تجربتي مع تغيير خابور عقربة الفتيس بمسمار

[اسلام زيتون]

كان عندي خشونة من فترة في نقل الغيارات فلمن طرحت الامر عالاخوة في انايل موتورز نصحوني بتغير الخابور بمسمار 10 جيت اجرب لاقيت في بوش جامد والخابور الي طاله سمكة 8 ملم ومسمار 10 سمكة 6 ملم فقط قعدت ادور في المسامير لاقيت مسمار 13ملم نص سن (يعني نص طول المسمار بسن والنص التاني من غير سن )جيت اجربة مدخلش لحد االاخر لان احد العراوي ضيقة فتحتها 6 ملم فقط فااخدت المسمار ورحت للخراط قلتلو مشطلي السن ل6 ملم وسيب الجزء الي منغير سن زي ماهو وبالفعل عملهولي وجبت صامولتين على قدو وركبت الفتيس دلوقتي زي الحرير

[misho2008]

تسلم ايدك و 100000 شكر انقل التجربة الناجحة لينا

[tarek_2005]

مبروك علي الاصلاح

[mero100]

يا ريت شرح للموضوع ده لاني بصراحه مش عارف العضو الكريم بيتكلم عن أنهي مسمار .

[agaty1st]

يا ريت يا باشا تبسط الشرح أكتر
لأني مش فاهم حاجه و بعاني من نفس المشكله

[sameh65]

كان عندي خشونة من فترة في نقل الغيارات فلمن طرحت الامر عالاخوة في انايل موتورز نصحوني بتغير الخابور بمسمار 10 جيت اجرب لاقيت في بوش جامد والخابور الي طاله سمكة 8 ملم ومسمار 10 سمكة 6 ملم فقط قعدت ادور في المسامير لاقيت مسمار 13ملم نص سن (يعني نص طول المسمار بسن والنص التاني من غير سن )جيت اجربة مدخلش لحد االاخر لان احد العراوي ضيقة فتحتها 6 ملم فقط فااخدت المسمار ورحت للخراط قلتلو مشطلي السن ل6 ملم وسيب الجزء الي منغير سن زي ماهو وبالفعل عملهولي وجبت صامولتين على قدو وركبت الفتيس دلوقتي زي الحرير

ممكن صورة لمكان المسمار

[abo rodina]

ممكن تحكيلنا عالمشكلة من الاول وطريقةعلاجها بالظبط عشان الناس كلها تستفاد من التجربة؟؟؟

[ahmed.zahra]

متابع

[msobhy]

عندى نفس المشكله - ومش قادر افهم الكلام اللى حضرتك كاتبه - ياريت توضيح وياريت لو فيه صور
متابع

[amer_el7op]

ياجماعه هوه قاصده على المسمار اللى ماسك العقربه بتاعت الفتيس

[abogogo]

ياريت توضيح أكثر وهل لما امشط بحل الفتيس ولا بروح بالعربية للخراط ..؟؟

[zomzom11]

اولا المسمار ده ممكن تشوفه لو بصيت داخل الموتور اسفل ماستر الفرامل فوق الفتيس ولو معاك حد يحرك العصايه ويعشق هاتشوفه وهو مشهور قوى اى ميكانيكى بيبدلهولك وتريح دماغك انا اشتكيت وقلت للميكانيكى وسيبتله العربيه عمل السرفيس وبعد ما مشيت كلمته قالى انا خلاص عالجتهولك وغيرتلك المسمار

[E_medo77]

ياريت توضيح أكثر وهل لما امشط بحل الفتيس ولا بروح بالعربية للخراط ..؟؟

يا باشا بيقولك مشط المسمار بس مش حاجه تانيه

[اسلام زيتون]

نايل موتورز - NileMotors.net بجد يااخواني انا ركبت من غير مااصور لاني معنديش موبايل بكاميرا بس في اخ معانا في الجروب مصور وهو بيغير اويل سيل للعقربة ممكن تقرو موضوعة وانا هرفع صورة منو وانا معلم على مكان المسمار بالظبط

[اسلام زيتون]

مش عارف ارفص الصورة