محتاج مساعدة فنية ضرورى جداً

[magdyusf]

عندى مشكلة فى العربيا اللانوس بتاعتى ومش فاهمها ابتدت تظهر من يومين ...
فى صوت نعرة بتحصل عن عدد لفات ماتور معين وبعد كدة بتختفى واعتقد انها من الفتيس لانها بتختفى لما افصل الحركة وادوس على الدبرياش للآخر

ارجو الافادة السريعة ...

[tarek_2005]

خلي بالك ليكون صوت سبيكة

[rasboten]

خلي بالك ليكون صوت سبيكة

طب وتعرف ازاى انه صوت سبيكه؟ وهل السبيكه دى ممكن تتضر لو غيرت جوان وش السلندر

[tarek_2005]

السبيكة ملهاش علاقة بوش السلندر دي جلبة مقسومة نصفين بين عمود الكرنك والبلوك بتاع الموتور علشان هيا الي تتاكل والبلوك وعمود الكرنك يفضلوا سلام لو الزيت الي بيغذيها ويبردها ويقلل من احتكاكها قل بتلف يعني ايه هي عبارة عن نصفين نصف مثبت في البلوك ونصف في الركبة الي بتمسك الكرنك في البلوك تلف معناها ان النصفين دول بيلفوا مع عمود الكرنك ودا طبعاً لو تاكلت
بتعرفها لو العربية دايرة وثابته مكانها بتدوس بنزين لغاية الار بي ام الي بيظهر عنده الصوت لو ظهر غالباً بتبقي السبيكة بتلف لو لم يظهر في حالتك مثلا يبقي دور في موضوع الفتيس

[magdyusf]

السبيكة ملهاش علاقة بوش السلندر دي جلبة مقسومة نصفين بين عمود الكرنك والبلوك بتاع الموتور علشان هيا الي تتاكل والبلوك وعمود الكرنك يفضلوا سلام لو الزيت الي بيغذيها ويبردها ويقلل من احتكاكها قل بتلف يعني ايه هي عبارة عن نصفين نصف مثبت في البلوك ونصف في الركبة الي بتمسك الكرنك في البلوك تلف معناها ان النصفين دول بيلفوا مع عمود الكرنك ودا طبعاً لو تاكلت
بتعرفها لو العربية دايرة وثابته مكانها بتدوس بنزين لغاية الار بي ام الي بيظهر عنده الصوت لو ظهر غالباً بتبقي السبيكة بتلف لو لم يظهر في حالتك مثلا يبقي دور في موضوع الفتيس

العربية عندى كانت سخنت بسبب قطع فى وصلة المياه الساخنة والميه فضيت خالص
وبعد ما ركبت وصلة جديدة ابتدى الصوت ده يظهر مع المشى
بس الصوت مش شغال علطول بيظهر بس مع عدد لفات معينة على كل نقلة
ومش عارف عند كام لفة عشان معنديش rpm

[tarek_2005]

كدا انت بتاكد احتمالية لف السبيكة بنسبة 80%

[magdyusf]

بس الصوت بيختفى تماماً لما بدوس دبرياش !!!

[rasboten]

السبيكة ملهاش علاقة بوش السلندر دي جلبة مقسومة نصفين بين عمود الكرنك والبلوك بتاع الموتور علشان هيا الي تتاكل والبلوك وعمود الكرنك يفضلوا سلام لو الزيت الي بيغذيها ويبردها ويقلل من احتكاكها قل بتلف يعني ايه هي عبارة عن نصفين نصف مثبت في البلوك ونصف في الركبة الي بتمسك الكرنك في البلوك تلف معناها ان النصفين دول بيلفوا مع عمود الكرنك ودا طبعاً لو تاكلت
بتعرفها لو العربية دايرة وثابته مكانها بتدوس بنزين لغاية الار بي ام الي بيظهر عنده الصوت لو ظهر غالباً بتبقي السبيكة بتلف لو لم يظهر في حالتك مثلا يبقي دور في موضوع الفتيس

يعنى ايه السبيكه بتلف ؟ طب انا عند 1.5 ار بى ام والعربيه بارده وعلى السلانسيه بسمع نعره واما بتسخن النعره بتروح يبقى ده معناه ايه؟

[magdyusf]

يا جماعة انا عاوز اعرف حل لمشكلتى علشان اعرف اذا كنت اروح افك الماتور ولا الموضوع بسيط ؟
انا لسة كاشف على زيت الفتيس دلوقتى لقيته مظبوط ونظيف
مش عارف اعمل ايه ؟؟؟؟؟؟؟؟

[amer_el7op]

ممكن تكون شكمان اوالعمه

[نجم]

مصفة الشكمان مكسورة العلبة الوسطى

[rasboten]

مصفة الشكمان مكسورة العلبة الوسطى

حضرتك ده بالنسبه لى ولا لصاحب الموضوع

[magdyusf]

عرفت المشكلة جية منين
اولاً احب اشكر كل الى رد على مشكلتى
ثانياً المشكلة كلها طلعت من الشكمان زى ما قال العضو نجم
الماتور سليم والفتيس الحمد لله كله تمام