عملت حادثة بالنوبيرا

[mahmoudysf]

الحمد لله على كل شيء
العربية نوبيرا 1
الحادثة
دخلت في 131 من ورا
اكصدام ال 131 عالي وحديد
خدلي الكبوت والفوانيس والسربانتينة والرداتير
والمية كلها نزلت على الارض
وفيه زيت كتير نزل على الارض
الصدر بتاع العربية اتبهدل
والحديدة اللي فيها قفل الكبوت خرجت من مكانها
طبعا قطرت العربية لغاية البيت وغطتها ومبصتش فيها لغاية دلوقت
عايز اعرف ابدا منين
ميكانيكي ولا سمكري
وعايز احدد الخسائر

[midooo_119]

قدر الله وما شاء فعل و الحمد لله انك سليم و مفيش خسائر فالارواح ان شاء الله تروح للسمكرى وهو بيفك كل حاجه ويقولك تعمل ايه بالضبط

[Mostafa.Mahran]

الحمد لله على سلامتك و ربنا يديلك الرزق و العمر و تجيب احسن منها ان شاء الله

هو مبدئيا الميكانيكى هيبدأ يفك الحاجات دى واحدة واحدة و يشوف الاضرار عبارة عن ايه و بعد كده السمكرى هيشتغل

ان شاء الله تكون بسيطة و تعدى على خير

[lanos2004]

الزيت دة جه منين-اكيد زيت البور ان شاء الله الماتور سليم ربنا بعوضك خير

[mahmoudysf]

قدر الله وما شاء فعل و الحمد لله انك سليم و مفيش خسائر فالارواح ان شاء الله تروح للسمكرى وهو بيفك كل حاجه ويقولك تعمل ايه بالضبط

الحمد لله على سلامتك و ربنا يديلك الرزق و العمر و تجيب احسن منها ان شاء الله

هو مبدئيا الميكانيكى هيبدأ يفك الحاجات دى واحدة واحدة و يشوف الاضرار عبارة عن ايه و بعد كده السمكرى هيشتغل

ان شاء الله تكون بسيطة و تعدى على خير

الزيت دة جه منين-اكيد زيت البور ان شاء الله الماتور سليم ربنا بعوضك خير

ربنا يكرمكم ويبعد عنكم شر الحوادث
وبالنسبة للبداية
هل لو روحت للسمكري الاول وفك الاجزاء تبع الميكانيكا يكون افضل
ولا اروح لميكانيكي الاول عشان يبقى عارف حالة كل جزء اية وايه اللي محتجاه العربية
وبالنسبة للزيت مش عارف ده زيت ايه
وان كان غاليا هيكون زيت بارو

[lanos2004]

السمكرى الاول طبعا

[MMamdouh]

قدر الله و ما شاء فعل و حمد الله على سلامتك

لو العربية اوتو يبى احتمال كبير دة زيت الفتيس اللى فى مبرد الزيت اللى جوة الرادياتير... لو مش اوتو لازم تعرف الزيت دة منين... صعب يكون زيت باور لان كل دايرة الباور بتاعت النوبيرا ناحية الصدر و بعيد عن الشنب... الا اذا كان قصدك ان المكنة اتحركت و خبطت فى صدر العربية و هنا اكيد خازنة الباور او الخراطيم هتكون اتعصرت

اعتقد فى حالتك دى هتحتاج تفك المكنة من الحوض فا هتحتاك ميكانيكى... بس طبعا لازم السمكرى هو اللى يفصل فى الموضوع دة فا ابداء بيه

MMamdouh

[mahmoudysf]

قدر الله و ما شاء فعل و حمد الله على سلامتك

لو العربية اوتو يبى احتمال كبير دة زيت الفتيس اللى فى مبرد الزيت اللى جوة الرادياتير... لو مش اوتو لازم تعرف الزيت دة منين... صعب يكون زيت باور لان كل دايرة الباور بتاعت النوبيرا ناحية الصدر و بعيد عن الشنب... الا اذا كان قصدك ان المكنة اتحركت و خبطت فى صدر العربية و هنا اكيد خازنة الباور او الخراطيم هتكون اتعصرت

اعتقد فى حالتك دى هتحتاج تفك المكنة من الحوض فا هتحتاك ميكانيكى... بس طبعا لازم السمكرى هو اللى يفصل فى الموضوع دة فا ابداء بيه

mmamdouh

الله يسلمك
العربية مانول انت شوفتها في مقابلة
والموتور شكله مكانه
احتمال يكون حاجة خبطت كارتيرة الزيت
ورايك اروح للسمكري وهو اللي يفك الاجزاء التالفة زي الرادتير والسربنتية

[ملك فرنا]

حمدا لله على سلامتك اولا
طبعا السمكرى الاول
وحط اقل واجب 4000 احطياطى حادت
معتقدش لنة اكتر من كدة فة نوبيرا
وحاول كل قطعة غيار تبقى جديدة
ولو ازنقت للاسيراد ممكن تروح لابو هاشم فى شارع العشرين فيصل
والجديد المنير فى اول قيصل ده اسعاره ممتازة

[nicegypt]

لا حول ولا قوة الا بالله
قدر الله وما شاء فعل
والحمد لله على عودتك سالم دي اهم حاجة
البداية طبعا منطقياَ السـمكري
وخلي بالك
الصنايعية ناصحين وعاملين لنفسهم نظام .. السمكري ملوش علاقة بحاجة الميكانيكي
والميكانيكي ملوش علاقة بحاجة السمكري .. وكلهم بيـنفعو بعض وبيـبعتو الزبون لبعض
وظبطنى واظبك دة نظامهم .. يعنى مثلا السمكري مش هيفك موتور ولا يجي جمب حاجة ف صدر العربية
وكذلك الميكانيكي ملوش علاقة بفوانيس واكصدامات صدر وشنب وخلافة
انت هتبدء بالسمكري ثم الميكانيكي .. والاتنين هيشتغلو سوي
يعنى الميكانيكي هيفك المكنة لو احتاج دة وهيفك اجزاء ف العفشة فى حالة لو مقص رحل من مكانة
والسمكري هيبص ع الركب وصدر العربية والقنطرة اللى تحت والشنب وهيشوف ان كان هيستعدل ولا يقطع ويلحم استيراد ... دة النظام اللى هيمشى .. لو ظروفك المادية مش متظبطة انصحك متبدءش خالص دلوقت
ادغوا الله لك بالتوفيق وان شاء الله خير

[hmada9009_99]

الحمد لله على سلامتك وبالنسبه للعربيه ان شاء الله خير مافيش اضرار كبيره هو تلاقي الردياتر هو وخراطيم اللي مكنه البور هما اللي اتصابوا والمكنه ان شاءالله تكون كويسه المهم تجيب قطع غيار اصلي وماتستعجلش على تصلحها علشان تتصلح صح وتكوت متابع مع الميكانيكي اول بأول ويكون ميكانيكي شاطر ويبقى لحسن توديها زي توكيل او ورش معتمده علشان الميكانيكي والسمكري بيسلموا لبعض وبيشتغلوا مع بعض وعلشان ماتلفش كتير

[MMamdouh]

الله يسلمك
العربية مانول انت شوفتها في مقابلة
والموتور شكله مكانه
احتمال يكون حاجة خبطت كارتيرة الزيت
ورايك اروح للسمكري وهو اللي يفك الاجزاء التالفة زي الرادتير والسربنتية

تمام

كدة ان شاء الله بسيطة و ممكن يكون الزيت من خراطيم طلمبة الباور لانها اول حاجة بعد الرادياتير

ابداء بالسمكرى لان هو اللى هيقولك تفك ايه و متفكش اية و كمان ممكن يستعدل الشنب شوية عشان الميكانيكى يعرف يفك الرادياتير و السربنتينة و خلافة

MMamdouh

[mahmoudysf]

شكرا لكل الناس اللي ردتت
وان شاء الله بكرة هوريها للسمكري
واعرف منه تكلفة مبدائية وايه الخسائر
لو الدنيا قريبة هبدا شغل ان شاء الله

[mahmoudysf]

يا ريت اللي يعرف سعر الحاجات دي يقولي وفين
كبوت استيراد
اتنين فانوس امامي استيراد
رادتير وسربانتينة تكيف استيراد
اكصدام امامي استيراد
ولو برضة موجودة جديد تعمل كام
العربية طبعا نوبيرا 1

[mahmoudysf]

لفيت لفة على بتوع الاستيراد سوسو وابو هاشم
لقيت الاسعار اخر استهبال
الكبوت المعقول نفس اللون ب 700 بعد الفصال
جوز الفوانيس امامي 400 جنية
رداتير وسربنتينة تكييف بالمراوح ب 700 جنية
طبعا مجبتش حاجة وهلروح اشوف الوكالة