أرجو المساعدة بسرعة من خبراء المنتدى...

[MEMOAHMED14]

معايا لانوس 2007 .. النهاردة الصبح نزلت اجيب حاجات من السوق بالعربية .. المهم وانا راجع البيت لقيت العجلة اللى ورا يمين قفشة ومش بتتحرك وعملت صوت جامد.... بطلت العربية ونزلت ومكنتش عارف اعمل ايه.. جه سواق تاكسى وفك العجلة والصليبة اللى فى الوسط وخبط عليها بالشاكوش وقلى اركب كده وكارك فرامل .. ركبت العربية وكاركت وبعدين قلى خلاص انزل ... قلتله اتعملت قلى اه تقريبا البستم كان قافش ودلوقتى فك .. وبرده عشان تطمن اتحرك بيها عادى بس روح لمكانيكى يبصلك عليها ... ممكن الافادة من حضراتكم ايه اللى حصل معايا ده عشان ارنا ركنت العربية دلوقتى تحت البيت وخايف اتحرك بيها خصوصا ان النهاردة اجازة وكل سنة وانتم طيبين .. يعنى اعمل ايه اسيبها ولا خلاص اتحرك بيها والمشكلة اتحلت ... ارجو الافادة ... وشكرااااا

[sayed_2000]

روح لواحد بتاع فرامل كويس علشان كده فى مشكلة فى الرجلاش بتا ع الفرامل فى العجلة دى ومتخافش بسيطة ان شاء الله

اللون الاحمر مخصص للادارة فقط

مشرف عام 2

[john55]

بسيطه إن شاء الله امشي بيها في العيد ولوحصلت معاك تاني روح للمتخصص في الفرامل

[MEMOAHMED14]

شكرااا للأعضاء الغاليين وربنا يبارك لكم وكل سنة وانتم طيبين .. انا بس عايز اعرف تحليل الموقف اللى حصل عشان انا مش لاقى حد اروحله دلوقتى وكمان هاخرج بالعربية فى العيد وخايف بصراحة .. معلش طمنونى لو حد عنده تحليل للموقف ...

[tarek_2005]

اتحرك بيها عادي بس خلي معاك شاكوش احتياطي في العربية علشان لو قفشت تاني تفك العجلة وتخبط عليها بيه بدل متقعد تدور علي زلطه تدق بيها واحتمال كبير تمشي معاك بدون اي مشاكل ويكون القفشة دي عرضية بسبب اي عوالق بزيت الفرامل بالمنسبة غيرة زيت الفرامل ولا لاء والخرطوم بتاع الفردة دي غيرته ولا لاء

[MEMOAHMED14]

لأ مغيرتش حاجة هو اللى كنت عملته من اسبوعين تقريبا انى مسيت الطنابير الامامية وغيرت التيل عشان العربية كانت مع السرعة واجى ادوس فرامل الاقى فيه رجه كده فقلت بدل ما غير طنابير دلوقتى امسها وبقيت كويسه فعلا .. وكمان عملت رجلاش للفرامل ورا والهاند كمان ... وبعد لما مشيت بالعربية بعد كده لقيت صوت خشونة كده من ورا فرجعت للميكانيكى قلى دى بليه فقلتله طب صوتها ظهر ليه كده بعد الرجلاش قلى عشان بعد مفكينه الطنابير ورا ونضفنه فالبليه كانت ناشفة وصوتها ظهر وعايز تغيرها دلوقتى ماشى عايز تسبها مش مشكلة الصوت هايروح مع المشى والتراب اللى هيخش جوه الطنبورة .. وتانى موقف اللى حصل معايا النهاردة...

[tarek_2005]

يبقي العيب من البلية الخلفية مش من الفرامل

[MEMOAHMED14]

يعنى البلية هى اللى خلت العجلة تقفش كده ... طيب اعمل ايه اسيبها دلوقتى ولا ممكن تحصل تانى.....خصوصا هى بتعمل معايا صوت بس على فترات . يعنى هى سبب اللى حصلى

[MEMOAHMED14]

شكرااا لكل من رد عليا .. وحبيت أقولكم على ما فعلته ...
اتصلت بواحد ميكانيكى قلى انو شغال النهاردة ... هو قريب منى رحلتله وحكتله على اللى حصل ...
قلى تقريبا كده انت مشيت على العربية وانت رافع فرامل اليد فعشان كده العجلة اللى ورا قفشت منك .. ولما فكيت العجلة ودقيت على الطنبورة القفشة فكت وده عادى بيحصل كتير .. قلتله يعنى اطمن وامشى بيها .. قلى عادى خلاص...