مشكله في الامل والطلعه

[bebom]

السلام عليكم
مشكلتي العربيه في الطالعه علي الاول رجرجه العربيغ سخنه بارده متفرقشة حتي ونا في مشوارع وقفت مثلا في اشاره تحصل برده . السحب تمام مفيش اي مشكلة

ده كان احد الاعضاء كتبة وانا الحمد الله معنديش الكلام ده
اعراض تلف الدبرياج

1/تقل رهيب لما تيجي تطلع بالعربية ...
2/العربية هتلاقيها مبتجبش سرعات عالية (يعني هتلاقيك بتجيب 100بعافية
3/دواسة الدبراج تقيلة
4/لما تيجي تقرص على العربية في المطالع ممن تلاقي ريحة شياط ظهرت
5/اخر مرحلة في التلف (تدوس بنزين تلاقي العربية صوتها يعلى وبمتمشيش او استجابتها ضعيفة ....وطبعا هتلاقي ريحة الشياط ظرهت)


ياريت حد يفدني لانوس 2005
شكرا ليكم
حسام السويدي

[amer_el7op]

على العموم ده ممكن يكون ديسك بس اولا ممكن تعمل حاجه بسيطه جرب تنضف الايدل والبوابه وشوف

[mero100]

ممكن ديسك فعلا .. بس لو حتغير يبقي حتجيب الطقم علي بعضه.

[Khaled Lanos]

وعليكم السلام ورحمة الله وبركاته

ياباشا الكلام ده كله كان بيحصل معايا ولسا مغير طقم ديبرياج كامل(ديسك واسطوانة وبلية) والأعراض دي كلها اختفت الحمد لله, فانت طالما هتفك الفتيس يبقى تجيب الطقم كامل بالمرة ودا بيعملو 350 جنيه فالييو كوري.

وابقى خلي الميكانيكي يبص لك على الفورش بالمرة يمكن يكون على وشك انو يتكسر زي ما حصل معايا, وخليه يبصلك على الــ 3 قواعد بتوع الماتور لأنهم غالبا هيبقو متفرتكين.

انا عندي في واحدة منهم نزلت حتتين تخيل!!

هههههههههه

والإتنين التانيين كانو متفرتكين.

توكل على الله وغير طقم الديبرياج وابقى بص على الحاجات التانية بردو زي ماقولت لك.

وبالتوفيق ان شاء الله.

[MMamdouh]

رجرجة الطلعة عيب اسطوانة

MMamdouh

[bebom]

الف شكر لرجالة المنتدي


ونا كنت فاكر بوجيهات اصل حصل معايا حاجات قريب من كده وطلعت بوجيهات انا من شهرين كنت بغير المكنه والميكانيكي شاف طقم الدبرياج وقلي غير ديسك وبليه جبت البلية جديده والديسك جبله واحد مستعمل نضيف ياريت حد يقلي ممكن يكون ايه

علي العموم باذن الله هوديها للميكانيكي ياريت لو حد يعرف نوع الطقم يكون كويس وسعر واجيبه منين قلي


حسام السويدي

[Khaled Lanos]

الف شكر لرجالة المنتدي


ونا كنت فاكر بوجيهات اصل حصل معايا حاجات قريب من كده وطلعت بوجيهات انا من شهرين كنت بغير المكنه والميكانيكي شاف طقم الدبرياج وقلي غير ديسك وبليه جبت البلية جديده والديسك جبله واحد مستعمل نضيف ياريت حد يقلي ممكن يكون ايه

علي العموم باذن الله هوديها للميكانيكي ياريت لو حد يعرف نوع الطقم يكون كويس وسعر واجيبه منين قلي


حسام السويدي

طقم الديبرياج يعمل 350 جنيه فالييو كوري من عند البنا من التوفيقية.