفسك وتجيب المشترك الالومنيوم ودة اكيد مابيتكسرش
ولو حصل الموضوع دة معاك تستنى العربية لما تبرد خالص وتبقى تلج وبعدين تركب المشترك وتزاود مياة
وخالى بالك علشان انت احتمال كبير بعد ما مشيت على العربية وهيا منغير ماية هتحتاج تغير جوان وش سلندر لانة اكيد اتفحم وهايسرب ماية
ثانيا سير الكاتينة مالوش داعوة باى حاجة من دى ولا فية تاثير عالية
ثالثا اللى يحكم على سخونة العربية مواشر الحرارة وليس ايد حضرتك
رابعا حاجة ليك علشان لو مااخدش بالك من عداد الحرارة لو العربية لقيتها بتكركر معاك تبص اول حاجة على عداد الحرارة لان مواشر الحرارة لما بتوصل للاحمر العربية هتلاقيها بتكركر بس مش معنى كدة انها لو كركرت معاك تبقى سخنة لا فى اسباب تانية كتير بس دة اول اجراء بتعملة لو حصل معاك الموقف دة
معلش طولت عليك

الصديق mo3tazanas
تعرف انك خلتني اضحك رغم حالتي الصعبه دلوقتي وانت بتقول
(وانا عن نفسى شايل2 مشترك احتياطى معايا فى شنطة العدة فى العربية )
يعني الدراما دي ممكن اعيش فيها تاني ؟ وممكن واحد عربيته عطلانه علي الكوبري يوقفك
ويسالك معلش الاقي معاك وصله 27 ؟
تاني حاجه لما قلت الواحد ما يتعلمش بلاش يعني الواحد يحرقله عربيتين تلاته في السنه
ويبقي في الاوكيه
ربنا يكرمك زي ما خلتني ابتسم وانا بقرأ ردك

شكرا لاهتمامك بمشكلتي

.
.
ربنا

[MMamdouh]

مهندس MMamdouh

شكرا لردك وربنا يسمع منك
بس الو صلات الالمونيوم مش ها تسخن جامد؟ كمان انا حاسس انها مش ملساء من الداخل كمان قطرها من الداخل مش زي الاصليه الفيبر

.
.

هتسخن طبعا... بس الفرق انها لما تسخن مش هتنشف و تتكسر زى الفبر

كل دة ميفرقش حاجة... اساسا الوصلات دى بتاعت تشغيل التكييف السخن اللى 99% مننا مش بيستعملة و سرعة تدفق المية مش فارقة كتير فى تشغيل التكييف السخن... من الاخر متقلقش من اى حاجة

MMamdouh

[kagawa]

مهندس MMamdouh

بعد التحيه ... بالنسبه لموضوعي مشترك الفيبر 27 اللي اتكسر
امبارح الميكانيكي غير المكسور وركب الجديد وقالي دور العربيه وحط ميه حنفيه (مرضاش يستني اجيب خضرا)
وخد الهوا وركب خرطوم القربه ....
المراوح اشتغلت متاخره شويه بعد حوالي 15 دقيقه
بعد كده طفيت العربيه حوالي 1\2 ساعه بعدين عملت بيها مشوار للتجربه
الملاحظات
1- العربيه حسيت ان الماتور بقي قوي السحب اشد بس مش مريح وفيه رجه خفيفه من الماتور
حاسس بيها جوه الكابينه .. بعدين راحت
2- مؤشر ال rpm قبل الموضوه ده لما كانت العربيه بارده وادورها كان المؤشر ياخد حوالي2 دقيقه
لما ينزل ل قبل الواحد بشرطه 0.9 وبعدين لما العربيه تمشي شويه يوصل ل 7.5
دلوقتي لما ادور ينزل علي طول ل 0.9 وبسرعه ل 7.5 يعني ما يطولش زي الاول ليه
3- لما كانت الميه خضرا التشريب اللي جاي من الكوعه كان مش كتير بس مع ميه الحنفيه التسريب ذاد
4- دلوقتي العربيه اشتغلت بميه الحنفيه حولي ساعه مشي ويوم كامل مركونه
انا عايز ارجع احط ميه موبيل الخضرا تاني ينفع ولا غلط
5- لازم افتح الردياتير من تحت لتغيير المياه او اني اخلع المشترك الفيبر 25 واغيره واسرب الميه عن طريقه

اشكر لك اهتمامك

[tarek_2005]

مهندس mmamdouh

بعد التحيه ... بالنسبه لموضوعي مشترك الفيبر 27 اللي اتكسر
امبارح الميكانيكي غير المكسور وركب الجديد وقالي دور العربيه وحط ميه حنفيه (مرضاش يستني اجيب خضرا)
وخد الهوا وركب خرطوم القربه ....
المراوح اشتغلت متاخره شويه بعد حوالي 15 دقيقه
بعد كده طفيت العربيه حوالي 1\2 ساعه بعدين عملت بيها مشوار للتجربه
الملاحظات
1- العربيه حسيت ان الماتور بقي قوي السحب اشد بس مش مريح وفيه رجه خفيفه من الماتور
حاسس بيها جوه الكابينه .. بعدين راحت
2- مؤشر ال rpm قبل الموضوه ده لما كانت العربيه بارده وادورها كان المؤشر ياخد حوالي2 دقيقه
لما ينزل ل قبل الواحد بشرطه 0.9 وبعدين لما العربيه تمشي شويه يوصل ل 7.5
دلوقتي لما ادور ينزل علي طول ل 0.9 وبسرعه ل 7.5 يعني ما يطولش زي الاول ليه
3- لما كانت الميه خضرا التشريب اللي جاي من الكوعه كان مش كتير بس مع ميه الحنفيه التسريب ذاد
4- دلوقتي العربيه اشتغلت بميه الحنفيه حولي ساعه مشي ويوم كامل مركونه
انا عايز ارجع احط ميه موبيل الخضرا تاني ينفع ولا غلط
5- لازم افتح الردياتير من تحت لتغيير المياه او اني اخلع المشترك الفيبر 25 واغيره واسرب الميه عن طريقه

اشكر لك اهتمامك

موضوع الار بي ام ده نظف الايديل واعمل ايديل لرن
موضوع المياه مفيش مشكلة من التغيير بس استعمل الايدا افضل من موبيل من وجهة نظري الشخصية
وفك عصفورة الردايتر لتفريغ القديمة افضل لانها ادني جزء من دورة التبريد وهتفرغ الجزء الاكبر ولن يتبقي بالمحرك سوي لتر او لتر وربع علي اقصي تقدير

[kagawa]

موضوع الار بي ام ده نظف الايديل واعمل ايديل لرن
موضوع المياه مفيش مشكلة من التغيير بس استعمل الايدا افضل من موبيل من وجهة نظري الشخصية
وفك عصفورة الردايتر لتفريغ القديمة افضل لانها ادني جزء من دورة التبريد وهتفرغ الجزء الاكبر ولن يتبقي بالمحرك سوي لتر او لتر وربع علي اقصي تقدير

الاستاذ طارق

اشكر اهتمامك بالرد والشكر ده اقل شئ ممكن اقدمه ليك لانه معروف عنك دايما حبك للاصدقاء
ودايما سباق لمساعده الا صدقاء بمعلوماتك القيمه وخبرتك وربنا يبارك لينا فيك

.

.

.

[som3a2]

الموضوع ده حصل معايا بردو .. بس كنت بشد مع واحد صاحبي معاه تويوتا :d
بعد الشد ركنا ع جنب وبالصدفه ببص ع امبير الحراره لقيته ع الاحمر بطلت العربيه ع طول .. ونزلت بصيت ع القربه ملقتش نقطة ميه ازود ميه تنزل من تحت زي الحنفيه المهم روحت العربيه عشان كنت بالليل وتاني يوم وديتها للميكانيكي غير الكوعه ب واحده فيبر بردو وحط ميه عاديه مش خضرا وخد الهوا و كله تمام من ساعتها اهم حاجه قبل ماتطلع بالعربيه تبص ع الميه و الزيت وياسلام لو في اليوم مرتين تلاته بحيث ان لو الميه بتنقص منك تلاحظ النقصان ده ولو كتير تشيك عليه وتشوف منين جاي النقص ده
لأن انا من يومين كده كنت مسافر ومشغغل التكييف وفجأه لقيت التكييف قل خااااااالص
شوية لقيت سخونيه تحت رجلي ببص في الامبير لقيت معدي المعدل الطبيعي ركنت ونزلت فتحت الكبود لقيت في صوت تسريب هوا ... بدور لقيت خرطوم رفيع اللي واصل من الموتور للمنفو مقطوع ومفيش ميه نهائي في العربيه المهم عملته و زودت ميه ...ف خد بالك .. و ربنا يستر

[kagawa]

]الموضوع ده حصل معايا بردو .. بس كنت بشد مع واحد صاحبي معاه تويوتا :d
بعد الشد ركنا ع جنب وبالصدفه ببص ع امبير الحراره لقيته ع الاحمر بطلت العربيه ع طول .. ونزلت بصيت ع القربه ملقتش نقطة ميه ازود ميه تنزل من تحت زي الحنفيه المهم روحت العربيه عشان كنت بالليل وتاني يوم وديتها للميكانيكي غير الكوعه ب واحده فيبر بردو وحط ميه عاديه مش خضرا وخد الهوا و كله تمام من ساعتها اهم حاجه قبل ماتطلع بالعربيه تبص ع الميه و الزيت وياسلام لو في اليوم مرتين تلاته بحيث ان لو الميه بتنقص منك تلاحظ النقصان ده ولو كتير تشيك عليه وتشوف منين جاي النقص ده
لأن انا من يومين كده كنت مسافر ومشغغل التكييف وفجأه لقيت التكييف قل خااااااالص
شوية لقيت سخونيه تحت رجلي ببص في الامبير لقيت معدي المعدل الطبيعي ركنت ونزلت فتحت الكبود لقيت في صوت تسريب هوا ... بدور لقيت خرطوم رفيع اللي واصل من الموتور للمنفو مقطوع ومفيش ميه نهائي في العربيه المهم عملته و زودت ميه ...ف خد بالك .. و ربنا يستر[/SIZE]

الصديق som3a2

اشكر مشاركتك بس ايه هو الخرطوم الرفيع اللي واضل من الماتور للمنفو ... ايه هو ده المنفو؟؟؟
وايه علاقته بالتكييف؟

.

.
.

[som3a2]

الصديق som3a2

اشكر مشاركتك بس ايه هو الخرطوم الرفيع اللي واضل من الماتور للمنفو ... ايه هو ده المنفو؟؟؟
وايه علاقته بالتكييف؟

.

.
.

المنفو ده اللي موجود فوق الموتور من ورا انا بصراحه معرفش وظيفته :d
ومعرفش ايه علاقته بالتكييف بردو بس انا قصدي لما العربيه سخنت والميه اتسربت من الخرطوم التكييف ادائه قل