طريقة تغيير اللمبات بداخل وحده التكييف نوبيرا

[AlGazar2]

بسم الله الرحمن الرحيم

انهارده بدأت اغير لمبات وحده التكييف عشان فصلوا واحده ورا التانيه

اول حاجة بنفك الوش البلاستك



بمفك عاده و براحة من الاطراف نبدأ نفك




الوش هيطلع معانا كده



بالمره بقى نقوم منظفينه احسن حاجة و مجربها wd-40 بيخليه يرجع يلمع تانى

بعد كده بمفك صليبه نفك المسامير الى رابطه الوحده




بعد ما فكيناها هنخرج الوحده لبره و هنبدأ نفك الفيش بتاعت التكييف



فى زى كلبسه كده فى الفيش ندوس عليها و نشد لبره براحة

ده شكل الكلبسه و هيه من تحت فى الفيشه دى


و الفيشه التانيه زيها بس الكلبسه لفوق

و بعد كده هنفك الخراطيم بتاعه مخارج الهوا




هنشدها براحة جدا و نحركها لفوق و تحت

بعد كده هنفك الواير بتاع السخن و البارد



بمفك عادة و بالراحة عشان مفيش حاجة تتكسر هنفك الواير كده
و بعد كده بمفك او بايدنا نفك البلاستكه بتاعه الواير دى و بالراحة برضه

هنلفها لقدام بالراحة هتطله معانا

و كده الوحده بقت حره الحركه معانا و ناخدها و نطلع البيت بقى او نكمل فى العربيه

انا طلعت البيت عشان اعمل الموضوع

هنلاقى فيه فى الوحده من ورا سلك صغيره كده هنفكها بالراحة من مكانها







و دى عشان يبقى فى مساحة بين الوش و الضهر بتاع الوحده

و بعد كده بمفك عاده بالراحة هنفك الكلبسات دى





هنلاقى الوحده بقت حره بعد كده و فيها سوسته اوعى تضيع




هنلاقى اللمبات عامله كده



ببنسه صغيره نفكها بالراحة عشان تطلع او بايدينا ( ايدى منفعتش )

ده شكل اللمبه بعد ما طلعت



هنشيل اللمبه من البلاستكه دى و نشيل البلاستكه دى مع السوسته



و نجيب لمبه صغيره نفس الحجم

عن نفسى هجيبها ليد ابيض عشان اتخنقت من اللون الاخضر بتاعها ده و اقولكواعملت ايه

التركيب عكس الخطوات الى فاتت دى

و معلش الموضوع مش منظم اوى و جوده الصور بتاعه الموبايل

[misoalex]

طب ممكن صوره باليل بعد ما ركبت شكل التابلوه بقى ازاى اصلى سمعت ان نور الليدات مش بيبقى متوزع صح فى الجزء ده

وشكرا على الموضوع

[AlGazar2]

انا لسه هجيب الليدات انهارده ان شاء الله و اركبهم و هصورهم اكيد من عنيا

[Amr Axel]

تسلم ايديك يا باشا

و عن تجربة الليد اللي بيبقي زي الأصلي المشهور الكارت بان الكارت بـ5 ج اضائته تعبانة و ضعيفة و بيشيع بسرعة
اما الليد اللي بيكون فيه اكتر من ليد صغير ( زي 10 ليدات او 13 او 15 ) ما شاء الله بيدي اضاءة قوية و متوزعة في كل اتجاه و بيعيش و حتي لو ليد فصل الباقي شغال و هكذا
بس اهم حاجة تجيب اللي يساوي الطول الأصلي( غالبا هيكون 10 ليدات 2 ليد في كل صف هو الموازي لطول الأصلي بس جيب علي الاصلي برده عشان تتأكد ) بالذات في موضوع لمبات التابلوه
اما الطويل لو للفوانيس زي 13 و 15 ليد هيدي اضاءة كويس جداا

و في انتظار النتيجة :)

[haissam24h]

شرح ممتاز واضافه كبيرة للنوبراية فعلا العربيه ديه من العربيات الى اتلغت عشان بتستحمل
اى حاجه بتعيش وتستحمل بتتلغى عشان الناس تصرف ويبيعو اكثر ارحمنا يارب برحمتك

[AlGazar2]

تسلم ايديك يا باشا

و عن تجربة الليد اللي بيبقي زي الأصلي المشهور الكارت بان الكارت بـ5 ج اضائته تعبانة و ضعيفة و بيشيع بسرعة
اما الليد اللي بيكون فيه اكتر من ليد صغير ( زي 10 ليدات او 13 او 15 ) ما شاء الله بيدي اضاءة قوية و متوزعة في كل اتجاه و بيعيش و حتي لو ليد فصل الباقي شغال و هكذا
بس اهم حاجة تجيب اللي يساوي الطول الأصلي( غالبا هيكون 10 ليدات 2 ليد في كل صف هو الموازي لطول الأصلي بس جيب علي الاصلي برده عشان تتأكد ) بالذات في موضوع لمبات التابلوه
اما الطويل لو للفوانيس زي 13 و 15 ليد هيدي اضاءة كويس جداا

و في انتظار النتيجة :)

طول اللمبه تقريبا نص سم معتقدش هيبقى فيها اكتر من 2 لده و ان شاء الله هجيبهم من شارع دمشق بس مش انهارده عشان الى بيحصل ده و اكون فكيت التابلوه بالمره و اغير نور العدادات

[AlGazar2]

شرح ممتاز واضافه كبيرة للنوبراية فعلا العربيه ديه من العربيات الى اتلغت عشان بتستحمل
اى حاجه بتعيش وتستحمل بتتلغى عشان الناس تصرف ويبيعو اكثر ارحمنا يارب برحمتك

ربنا يخليك

و فعلا النوبيرا ما شاء الله عربيه حماله اسيه بجد

كفايه مستحملانى و مستحمله سواقتى :)

[rabso88]

مجهود رائع

[ahmad_salama]

رجاء من الادارة اضافة الموضوع لاهم موضوعات القسم