العربية مابتدورش وهى سخنة

[Car's Sniper]

السلام عليكم

فيه مشكلة فى النوبيرا بقالها فترة طويلة
لما اجى ادورها الصبح بتبقى زى الفل وممكن فى اقل من ثانية تشتغل
اما لو مشيت بيها مشوار طويل وبعدين بطلتها ..اجى اشغلها ماترضاش تشتغل وكأن المارش مش قادر يدور
ناس بتقولى بطارية وناس بتقول موبينة وناس بتقول مارش
المارش كنت مغيرله شربون من سنة كدة
دلوقتى لو هى بطارية مش المفروش ماتدورش الصبح او على الاقل تدور كويس بعد مشوار طويل؟؟
ولو هى موبينة مش المفروض كانت بطلت وانا ماشى؟؟؟
يبقى كدة العيب فى المارش
التحليل دا صح ولا مفستك؟؟؟
ولو صح..اجيب المارش منين ويكون حاجة نضيفة وسعره فى حدود كام؟؟

[SHNORY]

مش محتاج تغير المارش كامل
حتغير جلب المارش او الشاربون
انا مش فاكر المسميات بالظبط
بس هي جزء نحاس تقريبا
لما بيكون سخن مش بيشتغل ولما بيبرد بيشتغل تاني
الكهربائي خيغيرهولك وحتدور معاك عادي ومش مكلفه نهائي

[Car's Sniper]

مش محتاج تغير المارش كامل
حتغير جلب المارش او الشاربون
انا مش فاكر المسميات بالظبط
بس هي جزء نحاس تقريبا
لما بيكون سخن مش بيشتغل ولما بيبرد بيشتغل تاني
الكهربائي خيغيرهولك وحتدور معاك عادي ومش مكلفه نهائي

مش انا تُبت هههههه
خلاص ..اللى هايبوظ بعد كدة فى العربية هارميه زى ماهو واجيب جديد عشان اريح دماغى للابد
والله يا استاذ شنورى اول ماغيرت الشربون -غالبا هايطلع هو اللى قصد حضرتك عليه- والعربية حاسس ان تدويرتها مش مرتاحة
زمان كان ممكن المارش يفضل داير والعربية ماتشتغلش مثلا لسبب ما
دلوقتى المارش مابيقدرش يدور العربية
وبقالى ييجى سنة مقتنع انه عيب بطارية مع ان لونها لسة اخضر
بس هاغير المارش وامرى لله حتى لو طلع العيب من مكان تانى ..اهو يبقى خلصت من حاجة قربت تفرفر

الموضوع منور برد حضرتك يا استاذنا

[SHNORY]

مش انا تُبت هههههه
خلاص ..اللى هايبوظ بعد كدة فى العربية هارميه زى ماهو واجيب جديد عشان اريح دماغى للابد
والله يا استاذ شنورى اول ماغيرت الشربون -غالبا هايطلع هو اللى قصد حضرتك عليه- والعربية حاسس ان تدويرتها مش مرتاحة
زمان كان ممكن المارش يفضل داير والعربية ماتشتغلش مثلا لسبب ما
دلوقتى المارش مابيقدرش يدور العربية
وبقالى ييجى سنة مقتنع انه عيب بطارية مع ان لونها لسة اخضر
بس هاغير المارش وامرى لله حتى لو طلع العيب من مكان تانى ..اهو يبقى خلصت من حاجة قربت تفرفر

الموضوع منور برد حضرتك يا استاذنا

المنتدي كله منور بيك يا باشا
المشكله انك ممكن تشتري مارش ويطلع كان بايظ واتصلح وحضرتك تشتريه علي انه جديد
وديه لكهربائي يشوفلك كل اللي بايظ عندك ويتصلح

[SHNORY]

عيب البطاريه حيكون انها بتفضي شحن طول الليل والصبح لازم حد يزقك علشان ترمي والعربيه تدور وتتشحن
انما انت عندك العكس

[hoba1970]

نفس المشكله عندى فى اللانوس وفكيت المارش والكهربائى غير بليه موجوده جوة وشحمو وقالى كده خلاص تمام بس المشكله ما زالت قائمه

[besso33]

العيب ده عيب رشاشات

[lad]

بطارية و اتأكد من العدسة كويس كان عندى و فكيت المرش و ظبطة و المشكلة زى ماهيا غيرت البطارية كله بقى تمام

[tarek_2005]

الفيصل في الموضوع لو العربية سخنة ومش راضية تدور بالمارش زق العربية وارميلها لو دارت بسرعة وبدون مجهود عيب مارش فوراً لو غلبتك عيب بطارية فوراً

[mgelgel]

الموضوع ده ياجماعة معايا من اكتر من سنة واالي حصل كالاتي
اولا بعد مشوار طويل ابطل و اجي ادور تحس ان المارش بيعتل او البطارية فاضية و تدور زق من اقل زقة
روحت للكهربائي كشف ع البطارية وكانت جافة قاللي البطارية الجافة لما العربية بتسخن بتعمل كده... تمام نحل المارش قلتله ماشي قام حل المارش و لقي الجلب كويسة و لقي الشربون كويس قام منضفة و مشحمه وركبه تاني كلها كام يوم والعيب رجع تاني فقولت مبدهاش قمت مغير البطارية بسائلة
الموضوع اتكرر تاني مع البطارية الجديدة روحت لكهربائي تاني قام بص بالكشاف علي وصلة الارضي بتاعة المارش لقاها مهوية و فيه شرز بيحصل اثناء التدوير قاللي ده عيب سلك الارضي قام جايب حتة سلك تخين جدا زي الكبل كده و رابطه بين المارش و الطرف السالب للبطارية و من ساعتها المشكلة اختفت لمدة كذا شهر
بس اليومين دول رجعت تاني فالظاهر الوصة ده بقت مهوية تاني فعاوز اروح اكشف عليها تاني

[ahmed.zahra]

و ممكن يكون حساس الكرنك

[شريف]

الموضوع ده ياجماعة معايا من اكتر من سنة واالي حصل كالاتي
اولا بعد مشوار طويل ابطل و اجي ادور تحس ان المارش بيعتل او البطارية فاضية و تدور زق من اقل زقة
روحت للكهربائي كشف ع البطارية وكانت جافة قاللي البطارية الجافة لما العربية بتسخن بتعمل كده... تمام نحل المارش قلتله ماشي قام حل المارش و لقي الجلب كويسة و لقي الشربون كويس قام منضفة و مشحمه وركبه تاني كلها كام يوم والعيب رجع تاني فقولت مبدهاش قمت مغير البطارية بسائلة
الموضوع اتكرر تاني مع البطارية الجديدة روحت لكهربائي تاني قام بص بالكشاف علي وصلة الارضي بتاعة المارش لقاها مهوية و فيه شرز بيحصل اثناء التدوير قاللي ده عيب سلك الارضي قام جايب حتة سلك تخين جدا زي الكبل كده و رابطه بين المارش و الطرف السالب للبطارية و من ساعتها المشكلة اختفت لمدة كذا شهر
بس اليومين دول رجعت تاني فالظاهر الوصة ده بقت مهوية تاني فعاوز اروح اكشف عليها تاني

اوقات بيبقي العيب في وصلة المارش مش المارش نفسة
و العربية دايرة ممكن تقيس خرج المارش لو 14 فولت مش اقل يبقي المارش سليم

[Mahmoud.Fathy]

لما العربية تعمل كده هات قطعة قماش ومبلولة مية وحطها على الموبينة عشان تبرد .... وبعدين دور لو دارت يبقي عيب موبينة ..... واعتقد انه عيب موبينة مش بطارية ولا مارش .... والله اعلم

[mgelgel]

ممكن استفسار بسيط بس ... عاوز اعرف العلاقة بين الموبينة و المارش ايه؟؟؟؟؟؟؟؟
يعني لو الموبينة بايظة مثلا هل ده ممكن يسبب مشكلة عدم دوران المارش و العربية سخنة ؟؟

[mhopa2440]

انا عندي نفس المشكلة ف النوبيرا وبصراحة لسة معملتهاش لاني بسال الاول عشان اعرف السبب كويس واروح اصلها عشان لو رحت للميكانيكي او الكهربائي وانت مش عارف مشكلتك فيه صدقني والله هيضيع عليك وقت وفلوس على الفاضي

بالنسبة للمشكلة دي غياب الدوارة والعربية سخنة الاحتمالات اللي اتقالت بطارية - مارش - موبينة

بالنسبة للبطارية لازم نستبعدها نهائيا لانه بعد بضع دقائق العربية بتدور معايا واظن بردوا نفس الكلام وكمان الدوارة الصبح فوق الممتازة والحمد لله

المارش احتمال يكون هو السبب بس لو كانت المشكلة ف الشربون يبقى هيكون بطئ صبح وظهر وبرد وسخن ونفس الكلام لو كان عايز شحم او غيره

الموبينة دي الاحتمال الاكبر انها تكون السبب بس انا بصراحة مش عارف فكرة عملها كويس بس اللي اعرفه انا لو الموبينة بردت شوية ممكن تشتغل (كان عندي مشكلة ف عربيتي الاولى 128 واتعلمت منها كتير الموبينة لما تبوز الميكانيكي قالي سبها شوية وهي تشتغل بس موبينة ال 128 شغاله على طول عشان كدا ممكن العربية تبطل) اما ف النوبيرا موبينة المارش تشتغل وقت التشغيل فقط يعني وقت start وبس وبعد كدا العربية شغالة من غيرها

اتمنى تكون الموبينية الخاصة بالمارش ولو حد يعرف تمنها كام بس الاصلي يا رجالة وتركيبها ازاي ياريت نتعلم منه