نوبيرا 2007 هتجنني

[ahmedmanga]

السيارة من ساعت ما غسلت الماتور سير الدينمو كل شويه يوقع غيرت بليه الشداد والسير وبردو شويه يركب وشويه يروح واقع ومش عارف ايه حلها

[hessenp]

ياتشد السير كويس ياتغير السييير وتريح دماغك.....

[tarek_2005]

غير السير وتاكد من مسامير قاعدة الديناموا انها سليمة مفيش حاجة مقطومة منها

[blazer]

هتلاقى فى اول الماتور جمب فرن الشكمان على الشمال مسمارين بيربطوا طرمبة الباور اتاكد انهم مربوطين بإحكام

وزى ما قالك استاذ طارق راجع على مسامير الدينامو
واتاكد ان السير نفسه سليم

[ahmedmanga]

الله يبارك فيكم على مساعدتى انا هروح واشوف المسامير ديه وهراجع عليها بس بخصوص السير انا غيرت السير تانى مرة وغير بليه الشداد المشكله ان السر بيكون مشدود كويس وجامد يعنى هشوف المسامير ديه هيه فعلا ممكن تخليه ينطر كده ولا ايه

[ahmedmanga]

اصل المشكله فى حاجة ان السير يشتغل يومين كده وبعدين ينطر يعنى مش بيقع فى ساعتها يعنى فعلا ممكن يكون العيب فى مسامير الدينمو ولا ايه معلش اصل انا تاعبكم وبثقل عليكم كتير اصل انا روحت لكتر من 5 علشان يشوفو السير وكل مرة يركبوة يقعد يومين تلاته وبعدين يقع لغايه ما بقيت اركبه لوحدي بس انا عاوز اشوفله حل

[elnakshabandy]

بص على طنبورة الدينمو لوفيها حاجه مش مضبوطه او مش مربوطه كويس

[ahmedmanga]

انا بصيت على كل الطنابير وعلى المسامير امبارح ورحت موديها لواحد ميكانيكي قالى ان القاعده اللى ماسكه الشداد بتاعت الدينمو هيه اللى وحشه وعوزة تتغير وانا بصراحه مش عاوز اجازف وافضل اجرب ومصاريف كتيرة فى الايام اللى احنا فيها ديه بتكون صعبه

[tarek_2005]

شوف مسامير قاعدة الديناموا وبعدين راجع علي جميع الطنابير الي بيمر عليها السير ممكن تلاقي واحدة فيها شفة منحولة

[ahmedmanga]

هوة ممكن يكون فعلا العيب من القاعده بتاعت شداد الماتور يعنى المسمار ممكن يعمل بوش ولا ايه
يعنى هوة فيه عيوب منها

[ahmedmanga]

لو سمحت ممكن حد يرد عليا ممكن الشداد يكون فيه مشكله