مشكله بعد تغيير زيت الفتيس

[Dr.Rayyan]

امبارح غيرت طقم دسك واسطوانه وبليه دبرياج جى ام والميكانيكى قالى روح زود زيت لان الزيت ناقص كتير روحت ل موبيل ققالى مش هينفع اغير ممكن ازود بس التغير يبقى تحل كارتيره زيت الفتيس ومحتاجه ميكانيكى والوقت كان متاخر والميكانيكى سافر البلد
النهارده غيرت زيت الفتيس بزيت موبيل w80-90 بعدها خدت العربيه من الميكانيكى التانى لقيت لمبه ال شيك انجين منوره !!!
فى حين ان العربيه اعدت يوم مفيش مشكله بعد تتغيير طقم الدبرياج
تفتكروا فين المشكله ؟

[Amr Axel]

لمبة التشيك انجن ليه اسباب كتيير
بصيت طيب ع مستوي زيت الموتور ؟؟ و اتأكدت انهم ركبوا كل الحساسات تاني مظبوط ؟؟

[dr.hazem]

هو مش لما طقم الدبرياج لما بيتغير الزيت كله بينزل ؟
مممممم
طيب في اي اعراض تانيه؟

[drmagieed]

أعتقد لمبة التشيك بتقول في خطأ في الموتور وملهاش علاقة بالفتيس ... جرب وإكش عليها كمبيوتر .. وممكن من فضلك تقولي أسعار الحاجات إللي إنت جايبها علشان أن ناوي أغير قريب ... وعيد سعيد

[kha_led29]

متابع واعتقد دى فيشة حساس مش ركبه كويس

[mahmoudysf]

ايه العلاقة بين زيت الفتيس والتشك انجن
حط العربية على اسكانر عشان تعرف المشكلة

[3ateef]

بعيدا عن المشكلة, وبأذن الله يكون حلها بسيط..
د.ريان هو حضرتك كنت بتشتغل فى جامعة مصر للعلوم ؟؟

[Amr Axel]

هو مش لما طقم الدبرياج لما بيتغير الزيت كله بينزل ؟
مممممم
طيب في اي اعراض تانيه؟

لأ الاذكياء بينزلوا كمية معينة حوالي لتر و نص- لترين و يسيبوا الباقي و يقولك زود عقلية غريبة في التفكير
و اللي عنده غالبا حساس مش راكب كويس او مستوي الزيت في الموتور

[m0hsen]

حساس

[hessenp]

ان شاء الله خير بس راجع بالكشف بالكميبونر

[drmagieed]

ما قولتليش الطقم بكام والنوعية أية؟؟؟؟؟؟؟؟؟؟

[Dr.Rayyan]

يا جماعه جزاكم الله خير شكرا على ردودكم واهتمامكم
بالنسبه للمشكله البيه الميكانيكى كان خالع خرطوم صغير اللى بيدخل هوا للمانافولد وكلمته قالى انه نسيه فلما ركبته البرلجله راحت واللمبه طفت الحمد لله :)

[Dr.Rayyan]

هو مش لما طقم الدبرياج لما بيتغير الزيت كله بينزل ؟
مممممم
طيب في اي اعراض تانيه؟

فى الحقيقه هوا ما نزلش كله كان فيه (على كلام الميكانيكى) لتر الا ربع لان الطبه مفتوحه ومبتجبش زيت

[Dr.Rayyan]

بعيدا عن المشكلة, وبأذن الله يكون حلها بسيط..
د.ريان هو حضرتك كنت بتشتغل فى جامعة مصر للعلوم ؟؟

لا والله مش انا :)

[Dr.Rayyan]

أعتقد لمبة التشيك بتقول في خطأ في الموتور وملهاش علاقة بالفتيس ... جرب وإكش عليها كمبيوتر .. وممكن من فضلك تقولي أسعار الحاجات إللي إنت جايبها علشان أن ناوي أغير قريب ... وعيد سعيد

اسعار الحاجه بالتفصيل الممل

1-طقم دبرياج جى ام 520 جنيه
3-اتنين عبوه زيت موبيل 1 فتيس مانيوال 80-90 w ب 50 جنيه
4-جوان كارتيره فتيس ب 10 جنيه مصرى + سيليكون حرارى 10

المصنعيه كانت 160 للفتيس + 30 تغييير الزيت وحل الكارتيره ونزول الزيت القديم
ودمتم

النهارده واحد خبطلى المرايا وكسرها وجرى والحمد لله الكف سليم بس القاعد اللى اتفصلت هل دى بتتباع ؟