تجربتي الجديدة مع صيانة العربية بالصور

[friendship7897]

كان ليا تجربة مع صيانة السيارة كانت عن تغيير سير الكاتينة وعملت موضوع بنفس العنوان بالصور ، ودلوقتي الموضوع أحلو في عيني وعملت تظيبط لبعض الخبطات بالعربية والخدوش ، والحمد لله تمت بنجاح زي ما أنا كنت أتمنها إلا قليلاً ، شكلي أغير كاريري وأقلب صبي سمكري أو ميكانيكي ، وإليكم إستعدال بعض الخبطات على البارد وعلاج الخدوش وتلميع السيارة بشرح مبسط لما تم عمله :-
1) دي الخبطة الأولى :-






2) والخدوش دي :
3) فكنا الإكصدام للحامه وإستعدال الإعجواج :-





4) تم لحام الإصدام :


ثانياً : المرحلة التانية :-




ودي الحاجات المستخدمة في التلميع




ودا دهن المواد البولش وبإستخدام القطن يتم التلميع :




ودي العربية بعد التلميع :



اللي ليه إي إستفسار عن اللي أتعمل - أعتبروني الواد بلية (وبلغة الواد بليه) : في الخدمة يا باشا منك ليه

[Ahmed_Adham]

مبروك عليك بس مفيش صوره واضحه للاكصدام بعد التظبيط؟

[mado83]

مبرووووووووووووك وياريت نعرف التكلفه والمكان والعنوان ولو فى رقم تليفون

[friendship7897]

مبروك عليك بس مفيش صوره واضحه للاكصدام بعد التظبيط؟

الله يبارك فيك وشكراً على مشاركتك
وموضوع صورة الإكصدام بصراحة متعمدة لسببين - السبب الأول : الصورة طلعت مهزوزة ومش حلوة ، والسبب التاني والأهم - علشان الإصدام شكله وحش بعد الرش والراجل بتاع التلميع واللي رشه رغم أنى قولت له ما يرشش علشان العربية تفضل فابريكة - رشه وحش - ووعدني بأنه هيصلحه تاني - ولما يتصلح هصور العربية تاني من جميع الجهات .
* هو فيه سؤال للخبراء :
هو الإكصدام مش تبع العربية في موضوع رش العربية - يعني لما رشيت الإكصدام - العربية كدة برضوا تعتبر فابريكة ولا لأ ؟!

[tarekzein]

مبروك

والخبره دى بفلوس برضه

التكلفه كاااااااااام

[friendship7897]

مبرووووووووووووك وياريت نعرف التكلفه والمكان والعنوان ولو فى رقم تليفون

الله يبارك فيك
المكان : فيه مكان بعيد جداً ( عني على الأقل ) - في مكان أسمه المعصرة - قبل حلوان
هو العنوان مش هو المكان ؟
رقم التليفون هبعته لك على الخاص علشان مش يعتبر دعاية للراجل السمكري

[MMamdouh]

* هو فيه سؤال للخبراء :
هو الإكصدام مش تبع العربية في موضوع رش العربية - يعني لما رشيت الإكصدام - العربية كدة برضوا تعتبر فابريكة ولا لأ ؟!

من الناحية النظرية العربية الفابريكة مرشتش اى حاجة فيها...

بس من الناحية العملية الاكصدام مش بيعبر اوى عن حالة العربية لان عشان نقول على عربية معيوبة لازم تكون مخبوطة فى الصاج و الاكصدام فبر و سهل اوى يتكسر من رصيف عالى او يتجرح من ترييح عربيات على عربيتك فى الركنة فا 99% الاكصدامات اول حاجة بتتبهدل فى اى عربية و بالتالى حاجتهم للرش و التضبيط بتبقى اكبر من اى قطعة تانية بالرغم من ان العربية متخبطتش خطة موئرة على اى جزء حيوى فيها

MMamdouh

[friendship7897]

مبروك

والخبره دى بفلوس برضه

التكلفه كاااااااااام

الله يبارك فيك
تكلفة الخبرة ؟ ، ولا تكلفة العربية ؟
عموماً لو تكلفة الخبرة : ضياع الوقت اللي بكون على أيد الصنيعي الشغال ، بس الحمد لله بفايدة لأني بحب أعرف وأشوف كل حاجة أتعملت بنفسي .
ولو تكلفة العربية :
فعند السمكري : 250ج
وعند التلميع : 60ج
غير التبس طبعاً

[S O P H O S]

الف مبروك
ربنا يحفظلك طريقك ..

[WalidAdel]

المكان : فيه مكان بعيد جداً ( عني على الأقل ) - في مكان أسمه المعصرة - قبل حلوان

ده مش بعيد جدا ..... ده بعيد اخر تلات اربع حاجات
في هنا صنيعيه (مصر الجديده - مدينة نصر) كويسه بردوا و سعرهم حنين .... س بغض النظر عن المسافه الفظييييييييييييعه دي اكيد التجربه تستاهل مش الصنيعي اللي يستاهل المشوار
و مبروك

[friendship7897]

ده مش بعيد جدا ..... ده بعيد اخر تلات اربع حاجات
في هنا صنيعيه (مصر الجديده - مدينة نصر) كويسه بردوا و سعرهم حنين .... س بغض النظر عن المسافه الفظييييييييييييعه دي اكيد التجربه تستاهل مش الصنيعي اللي يستاهل المشوار
و مبروك

هو فعلاً فيه ناس كويسين في مدينة نصر وبنفس التكلفة تقريباً
لكن انا اللي دلني على الصنيعي دا - جزاه الله خير - ( معانا في المنتدى ) - وصى عليا فعمل الشغل على أكمل وجه ( معرفة بأة )

[Khaled Seif]

[mark=#15ff00]=================[/mark]

بسم الله والحمد لله والصلاة والسلام على رسول الله

الأخت الفاضلة / friendship7897

ما شاء الله لا قوة إلا بالله - جميلة جدا

أسأل الله العظيم رب العرش العظيم أن يرزقكِ خيرها وخير ما صنعت له ويعيذكِ من شرها وشر ما

صنعت له

وصل اللهم وسلم على الحبيب محمد وءاله أجمعين

[mark=#15ff00]=================[/mark]

[friendship7897]

أسأل الله العظيم رب العرش العظيم أن يرزقكِ خيرها وخير ما صنعت له ويعيذكِ من شرها وشر ما

جزاك الله خير يا شيخ خالد
أنا بسعد لما بتبارك لي موضوعاتي
وبسعد جداً لما تدعي لي لأولادي وسيارتي
عموماً : ولك مثله