مشكلة تبطيل العربية

[haimaN]

السلام عليكم
ياترى اى الاسباب اللى تخلى العربية تبطل لوحدها وانت ماشى يعنى تكون ماشى فى امان الله تلاقى العربية بطلت ولمبة الاتشك مش بتنور قبلها ولا اى حاجة
تقف وتدور تدور عادى وتمشى شوية وممكن تبطل تانى
انا نضفت الاديال كنترول وغيرت فلتر الهوا والبنزين
ياترى ممكن يكون من اى تانى ؟

العربية نوبيرا 2 اتوماتيك ماشية 232 الف

[tarek_2005]

1 - طرمبة بنزين
2 - بوبينة
3 - فلتر بنزين
4 - حساس كرنك
5 - ارتفاع حرارة الموتور لاي سبب

[haimaN]

1 - طرمبة بنزين
2 - بوبينة
3 - فلتر بنزين
4 - حساس كرنك
5 - ارتفاع حرارة الموتور لاي سبب

شكرا على الرد طارق
انا اخر مرة من يومين غيرت فلتر البنزين ونضفت الاديال كنترول
والحرارة مش بتعلى عندى الحمد لله
البوبينة اشترتها من تقريبا 10 شهور اصلى من الشرقاوى

يبقى كده الاحتمالات فى
طرمبة بنزين
حساس كرنك
بوبينة

لو تقولى اعرف ازاى انهى واحده بالضبط يبقى كويس اوى مع العلم ان الموضوع ده مش بيحصل باستمرار يعنى بتحصل مرة او مرتين كل يومين او يوم
وتشكر مقدما

[MMamdouh]

دى اكيد حاجة ليها علاقة بمشكلة كهربا لان مشاكل الميكانيكا غالبا بتتحصل بالتدريج و لما بتحصل مبتتحلش لوحدها

غالبا عندك فيشة او سلك فية مشكلة بيفصل كهربا فا العربية بتبطل و لما بيلقط تانى العربية بتدور... راجع على توصيلات الكهربا بتاعت الحاجات اللى قالك عليها طارق

MMamdouh

[haimaN]

دى اكيد حاجة ليها علاقة بمشكلة كهربا لان مشاكل الميكانيكا غالبا بتتحصل بالتدريج و لما بتحصل مبتتحلش لوحدها

غالبا عندك فيشة او سلك فية مشكلة بيفصل كهربا فا العربية بتبطل و لما بيلقط تانى العربية بتدور... راجع على توصيلات الكهربا بتاعت الحاجات اللى قالك عليها طارق

mmamdouh

ان شاء الله هاراجع على التوصيلات واقولكم اى اللى حصل

[besso33]

دى اكيد حاجة ليها علاقة بمشكلة كهربا لان مشاكل الميكانيكا غالبا بتتحصل بالتدريج و لما بتحصل مبتتحلش لوحدها

غالبا عندك فيشة او سلك فية مشكلة بيفصل كهربا فا العربية بتبطل و لما بيلقط تانى العربية بتدور... راجع على توصيلات الكهربا بتاعت الحاجات اللى قالك عليها طارق

MMamdouh

يا بختك ،،، الاتنين الكبار ردوا عليك في موضوع واحد

[haimaN]

تسلموا كلكم والله
في نفس اليوم اللى عملت فيه الموضوع العربية بطلت 4 مرات وركنت لما وصلت المشوار وبعد كده دورة ومشيت 50 متر وبطلت وحلفت ما تدور تاني
روحت فاتح الكبوت وقلت اشوف طرمبة البنزين شغاله ولا فاصله لقتها بتجيب بنزين كويس
قلت اشيل سلكة من البوبينة واشوف بتجيب كهربا في الدوارة ولا لا لقتها قاطعة خالص
دورت علي ميكانيكي لقيت عنده واحدة قديمة علشان الوقت متاخر خدها منها 175 طبعا غاليه اوي بس انا ساكن في حدائق الاهرام قلت عقبال ما اشترى واحدة اصلي

بس حابب اقول للناس انها مش تشترى حاجة من الشرقاوي اللي في جسر السويس لانه نصاب وانا اتاكد من كده من كذا معامله لاني شارى منه البوبية اللي باظت بقلها 5 شهور وكانت محطوطه في علبة جي ام بس مش كنت مرتاح ليها لانها مش مكتوب عليها اي حاجة ولما فكتها عند الراجل قالي دى صيني ووراني الفرق بين الاتنين طبعا حسبي الله فيه
وبرده اشتريت منه طرمبة ميه حاططها في علبه جي ام ولما روحت المركز قالي دى كوري والجى ام اهى وورهاني وبرده كان في فرق من ساعتها وانا اتاكد انه حرامي في معاملته وخاصة بعد موضوع البوبينه ده

[samehenany05]

دى اكيد حاجة ليها علاقة بمشكلة كهربا لان مشاكل الميكانيكا غالبا بتتحصل بالتدريج و لما بتحصل مبتتحلش لوحدها

غالبا عندك فيشة او سلك فية مشكلة بيفصل كهربا فا العربية بتبطل و لما بيلقط تانى العربية بتدور... راجع على توصيلات الكهربا بتاعت الحاجات اللى قالك عليها طارق

mmamdouh

المشكله دى حصلت معايا امبارح وطلع فيه فيشه تحت سير الدينمو اتحركت من مكانه الكهربائى عملها دارت العربيه وده بعد ما سحبت العربيه اكثر من عشرين متر

[tarek_2005]

المشكله دى حصلت معايا امبارح وطلع فيه فيشه تحت سير الدينمو اتحركت من مكانه الكهربائى عملها دارت العربيه وده بعد ما سحبت العربيه اكثر من عشرين متر

دي فيشة حساس الكرنك

[Car's Sniper]

احتمال كبييير الموبينة...هى اللى لما بتسخن بتفصل .
حضرتك لما بتروح مشوار وتبطل العربية وتيجى تدورها على طول بتدور بسرعة؟؟؟

[kholoud khalid]

لو سمحت يا ترى حضرتك لقيت حل لمشكلة تبطيل العربية دية؟ لأني أنا كمان بواجه نفس المشكلة حاليا في عربتي و هي نفس الموديل و فيه ناس قالو لى انها بوجهات أو فيوز و غيرتهم هي قللت عدد مرات التبطيل بس لسه برده بتبطل خاصة لما ببقى ماشية على سرعة و ابدا أهدى سرعة .. أرجو الرد .. شكراً

[Mecha]

ممكن بطاريه او دينامو
والكابلات وفيوز وريليه الشحن

[Bssamzaki]

السلام عليكم
انا عربيتى كيا كارينز اوتوماتيك 2011
العربيه روحت مره عملتلها check كده ولقيت فيه شمعه قاطعة وغيرت فلتر الهواء و ظبطت كل الزيوت وكله تمام و بعدين ودتها تتنظف ... الراجل نظفلى الموتور ومن تحت وكله
المهم بعد كده العربيه بقت بتعمل حاجات غريبه ... ابقى ماشى بسرعتى وبعدين العربيه تبطل
اجى ادورها تدور عادى بس ازود بنزين الrpm متعلاش عن 4 مهما دوست على دواسه البنزين سواء على ال N او الD
وبعدين ابطل العربيه و اشيل المفتاح و احطه و ادور تانى ترجع تبقى زى الفل
شويه بشويه الموضوع ده بيزيد
بدل مابيحصل مره كل يومين بقى مره فى اليوم بقى مرتين فى اليوم وهكذا

ارجو الرد و شكرا

[hossam aly]

الاسكندرية

انا معايا استرا ٢٠٠٠ ومره واحدة بارضوا عملت كده كل شوية تبطل اسيبها شويه تدور حبة وتبطل غيرتلها حساس كرنك بارضوا فيها نفس المشكله
الناس بتقولى اغير كارتة
مع العلم انها ١٨٠٠cc