طنابير و لا ايه ؟

[megadeath]

السلام عليكم
عندى حاجة غريية حصلت معايا و عايز رايكم
اول امبارح انا كنت ماشى على طريق النصر على 130 لانى بجرب الرشاشات الجيده
و العربية كانت زى الفل مع الفرملة و تمام ... انهارده دورت العربية و بعد ماطلعت من الجراج عديت على بتاع الكاوتش و قالى الكاوتش عايز يتزود المهم زود الكاوتش و طلعت برده نفس المشوار و على 120 بداءت افرمل و المفاجاه العربية الدريكسون بيرجج مع الفرامل مش دواسه الفرامل
فقلت فى عقل بالى ده الطانبير .... و لما قعدت افكر قولت العربية لغاية اول امبارح مكنتش بترجرج مع الفرامل معقول الطنابير تبوظ فى يوم و ليله
ثانيا انا اعرف لما تبقى الطنابير بيايظة دواسة الفرامل هى اللى بتترجج مع الفرامل مش الدريكسون
ثالثا هل ممكن الراجل بتاع الكاوتش يكون مزبطش الكاوتش و يكون ده السبب

ملحوظة العربية على السرعات الى بعد 100 فيما فوق ما فيش رجرجة فى الدريسكون ( يعنى مش ترصيص )

و لكم الف شكر

[megadeath]

مافيش مشاركات

[broadband]

اخى العزيز - اخبارك ايه

انا لسه شايف مشاركتك
ممكن تفك الكاوتش و تكشف بنفسك

لان ممكن يكون عيب تيل مش طنابير

[Khaled Lanos]

بص ياباشا لما الدريكسيون يرعش معاك على سرعة 100 وفوق يبقى ترصيص أو ظبط زوايا

لكن لما يرعش مع دوسة الفرامل يبقى عيب تيل أو طنابير..اكشف على التيل الأول وشوف يمكن يكون خلصان وهيبوظ لك الطنابير.

[MMamdouh]

طنابير

MMamdouh

[ramyhekal]

اه طنابير حصلت عندى فى التيريوس وبردو فى يوم وليله

[megadeath]

اخى العزيز - اخبارك ايه

انا لسه شايف مشاركتك
ممكن تفك الكاوتش و تكشف بنفسك

لان ممكن يكون عيب تيل مش طنابير

جميل بك ازيك اخبارك ايه ؟ واخبار الرشاشات الجديده ايه ؟
انا على فكره شاكك فى التيل برده بس هو التيل لما يخلص ممكن يعمل اعراض زى اعراض تلف الطانبير ؟

[ahmed.zahra]

ممكن فعلا يكون ضبط ضغط الكاوتش و الرجرجة اللي في الدركسيون دي ممكن تكون بسبب حاجة في علبة الدريكسيون

[megadeath]

ممكن فعلا يكون ضبط ضغط الكاوتش و الرجرجة اللي في الدركسيون دي ممكن تكون بسبب حاجة في علبة الدريكسيون

ازيك يا فندم اخبارك ايه ؟ كل عام انت طيب
معتدقتش انها علبه دريكسون لان الرجة بتظهر مع الفرامل فقط لوعلبه دريكسون حتظهر الرجة ديه طول ما انا ماشى

[megadeath]

ممكن اعرف ايه انواع الطنابير الكويسة و اسعارها ؟
انا سمعت عن الطنابير الكورى ( مش gm) و سمعت عن الريمسا ايه رايكم

[MMamdouh]

هو التيل لما يخلص ممكن يعمل اعراض زى اعراض تلف الطانبير ؟

no

MMamdouh

[broadband]

احمد باشا ازيك
ممكن تفك العجلة و تكشف على الطنابير بنفسك او تعالى نعملها سوا لو تحب

انا ركبت الرشاشات بنفسي و عملت معجزة في العربية السحب بقى 100% و الاستهلاك لسه تحت التجربة خصوصا ان الطرق بقت جراجات مقفولة فمش قادر احدد كويس بس لسة حاطط 15 لتر في 150 كم

[megadeath]

احمد باشا ازيك
ممكن تفك العجلة و تكشف على الطنابير بنفسك او تعالى نعملها سوا لو تحب

انا ركبت الرشاشات بنفسي و عملت معجزة في العربية السحب بقى 100% و الاستهلاك لسه تحت التجربة خصوصا ان الطرق بقت جراجات مقفولة فمش قادر احدد كويس بس لسة حاطط 15 لتر في 150 كم

جميل بك يك اخبارك ايه ؟ معلش الفتره اللى فاتت مكنتش بخش على النت
ان شاء الله هروح عند ميكانيكى و هشوف موضوع الطنابير بس( مش هروح عند صحبك) هاهاهاهاه
على فكره ان مش عارف احسب الاستهلاك خالص اول مره عملت متوسط 7.5 لكل لتر
فى عز زحمة الاسبوع اللى فات ( المشاوير كانت من جسر السويس لغاية جامعة الدول - مصطفى محمود ) النهاردة طلعت مشوار سفر على الزراعى و كان الدائرى واقف خالص الصبح و العربية عملت 240 كم 20 لتر و اعتقد كده كويس و لا ايه راى حضرتك

[megadeath]

ممكن اعرف ايه انواع الطنابير الكويسة و اسعارها ؟
انا سمعت عن الطنابير الكورى ( مش gm) و سمعت عن الريمسا ايه رايكم

ما فيش اخبار عن انواع الطنابير و الاسعار؟

[MMamdouh]

على فكره ان مش عارف احسب الاستهلاك خالص اول مره عملت متوسط 7.5 لكل لتر
فى عز زحمة الاسبوع اللى فات ( المشاوير كانت من جسر السويس لغاية جامعة الدول - مصطفى محمود ) النهاردة طلعت مشوار سفر على الزراعى و كان الدائرى واقف خالص الصبح و العربية عملت 240 كم 20 لتر و اعتقد كده كويس و لا ايه راى حضرتك

الاستهلاك زى الفل

MMamdouh