الى خبراء الدايو بالله عليكم مساعدة ضرورى

[amirock]

السلام عليكم
يا جماعة انا لسة شارى عربية دايو جوليت موديل 2001
و لما اشتريتها كانت العربية مخنوقة على الطريق فقلت اعمل لها صيانة
فغيرت سير التقسيمة و الفلاتر و طرمبة المياة و تيل فرامل
العربية حسيت انها اتغيرت و فعلا فرقت فى مشيها كتير
بس بعد يومين فوجئت و انا ماشى ان العربية بطلت لوحدها و مش عايزة تدور و بعد شوية بدورها قامت دايرة
رحت للميكانيكى اللى عملى فيها صيانة قاللى ده عيب كهربا رحت للكهربائى بعد ما لف على العربية ملقاش فيها اى حد و بص على الضفيرة لقاها تمام و فى الاخر قاللى ده كبل الارضى مش مربوط كويس حربطة و اطلع جرب
المهم ربطة و طلعت اجرب ليتقها تماام مش ببتطل يدوب طلعت من عنده من هنا و خزنة الردياتير قامت ضربه اتارى الكهربائى مركبش فيوز مروحة التبريد كويس المهم رجعتله تانى قالى الفيوز اصلة كان مشعر و مش عارف اية رحت لبتاع الردايترات قاللى لازم ردياتير تاانى لان الردياتير بتاعها مينفعش يتركب له خزنة
رحت شارى ردياتير و ركبة المهم تانى يوم كنت فى مشوار راحت العربية عملت نفس الموضوع و راحت مبطلة بعد مطب كدة و راسها و الف جزمة ما تدور
بصراحة الواحد مش عارف يعمل اية فبالله عليكم تفيدونى احسن انا استويت على الاخر و لسة شاريها و مش عارف فيها اى حاجة

[ahmad--ezzat]

ان شاء الله الناس يفيدوك

بس انت ليه مكشفتش كويس علي العربيه دي قبل ماتجيبها

[amirock]

و الله يا باشا وديتها لسمكريه و يويجية و ميكانيكى بص عيلها قولولى العربية تماام و كل اللى فيها الصيانة الدورية بتاعهتا اللى انا عملتها مكنش فيها العيوب ديه قبل ما اعمل الصيانة اللى فيها

[moumen_hs]

بص ياباشا العيب دة كان عندى زمان فى الدايو وحضرتك فك طرمبة البنزين الى تحت الكنبة الخلفية هتلاقى فيها فيشة داخلية الى بتشغل الطرمبة الفيشة دية أكيد ملمسة أو بيوصلها بنزين فبتقطع وممكن مدورش المهم خالى الكهربائى يعزلها كويس عن البنزين ويأكد على الترامل بتاعتها كويس وكمان الفيشة السودا الخارجية بتاعة الطرمبة ولو أشتغلت كويس خير - وأنا دخت زيك لما اشتريت العربية والحل كان بعد تظبيطها ياما متفولش بنزبن للاخر دة لو الفيشة يتسرب البنزين لداخلها أو تغير الطرمبة خالص وخد بالك مش كل الميكانيكية ولا الكهربائية عارفين العيب دة

[MITSUKERO]

زي ما الراجل قالك شوف طرمبة البنزين و يمكن تكون بايظة اساسا

علي كل الاحوال ياريت تاخد العربية لمحمد عبده اللي في شارع العشرين في فيصل هيفحصهالك كلها و مش بياخد فلوس علي الفحص و هو متخصص و شاطر جدا و هيفيدك جدا

[rabso88]

غير طلمبه البنزيين و المشكله هاتتحل تماما

المشكله دى كانت عندى فجاه العربيه تبطل اسيبها ربع ساعه و ادور الاقيها زى الفل الميكانيكى قالى ساعيتها ان الطلمبه بتسخن ولازم تتغير و فعلا غيرتها و المشكله اتحلت

[amirock]

شكرا يا جماعة على الردود حجرب و اقولكم

[MMamdouh]

خزان الرادياتير بيتغير عادى... اللى قالك لازم الرادياتير كلة يتغير ضحك عليك

MMamdouh

[amirock]

يلا الحمد لله ادينى غيرنا الردياتير و التانى مرمى فى الجراج عايز خران

[amirock]

يا جماعة العربية معملتش فيها حاجة و بقالها 4 ايام شغالة تماام و مش بتبطل هل اغير برضة طلمبة البنزين و استنى شوية انا محتار

[MMamdouh]

اصبر

MMamdouh

[tarek_2005]

بص علي علبة الفيوزات وبالاخص فيوز الطرمبة ممكن يكون بيتهز او متشعر زي الي لقيته متشعر بتاع المراوح

[amirock]

اوكى يا جمااعة حبص عليهم تاانى بس العربية داخلة فى اسوبع اهوو شغالة تماام اوى و مش بتبطل و لا حاجة زى الاول مع انى معملتش فيها حاجة غير ان الميكانيكى علا الموتور سنة فإية رأيكم اسيبها على كدة و لا اغير الطرمبة

[Ahmed Nasser]

وبعد ما علاه الار بى ام على كام؟؟؟؟

[amirock]

لا عادى فى الطبيعى