تجربتى مع تغيير ماتور النوبيرا امبارح هام للجميع

[ebrahim_mh]

يا جماعة انا والحمد لله غيرت ماتور عربيتى اصل الماتور القديم كان خلاص جاب اخره- المهم انا جبت الماتور من عزبة شلبى شورت بلوك بس وسعره 1700 وركبت وكله تمام
مشيت ماشور تمام الماتور زى الفل
امبارح فكيت البوجيهات لاقيت زيت بسيط عليها والعربية بتقطع وتنتيش وتبطل وكأن فى بوجيه فاصل وده الاكيد مع ان كل حاجة تمام واللى الميكانيكى اللى ركب الماتور كان شغال فى شركة دايو
السؤال هنا ؟ حالة التقطيع من ايه والتنتيش من ايه والاهم الزيت اللى على البوجيهات من ايه يارت حد يفدنا الموضوع ده هام للجميع

[romieh]

التقطيع بيحصل علشان البوجيه بييجى عليه زيت (والزيت بيعمل طبقة عازلة) فالبوجيه بيقطع ومش بيدى كهرباء وبالتالى العربية بتلت

السبب حاجة من اتنين : يا اما كاوتش صباب يا اما الموتور خفيف

نصيحة : روح رجع الموتور للى اخدته منه من عزبة شلبى لانه كده واضح ان الموتور حالته مش تمام وبكده يستلزم فتحه واللعب فيه (وده اللى احنا بنبعد عنه من العمرة ووجع الدماغ ونستسهل ونجيب استيراد)

[Ahmed_Ramadan]

متابع

[moumen_hs]

متابع

[ABO MALEK]

المكنة خفيفة...

[moumen_hs]

المكنة خفيفة...

طيب ما الرجل بيقول أن الموتور تمام وجرب سحبة هل ممكن يكوت تسريب من جوان غطا التيكيهات

[HAITHAM1985]

ربنا يستر والمكنة متكنش مفوتة

[moumen_hs]

ياريت ياباشا تشوف الرابط دة نفس المشكلة

http://www.nilemotors.net/Nile/249878-2.html

[حماده المصري]

التقطيع بيحصل علشان البوجيه بييجى عليه زيت (والزيت بيعمل طبقة عازلة) فالبوجيه بيقطع ومش بيدى كهرباء وبالتالى العربية بتلت

السبب حاجة من اتنين : يا اما كاوتش صباب يا اما الموتور خفيف

نصيحة : روح رجع الموتور للى اخدته منه من عزبة شلبى لانه كده واضح ان الموتور حالته مش تمام وبكده يستلزم فتحه واللعب فيه (وده اللى احنا بنبعد عنه من العمرة ووجع الدماغ ونستسهل ونجيب استيراد)

بالضبط الزيت لما يجي على البوجيهات معاناها متور تعبان

وليه تفتح في متور لسه جايبه هو الراجل الميكانيكي ملوش فيه زي ما فك زي ما ركب

المتور نفسه تعبان ولازم تروح للي باعهولك تاخد ترجعه

[ahmed.zahra]

الموتور يرجع و ده ممكن يكون بسبب جوان وش سلندر ضارب فبيجيب زيت على البوجية أو يكونفي تفويت في مكان تاني، ليه بقى كل وجع القلب ده انت جايب موتور استيراد عشان تشتري دماغك مش نقرف نفسك و على فكرة عادي انك ترجعة مش مشكلة يعني.

[misho2008]

معلش سؤال الزيت اللى على البوجيهات موجود على سن البوجية ولا حولية؟؟؟؟

[blazer]

لو الزيت حوالين البوجية مش على السن يبقى غير جوان غطا التاكيهات ب 55 جنية الاصلى ودا عادى ش مشكله خالص
وهل انت غيرت البويجهات الى جاية مع الماتور ؟ ولا سبتها زى ما هى

[moumen_hs]

لو الزيت حوالين البوجية مش على السن يبقى غير جوان غطا التاكيهات ب 55 جنية الاصلى ودا عادى ش مشكله خالص
وهل انت غيرت البويجهات الى جاية مع الماتور ؟ ولا سبتها زى ما هى

الزيت على القلوظ بتاع البوجية مش على الشمعة الشمعة مفحمة بس - الرجل غير جوان وش التيكيهات وجاب الاصلى وغير البوجيهات زى الميكانيكى ماقالى انا فهمت منة كدة فهل ممكن يكون تركي بالجوان مش كويس

[misho2008]

الزيت على القلوظ بتاع البوجية مش على الشمعة الشمعة مفحمة بس - الرجل غير جوان وش التيكيهات وجاب الاصلى وغير البوجيهات زى الميكانيكى ماقالى انا فهمت منة كدة فهل ممكن يكون تركي بالجوان مش كويس

طالما الزيت مش على مكان الاشعال فى البوجيهات دة عيب تقفيل جوان غطاء التكيهات

[prince2005]

رجع الموتور لانه كده واضح ان الموتور حالته مش تمام