الفرامل هربت منى وربنا ستر

[shur3000]

الحمد لله وانا نازل من منزا كوبرى وبهدى لقيت الفرامل راحت والبدال بينزل للاخر وبالعافية يهدى وريحة شياط رهيبة. الحمد لله عدى الموضوع على خير لحد ما روحت ولسة هروح لفشجى جنب البيت ودة طبعا انا مايتعاملش معاة لكن مجبر لانى اخاف امشى بالعربية تانى كدة.
السؤال طبعا التيل اكيد راح بس الامامى ولا الورانى واخبار الماستر اية
وانا شارى العربية مستعملة من سنة تقريبا وفراملها ماكنتش جبارة بس كانت تقضى الغرض وملعبتش فيها غير انى مليت تيل الفرامل الخلفى.
مع العلم فرامل اليد كويسة
والفرامل والبدال رجعو زى الاول تانى بس انا خايف امشى بيها .
وانا مالعبتش فى فرامل العربية من سنة غير ان التيل الخلفى كان متاكل ومليتة وعلى كدة بس

انا عارف ان الشياط دة اكيد تيل. والبدال اللى بيهرب اكيد ماستر او خراطيم
ياريت سعر التيل وايهم افضل جولد ام جى ام
سعر الماستر
سعر الطنابير
سعر الزيت والخراطيم وربنا يسهل اروح للعفشجى بعد العيد وربنا يستر وانا رايحلة

[Mo.Kareem]

دى شغل ميكانيكى مش عفشجى ، والحمد لله ان ربنا سترها عليك

[mero100]

ميكانيكي طبعا .
حيراجعلك عالفرامل كلها.
ماستر عمومي لانوس في حدود 450 : 480 ج
و التيل ال gm ب 160 ج ده سعر منصور
الجولد أسمع إنه في حدود ال 50 ج
الgm كويس في إنه بيتاكل و مش بياكل الطنابير .. لو حالتهم حلوه عندك يبقي هات gm و لو تعبانين خليك في الجولد .
الطنابير بعض الأعضاء بيشكروا في ريمسا الأسباني .
أنا شخصيا أسمع إن بريمبو الإيطاليه أفضل طنابير بس لو كانت أصليه و أعتقد سعر الطنابير في حدود 500 ج
زيت الباكم : موبيل dot 4 علبه سودا غطاها أصفر 15 ج
فيه أعضاء مركبين ماستر عمومي نوبيرا بيقولوا بيحسن أداء الفرامل لأنه أكبر .
أرجو أكون أفدتك.

[shur3000]

رحت للعفشجى امبارح (واحنا فى المنصورة العفشجى هو اللى بيشتغل فى الفرامل مش الميكانيكى) المهم طلع جرب العربية وفركها وكان بيمشى على 100 ويضرب فرامل والعربية كانت بتقف تمام المهم خليتة يحل الاربع عجلات قدام مفيش حاجة التيل والطنابير كويسين بس لقيت كوتشات الكبالن مقطعين على الرغم انى لسة مغيرهم من 5 اشهر وخدت من عندة كوتشين استيراد الواحد ب40 المهم. فك ورا
لقيت وسواد وهباب المهم نظف بالبنزين وقالى ان خزن الفرامل باظت والسبب انى مشيت وفرامل اليد مرفوعة المهم دة اساسا ماحصلش. المهم جيبت خزنتين ب 65ج (صينى ومالقيش غيرهم وزودت الزيت والحمد لله الامور تمام والراجل خد من 60ج مصنعية فى الخزنتين وتغير الكوتشات بتاعة الكبالن. ربنا يسترها

بس هل ممكن خزنة الفرامل تعمل هروب الفرامل دة ولا اية وهل هى سبب الشياط اللى شميتة مع العلم ان التيل سليم

[MMamdouh]

طبيعى فرامل ورا لما تفكها تلاقى كمية سواد كبيرة... المهم ان ميبقاش فية زيت

لو مكنش فية اى اثار للزيت يبقى الراجل اشتغلك و غيرلك ماسترين ورا على الفاضى

لو فية زيت يبقى المساتر فعلا ضاربة و هى سبب هروب دواسة الفرامل... بس دة عمرة ما بيحصل من المشى و الهاند مرفوعة

MMamdouh

[A.Saad]

لو انت متقل رجلاش الفرامل الخلفية ممكن يعمل شياط
امشى بالعربية وشوف سخونة الجنط ورا وقدام
المفروض ان اللى ورا اقل سخونة من الامامى
وعد اما ترفع اليد عندك كام تكة

[shur3000]

عامة هو كان فى واحد فيهم ضارب زيت فعلا والتانى لاة.
فرامل اليد كانت عندى ضعيفة وماكنتش بتمسك الا لما تترفع على الاخر خالص
لكن بعد تغير الخزنتين عصاية الفرامل بقت اجمد شوية وبقت بتكلبش من بدرى مش زى الاول

[shur3000]

وانا متأكد انى ما مشيشتش والفرامل ومرفوعة بس فعلا فرامل اليد اتحسنت كتير بعد التغير والفرامل كام تكة الصراحة ماعدتهاش

[samehenany05]

[QUOTE=shur3000;3874604417]رحت للعفشجى امبارح (واحنا فى المنصورة العفشجى هو اللى بيشتغل فى الفرامل مش الميكانيكى) المهم طلع جرب العربية وفركها وكان بيمشى على 100 ويضرب فرامل والعربية كانت بتقف تمام المهم خليتة يحل الاربع عجلات قدام مفيش حاجة التيل والطنابير كويسين بس لقيت كوتشات الكبالن مقطعين على الرغم انى لسة مغيرهم من 5 اشهر وخدت من عندة كوتشين استيراد الواحد ب40 المهم. فك ورا
لقيت وسواد وهباب المهم نظف بالبنزين وقالى ان خزن الفرامل باظت والسبب انى مشيت وفرامل اليد مرفوعة المهم دة اساسا ماحصلش. المهم جيبت خزنتين ب 65ج (صينى ومالقيش غيرهم وزودت الزيت والحمد لله الامور تمام والراجل خد من 60ج مصنعية فى الخزنتين وتغير الكوتشات بتاعة الكبالن. ربنا يسترها

العفشجى ده فين فى المنصوره واسمه ايه بس ياريت توصفلى مكانه ضرورى

[mero100]

عدد تكات فرامل اليد من 6 الي 9 تكات .

أنا فعلا كنت ساعات بفرمل بفرامل اليد ( للتجربه فقط مع مهندس التوكيل )
و فعلا قاللي مترفعش الهاند بريك و إنت ماشي لأن الحركه دي بتضرب المساتر الخلفيه .

إنت بقه لو ماستر عجله خلفي ضرب و إنت ممشيتش و الهاند بريك مرفوعه .. يبقي عمره كده .

[shur3000]

الحمد لله على كل حال واللى مخلينى متفائل ان فرامل اليد كانت عندى ضعيفة يعنى ما تعشقش الا على الاخر لكن بعد التغيير الفرامل بقت تعشق من اول تكة والحمد لله على كل حال

[shur3000]

استاذ samehenany05
العفشجى اسمة احمد هتلاقية فى المجزر خش من جنب عوض اللة وامش فى الشارع لاخرة لحد ما الاسفلت يخلص واسأل علية هيدلوك وهو من الناس المحترمين فعلا