بلى عجل امامى نوبيرا

[Lord of the flies]

لو سمحتوا يا شباب استفسار بخصوص بلى العجل الامامى و الخلفى:
-هل مقاس البلى الامامى 39/72/37؟طب و الخلفى؟
-ايه احسن حاجه فى السوق عشان مش لاقى غير ماركه ايطالى ب60 جنيه بس شكلها مريب؟
-فى ماركه اسمها nsk يبانى ب90 جنيه, حد جربها؟؟
وشكرا

[mbx4e]

انت بتشتري البلي منين ؟ والاسعاردي منين ؟
عندك بتوع البلي في التوفيقيه وشارع شمبليون بالرقم
وماركات مختلفه skf\ fag\...etcوصناعات مختلفه اسباني ومجري .......

[hossam_elwani]

عليك وعلى skf لا يعلى عليه

[Lord of the flies]

انت بتشتري البلي منين ؟ والاسعاردي منين ؟
عندك بتوع البلي في التوفيقيه وشارع شمبليون بالرقم
وماركات مختلفه skf\ fag\...etcوصناعات مختلفه اسباني ومجري .......

انا سألت فى التوفيقيه و ملقتش حد عنده skfو ال fag بيقولوا بقاله فتره مبينزلش

[Lord of the flies]

عليك وعلى skf لا يعلى عليه

لو حضرتك تعرف حد مضمون بيبيعه يا ريت تقولى لان ليا معاه تجربه سيئه جدا من بليه skf مضروبه.

[3ateef]

انا مجرب ال nsk فى العربية عندى..
بقالهم سنة ونص تقريبا والحمد لله بدون اى مشاكل او صوت..
ال skf نضيف جدا برضة وعن تجربة فى بلى الديانمو...

[hossam_elwani]

لو حضرتك تعرف حد مضمون بيبيعه يا ريت تقولى لان ليا معاه تجربه سيئه جدا من بليه skf مضروبه.

اشتريه من موزع معتمد ليه

[mbx4e]

محطه مترو عرابي
الشارع امتداد طلعت حرب امشي ف ياتجاه التوفيقيه بعد البنزينه وقصادها في كذا حد هناك بس اسعارهم مختلفه
وفي في شارع معروف وشامبليون ناس كتير بيشتغلوا في بلي العجل
فكك من بتوع التوفيقيه اللي في شارع زكي (التوفيقيه دي مولد وصاحبه غايب ماجبتش منها حاجه الا وندمت نظام كروته وقلب)

[besso33]

فيه بلية ماركة اوبتيمال كويسة جدا وبتركب في عربيات الاوبل موجودة عند ابراهيم البنا والاخلاص في التوفيقية وسعرها في حدود60-70 جند

[Lord of the flies]

الskf عند ابو الحسن ب145 مش عارف تستاهل فرق 55 فى البليه ولا اجيب الnsk اليابانى؟

[Lord of the flies]

بعد تعب الكثير من الاعضاء فى وصف مكان التوكيلskf وصلت ان اسمه العنتيبى و هو اخر محل قطع غيار فى اتجاه ميدان رمسيس(بين محل الحلويات و محل قطع غيار caterpillar ) و تم شراء البليه SKF ب130 وهى ايطاليه الصنع.

[engwael]

ممكن تقولنا مقاسها ايه بالضبط

[Lord of the flies]

البليه مش مكتوب عليها مقاس بس ليها سيريال bahb 311396b

[mbx4e]

اشكرك للمتابعة
البليه صناعتها ايه ؟
والعنتيبي دا فين بالزبط؟
هو دا اللي عند الاشاره التانيه صح ؟على ناصية عماد الدين من برا على شارع رمسيس صح

[amirstars]

Skf اسباني 125 جنية
شارع دمشق - مصر الجديدة
اسم المحل نافع او عارف - مش فاكر اوي