العربية بتدي بنزين لوحدها

[mustafavet]

السلام عليكم
النهاردا حصل معايا حاجة غريبة جدا ف العربية قالقاني
وانا سايق العربية فصلت التكييف وقبل ما اوصل البيت ب 10 دقايق
الطريق وقف ف مورت الفتيس علشان اقف وابص الاقي صوت عـــــــــــــــــــــــــــــالي جدا طالع من العربية
( الصوت كانك ممور الفتيس ودايس بنزين علي الاخر..... متخيلين الصوت دا)
مش عارف الصوت دا جاي منين وايه مصدره
قفلت العربية ودروتها تاني لاقيت نفس الصوت
اضطريت امشي بيها كدا لحد البيت وجيت علشان اسالكم ايه اللي جالها دا؟؟؟؟؟؟؟؟؟؟

ملحوظة انا لسه مغير زيت من يومين (من فيسكو تخليقي 5000 الي فيسكو 2000 معدني) والسبب ان العربية فيها دخنة بيضاء من الشكمان وبقت تاكل زيت

ملحوظة تانية كان قبل الموقف بتاع النهاردا كنت بلاحظ ان مروحة الموتور بتشتغل بصوت عالي بس مش بنفس الدرجة دي بس كنت بقول عادي بتبرد الراديتير

ملحوظة تالتة القربة عندي مفيهاش مياة خالص من 4 شهور والعربية الحمد لله مش بتسخن وعلي هذا الاساس مش بسال فيها علشان متفتحش بؤها

[Car's Sniper]

والله طول عمرى باشك فى عداد حرارة الدايو وباحس انه عطلان على النص ومابيعلاش عنها

حصلى نفس الكلام بتاع البنزين وطلع فى الاخر حساس الايدل اللى بيبقى راكب فى البوابة وبيسموه "حساس الهوا" وجبته ب 80 جنيه بالغلط من الحرفيين ...هو تمنه 100 بس الراجل غلط وادانى السعر 80 فمسكت فى الكلمة
جرب كدة تشيل الفيشة بتاعته وشوف الدنيا هاتتظبت ولا لأ

[shgashga]

نفس الكلام حصل معايا بعد تنظيف البوابه وحساس الايدل بس الميكانيكي نضف البوابه وحساس لايدل بتنر تخيلوا بعد ما فك البوابه حطها في بق وحط عليها هي والايدل تينر ودلوقتي العربيه الموتور صوته بيعلي لوحده ويرجع تاني بس ده حصل معايا مرتين

[Car's Sniper]

نفس الكلام حصل معايا بعد تنظيف البوابه وحساس الايدل بس الميكانيكي نضف البوابه وحساس لايدل بتنر تخيلوا بعد ما فك البوابه حطها في بق وحط عليها هي والايدل تينر ودلوقتي العربيه الموتور صوته بيعلي لوحده ويرجع تاني بس ده حصل معايا مرتين

ماهو الايدل باظ فعلا بعد ما ميكانيكى ذكى راح دالق فوقه زيت فرامل

[AlGazar2]

ممكن يكون واير البنزين معلق فمدى بنزين للماتور عشان كده صوته عالى

و لازم تحط مياه فى القربه عشان كده دوره الميه عندك غلط لان الدايو دوره تبريده ضغط و لازم يبقى المياه فى القربه بين ال min & max فيها

[mustafavet]

طيب يا جماعة المفروض اعمل انا ايه دلوقتي؟
ايه الحل طيب
افيدوني افادكم الله

[tarek_2005]

اولاً لابد من معرفة سبب ارتفاع عدد دورات المحرك
لو هنتكلم بالعلم والصح لابد من عمل اسكان للعربية
لو تعذر عمل الاسكان هتبقي تخمينات
1 - فك فيشة ال tps ودور العربية وشوف الموتور اخباره ايه
لو هدي يبقي الحساس باظ وتغيره
2 - فك الاايديل ونظفه جيداً وتاكد ان الاكس بتاعه حر الحركة
3 - راجع علي واير سلك البنزين ليكون مشعر داخل الجراب وفاتح البوابة ومبيردهاش
4 - شوف جوان البوابة يكون مسرب هواء
5 - احكم رباط مسامير البوابة
يارب اكون قدرت افيدك