إعـــــــلان

Collapse

.

,
See more
See less

كيفية اصلاح عصاية فتيس نوبيرا 2 بالصور ....Nubira shift lever

Collapse
X
 
  • Filter
  • الوقت
  • Show
Clear All
new posts

  • كيفية اصلاح عصاية فتيس نوبيرا 2 بالصور ....Nubira shift lever

    بعد بحث و تمحيص عن كيفية اصلاح عصاية الفتيس الاوتوماتيك لدايوا نوبيرا 2 و الاحباط من عدم تواجد اى نتيجة .... قررت انى انزل و افكها و اتفرج عليها يمكن افهم ايه الحكاية
    -اولا : المشكلة كانت فى انى لما اجى اجيب ال D لازم اجيب 3 و بعدين ارجع الى Dتانى و كانت بتضايقنى جداااا خصوصا فى الزحام اللى غرقانين فيه .
    -ثانيا : مفيش لوك (Lock) ما بين النقلات و بالتالى ممكن بالخطأ العصاية تتحرك الى R و انا ماشى على ال D .....كارثة
    -ثالثا : العصاية ناعمة قوى و مش محكومة

    نبتدى المحاولة:

    1- محاولة فك الكونسولة الوسطى .. اخدت منى 15 دقيقة تقريبا على ما عرفت ان لازم افك الكونسولة بتاعت الهاند بريك (فرامل اليد ) الاول و بعدين فى مسمارين فى كلا الجنبين و هبا طلعت الكونسولة بتاعة يد العصاية
    2- كان لازم افك شوية فيش بتوع اللمض
    3-كان فيه جسم ابيض تحت الكونسولة و دى كان راكب فيها اللمبة بتاعت انارة رقم الجير تم فكها (4مسماير )
    4-اخيراا وجدت الميكانيزم بتاع العصاية
    قعدت اتفرج 10 دقايق عليها و احرك من P الى 1 رايح جاى علشان افهم طريقة العمل و الحمد لله انى فهمت اخيرا
    حاولت افك الاربع مسامير و لكن وقفت عند الوير اللى جاى من الفتيس _ - مشــــــكلة
    و اخيرا وجدتها - كان فيه مسمارين بيربطو ا المسطرة اللى راكب فيها الواير _ و انفصل الواير عن ميكانيزم العصايا
    5- بعد ما فكيت الميكانيزم لقيت ان فيه مسمار هو اللى بيتحكم فى LOCK العصاية و ده بناءا على خريطة مشرشرة بيدخل فيها المسمار ده
    و يوقف حركتها او يسمح بالحركة عند الضغط على الزر الجانبى لعصاية الفتيس
    6- لقيت المسمار ده متنى و مش عدل فرحت فاكك المسمار (شحط) و طلع عينى علشان استعدله و معرفتش لانه قصير فرحت قالب الاتجاه و خليت الناحية السليمة هى اللى تمشى على الخريطة و بقت تمام
    7- نيجى الى الجزء اللى بيخلى الحركة بتاعة العصاية تبقى تكات و ده عبارة عن نصف ترس مسنن راكب فى العصاية و و نايم عليه سوستة مثبتة فى الجسم بتاع الميكانيزم و بينهم بلحة .و دى اساسية علشان التكات بتاعة العصاية تبقى محكومة و ليها رجلاش ...المهم فكيت السوستةبالبلحة و نضفتهم و زييتهم و ركبتها تانى و رجلشتها .
    8-العصاية لازم تاخد شحم او زيت موتور من الاكس بتاعها علشان ماتكلش الجلب الفيبر اللى بتحكمها .
    9- ركبت الاجزاء تانى زى ما فكيتهم .و رجعت الميكانيزم مكانه و خلت التيش بتاع واير الفتيس فى الصامولة المخرومة و رجلشها (اخدت من كذا مرة فك و تركيب) لحد ما استقريت على الظبطة النهائية
    10- بالمرة حملة غسيل للكونسولة و الفبر بتاع الابانوس علشان تبقى بتبرق و النضافة من الايمان
    11-و غييرت اللمض اللى كانت جوة الكونسولة بلمض المانى علشان نورها يبقى زاهى و نظيفة


    - و خلصت المهمة المستحيلة بعد شغل اخد حوالى ساعتين و النتيجة اكتر من هايلة

    و اللى يحب اى خدمة انا تحت امركم

    و اسيبكم مع الصور










  • #2
    الله ينور
    [justify]ولقد سبقت كلمتنا لعبادنا المرسلين(171) إنهم لهمُ المنصورُون(172)وإن جندنا لهمُ الغالبون [/justify]

    Comment


    • #3
      الله ينور
      [marq="3;right;2;alternate"]
      انظر موضوع "خـــريطـة قــسـم نيـــسان .. طريـقنا نحـــو الافـضل"
      [/marq]

      Comment


      • #4
        تسلم ايدك والله
        والف شكرعلى توصيل التجربة الناجحة
        دى لو راحت لميكانيكى بتاع اوتماتيك كان قاللك سيبهالى انهاردة ويقولك انا غيرت واشتريت وظبط ويدفعك دم قلبك وانتى مبسوط ....
        للاسف الضمير غائب
        ابو حمزه

        Comment


        • #5
          انا مابـثقش في اي حد يلعب في عربيتي ـو الحمد لله انا باعمل معـَـــظم الاعطال بنفسي
          وانا تحت امر اي عضو في اي خدمة

          Comment


          • #6
            شغل عالى
            تسلم ايدك
            انا عاوز اعرف بس بالتفصيل تفك ازى لحد ما اغير لميات الى بتنور الجير عشان اتحرقت
            [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

            -- اللهم ارزقنيها --
            [/COLOR][/SIZE][/CENTER]

            Comment


            • #7





















              [CENTER][SIGPIC][/SIGPIC][/CENTER]

              Comment


              • #8
                مشكور اخى al_manara

                Comment


                • #9
                  المشاركة الأصلية كتبت بواسطة blazer مشاهدة المشاركة
                  شغل عالى
                  تسلم ايدك
                  انا عاوز اعرف بس بالتفصيل تفك ازى لحد ما اغير لميات الى بتنور الجير عشان اتحرقت
                  حتفك القطعتين اللى قدام الكونسولة الامامية علشان تقدر تطلعها و تحت الكونسولة ختلاقى شاسيه ابيض فيه لمبة كبيرة راكبة اشتريها بس تكون المانى بحوالى 4 جنيه و حتلاقى لمبة سفايا صغيرة راكبة فى الولاعة و احدة تانية راكبة فى الطفاية
                  و نصيحة غير كل اللمض بالمرة لان النور بيفرق مع اللمض الجديدة

                  و اذا احتجت اى خدمة انا تحت امر ك

                  Comment


                  • #10
                    شغل عالي اوي
                    [CENTER][mn7ot2]http://i827.photobucket.com/albums/zz193/tarek_2005/nile%20motors/stamp_zps919d7215.jpg[/mn7ot2][/CENTER]

                    Comment


                    • #11
                      الله ينور يا باشا
                      شغل عالى

                      Comment


                      • #12
                        تسلم ايدك ... و مشكور على الشرح
                        [COLOR=navy][B]اللهم احفظنا من تهور سائقى (الميكروباصات و التريلات و المقطورات و التاكسيات المهكعه وكل واحد معندوش لا دم ولا ضمير)[/B][/COLOR]

                        [COLOR=navy][B]*فى بلد اللى ملوش كبير لازم يشتريلوا كبير* [/B][/COLOR]
                        [COLOR="Navy"][B]*و اللى معهوش ما يلزموش*[/B][/COLOR]

                        Comment


                        • #13
                          ربنا يخليكم و احنا كلنا هنا لازم نساعد باى معلومة علشان الناس الفتايين اللى فاكرين اننا زباين لقطة و ان مش حنلف نلف و نرجعلهم تانى

                          الى الامام ... ثورة ثورة

                          Comment


                          • #14
                            شكرا طارق باشا

                            Comment


                            • #15
                              المشاركة الأصلية كتبت بواسطة broadband مشاهدة المشاركة
                              حتفك القطعتين اللى قدام الكونسولة الامامية علشان تقدر تطلعها و تحت الكونسولة ختلاقى شاسيه ابيض فيه لمبة كبيرة راكبة اشتريها بس تكون المانى بحوالى 4 جنيه و حتلاقى لمبة سفايا صغيرة راكبة فى الولاعة و احدة تانية راكبة فى الطفاية
                              و نصيحة غير كل اللمض بالمرة لان النور بيفرق مع اللمض الجديدة

                              و اذا احتجت اى خدمة انا تحت امر ك

                              معلش لو هتعبك معايا لو تصوره لى صوره وتعلم لى على الاماكن الى هفك منها
                              [CENTER][FONT=Comic Sans MS][SIZE=5][COLOR=Blue][/COLOR][/SIZE][/FONT][SIZE=5][COLOR=DarkRed]قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"

                              -- اللهم ارزقنيها --
                              [/COLOR][/SIZE][/CENTER]

                              Comment

                              Working...
                              X