طرمبة البنزين و سنينها

[golden_web_2007]

اولاً .. اشكركم على التواصل ..
ثانياً .. انا عندى مشكلة عاوز رأيكم فيها ..

انا عربيتى لانوس 99 .. كل ما افول من البنزينة ألقى سرسوب بنزين بينقط من العربية من تحت .. قلت فايض و هيروح لوحده .. لقيت الموضوع بيتكرر كل مرة افول فيها ..

غيرت جوان طرمبة البنزين .. برضو مافيش حاجة إتغيرت .. نفس التسريب ..

فـ الميكانيكى قالى نغير الطرمبة كلها .. طبعاً سألت كان فى نوع كورى بـ 160 جنية ..

فأنا عاوز اعرف إمتا أغير الطرمبة و إمتا اغير قلب الطرمبة بس ؟

و هل تسريب البنزين ده ممكن يكون من حاجة غير الطرمبة ؟

و الـسـؤال الأخـــيــر .. هل فى علاقة بين تلف طرمبة البنزين و الإستهلاك العالى للبنزين ؟

و شكراً جزيلا لكم ..

[MMamdouh]

طلمبة البنزين ملهاش اى علاقة بالحوار دة

اتاكد الاول التسريب جاى منين... هل من الجوان اللى انت غيرتو ولا خرم مثلا فى التنك او فى الزور نفسة و بعد كدة نعالج المشكلة

MMamdouh

[Khaled Lanos]

مظنش ان الطرمبة ليها علاقة بالتسريب..شوف لا يكون التانك مخروم ولا حاجة.

[amr_adel00]

اكيد التسريب ده من الجوان بتاع الطرمبه مش من الطرمبه نفسها
خلى حد يركبلك الجوان مظبوط و و يركب الطرمبه صح و ان شاء الله خير

[misho2008]

بعد ما تفول العربية شيل الكنبة الخلفية وشوف لو فية بنزين حولين وش طرمبة البنزين هيبقى العيب جوان
لو مقلتش هيبقى فى خرم فى التانك

[ABO MALEK]

بعد ما تفول العربية شيل الكنبة الخلفية وشوف لو فية بنزين حولين وش طرمبة البنزين هيبقى العيب جوان
لو مقلتش هيبقى فى خرم فى التانك

تكملة لكلام الأخ الفاضل:
الحوار ده حصل معايا وعملت زى الكلام السابق شرحه ولقيت التسريب من عند فتحة التنك اللى بيركب فيها الطلمبةرحت للميكانيكى قالى هات جوان أستيك لحد كده تمام؟
لا مش تمام بعد ما حلينا لقيت الجوان الجديد أقل سمك (بضم السين) من القديم والميكانيكى قالى القديم شغال وزى الفل لحد كده تمام؟
اه تمام قام عادل شفة التنك اللى بتركب فيها الطلمبة الى بيقفل عليها الوش الحديد.
*بس الوش الحديد طلع عينه على ماقفل معاه.
*وغير التسريب كمان كنت بشم رائحة البنزين فى صالون العربية.
وبكده اتحلت المشكلة وتوتة توتة فرغت الحدوتة.
يارب اكون أفادتك (:

[tarek_2005]

1 - شوف بعد التفويل وفك قاعدة الكنبة في بنزين علي فوهة التانك مع الطرمبة ام لا
2 - شوف خرم في التنك من اعلي
3 - راجع علي خراطيم علبة الكانستر راكبة كويس ولا لا وممكن تكون اتخبطة في مطب وهيا الي بتسرب

[misho2008]

تكملة لكلام الأخ الفاضل:
الحوار ده حصل معايا وعملت زى الكلام السابق شرحه ولقيت التسريب من عند فتحة التنك اللى بيركب فيها الطلمبةرحت للميكانيكى قالى هات جوان أستيك لحد كده تمام؟
لا مش تمام بعد ما حلينا لقيت الجوان الجديد أقل سمك (بضم السين) من القديم والميكانيكى قالى القديم شغال وزى الفل لحد كده تمام؟
اه تمام قام عادل شفة التنك اللى بتركب فيها الطلمبة الى بيقفل عليها الوش الحديد.
*بس الوش الحديد طلع عينه على ماقفل معاه.
*وغير التسريب كمان كنت بشم رائحة البنزين فى صالون العربية.
وبكده اتحلت المشكلة وتوتة توتة فرغت الحدوتة.
يارب اكون أفادتك (:

تسلم على ذوقك وعلى تقديرك

[ABO MALEK]

تسلم على ذوقك وعلى تقديرك

ده واجب علىَ لازم تاخذ حقك.

[amer_el7op]

هوه مين اللى جاب القلعه جمب البحر هوه ايه اللى هيخليك تغير الطرمبه هيا الطرمبه بتاعتك لو بتسرب مش هتسرب جوه التنك ولا بره وبعدين لو حتى غيرتها هيا مش الجديده هتبقى زيهها برده ولا لا تغييرها مالوش دعوه طبعا بالقصه دى ده ممكن يكون من الاستك بتاع التنك مش اكتر ولو مش منه راجع على التنك نفسه ممكن يكون واخد خبطه او البرومه وكلاه من اى حته وراجع كل وصلات البنزين وساعتها هتعرف فين التسريب بالظبط بس ياريت قبل المتابعه تكون مفول التنك على اخره عشان يبان معاك