زيت ابرو

[BlueNova]

كنت عملت موضوع قبل كدا عن ان المكنتة بقت خفيفة والاعضاء نصحنوني اني اكمل بيها لحد ما تجيب اخرها http://www.nilemotors.net/Nile/319549-a.html و ناس نصحتني اني احط زيت ابرو

السؤال دلوقت هل زيت ابرو مفيد فعلا ؟ و هل لية اضرار ولا لا عشان انا سمعت ان بيخلي العربية تتاخر في الدواره في الشتا و لازم المارش يكون كويس كمان وانا عندي المارش نص نص خصوصا احنا داخلين علي الشتا وغير كدا لو استخدمة مره واحده لازم اكمل بيه بعد كدا علي طول .. هل دا كلام صح ولا غلط .. و لو هستخدمه ان شاء الله هتبقي طريقة استخدامة ازاي ؟ واسف علي الاطاله

[windofchange]

في زيت اسمه ليكوي مولي درجة لزوجه 15w 50 وده بيسموه زيت عمرة هاته انا شايف انه كويس لانه في جزيئات كريستال بتحافظ عالموتور

[BlueNova]

في زيت اسمه ليكوي مولي درجة لزوجه 15w 50 وده بيسموه زيت عمرة هاته انا شايف انه كويس لانه في جزيئات كريستال بتحافظ عالموتور

انا بستخدم موبيل 20w-50 وكمان انا من طنطا ومهما دورت مش بلاقي غير موبيل وشيل

[m_adeleid]

في زيت اسمه ليكوي مولي درجة لزوجه 15w 50 وده بيسموه زيت عمرة هاته انا شايف انه كويس لانه في جزيئات كريستال بتحافظ عالموتور

مفيش اللي حضرتك بتقول عليه ده
الزيت الموجود في ليكوي مولي
super formula
20w50
ب 120 جنيه وبيقعد حوالي من 3-5 الاف كيلو
و ده زيت معدني عادي مش زيت عمره
وكتالوجات انواع عربيات كتير بتوصي بلزوجه زي دي علي حسب الموتور
اكيد مش بيوصو بزيت لعمره مواتيرهم

[Elawany13]

انا بستخدم موبيل 20w-50 وكمان انا من طنطا ومهما دورت مش بلاقي غير موبيل وشيل

ازاى ياباشا الكلام ده
انت مبتدورش كويس
ليكوى مولى ليهم فرع فى شارع سعيد مع شوقى

[BlueNova]

ازاى ياباشا الكلام ده
انت مبتدورش كويس
ليكوى مولى ليهم فرع فى شارع سعيد مع شوقى

طب كويس والله مكنتش اعرف شكرا علي المعلومة .. طيب بخصوص الابرو يا باشا متعرفش حاجة ولا اية ؟

[windofchange]

مفيش اللي حضرتك بتقول عليه ده
الزيت الموجود في ليكوي مولي
super formula
20w50
ب 120 جنيه وبيقعد حوالي من 3-5 الاف كيلو
و ده زيت معدني عادي مش زيت عمره
وكتالوجات انواع عربيات كتير بتوصي بلزوجه زي دي علي حسب الموتور
اكيد مش بيوصو بزيت لعمره مواتيرهم

موجود وانا اشتريته وهو علبته رصاصي و4لتر ب195 من شارع دمشق وعلبته لونها رصاصي والزيت لونه مخضر وعامل زي الطحينة

[amer_el7op]

بص ياباشا انتا تروح فى فرع شارع سعيد مع شوقى اسمه المصطفى على مااعتقد ده بيبيع كل حاجه من لوكى مولى وتجيب منه السيراتك ده اضافه بتضاف مع الزيت وهيا بتعمل على سد الخلوص بطبقه تشبه السراميك وتستعمل معاه زيت يفضل تكون لزوجته عاليه واعمل حسابك ان الزيت هيقل بعدها حوالى ربع كيلو تبقى تزوده ومتقلقش بعد كده

[m_adeleid]

موجود وانا اشتريته وهو علبته رصاصي و4لتر ب195 من شارع دمشق وعلبته لونها رصاصي والزيت لونه مخضر وعامل زي الطحينة

شكرا علي المعلومه
حبقي ابص عليه عندهم
طب امتي نستخدم الزيت ده؟

[Elawany13]

طب كويس والله مكنتش اعرف شكرا علي المعلومة .. طيب بخصوص الابرو يا باشا متعرفش حاجة ولا اية ؟

لو ماتورك خفيف
فيه ناس جربته وبتشكر فيه جدا
جربه مش هتخسر حاجه

أنا جربت اضافة ابرو على زيت الفتيس والكارونة وكانت النتيجة ممتازة

[BlueNova]

يا جماعة انتو سبتو الموضوع الاصلي ودخلتوا في انواع الزيوت لية :d انا عاوز حد يفيدني :d عاوز اغير زيت اليومين دول

[BlueNova]

لو ماتورك خفيف
فيه ناس جربته وبتشكر فيه جدا
جربه مش هتخسر حاجه

أنا جربت اضافة ابرو على زيت الفتيس والكارونة وكانت النتيجة ممتازة

مش هخسر حاجة دي اكيد ؟ :d اصل سمعت انه ادام استخدمتة مش همشي الا بية بعد كدا .. و لية اضرار علي المارش عشان بيتقل الدوراه

[windofchange]

ازاي خرجنا عن الموضوع وانا بنصحك بزيت معين ومن غير استخدام الابرو تجربه

[MITSUKERO]

هو ايه الابروا ده يا جماعة ؟ انا عربيتي الانسر موتورها خفيف و بياكل زيت نفسي في حاجة تقلل التأكل لحد ما اعمل عمرة بس

[tarek_2005]

اولاً كل هذا مسكنات
العلاج صلح موتورك (( عمرة او تغيير باستيراد ))
المسكنات
استعمل الابرو ومش لازم تستمر عليه ولا حاجة ممكن تحطه مرة ومرة لاء عادي
استعمل زيت لزوجته عالية مفيش اي مشكلة
لو العربية تعبتك في الدوارة الصبح في الشتاء اوقف الابرو لمرتين تغيير زيت هترجع عادي جداً
لو باقي العربية مظبوط مش هيحصل تاثير ملموس علي المارش