العربيه بتسرب ميه

[msobhy]

النهارده كنت المفروض اشتغل فى الجوان بتاع كرتيرة الفتيس
لاقيت العربيه بتسرب ميه ببص منين لاقيتها من ماسوره بها كذا فتحه اللى واصل عليها خرطوم الريادتير وخرطوم القربه وخرطوم تالت مش عارف بتاع ايه وفى النهايه واصله بخرطوم لجسم الموتور (ياريت اللى يعرف اسمها ايه القطعه ديه وسعرها يقول) - لسه بامسكها اتكسرت فى ايدى
المهم قلت بسيطه - اغيرها لاقيتها صعب جدا الوصول اليها - فكيت الرشاشات وبدأت افك الفرن لكن الدنيا بدأت تظلم بالاضافه انى عندى انزلاق غضروفى ومبقتش قادر اكمل - قفلت العربية بالعافية وبكره هاشوف هاعمل ايه
حد عنده اى طريقه سهله لفك المشترك بتاع الميه ده أو الشجره ديه
القطعه ديه اسمها ايه - وتقريبا سعرها كااااااااااااااااام؟
ربنا يستر واعرف اعمل العربيه بكره فى القرف اللى البلد فيه

[blazer]

مم
على ما اتذكر كانت ب 35 او 37 الgm
فيه ناس بتبيعها المونيوم وبيقولوا احسن
انا غيرتها وركبت الاصليه الفايبر
لما غيرتها عند الميكانيكى فك الدينامو بس
وراح مركبها
بس هى بصراحه رخمه شويه

[Dr.Rayyan]

انا غيرتها من شهرين كانت ب 25 gm
بس مكانها رخم اوى وعلى فكره مفكش اى حاجه من مكانها ساعه التركيب

[egyptiandiver]

هي الوصلة دي عندي و ذي ماتكون سيحة شوية و لم جيت أنضف دورة المية قلت للراجل يحلها قال لأ بلاش هي كدة شغالة أحسن ما تبوظ - و بيني و بنك أحسن إنه سبها، أنا أسمع إن عمر القطعة دي 50,000 يزيد أو يقل و تبتدي تسيح بعد كدة! أظن المعدن تكون أنسب و الله أعلم و ابقى طمنا - أحمد سامي

[msobhy]

مم
على ما اتذكر كانت ب 35 او 37 الgm
فيه ناس بتبيعها المونيوم وبيقولوا احسن
انا غيرتها وركبت الاصليه الفايبر
لما غيرتها عند الميكانيكى فك الدينامو بس
وراح مركبها
بس هى بصراحه رخمه شويه

انا غيرتها من شهرين كانت ب 25 gm
بس مكانها رخم اوى وعلى فكره مفكش اى حاجه من مكانها ساعه التركيب

هي الوصلة دي عندي و ذي ماتكون سيحة شوية و لم جيت أنضف دورة المية قلت للراجل يحلها قال لأ بلاش هي كدة شغالة أحسن ما تبوظ - و بيني و بنك أحسن إنه سبها، أنا أسمع إن عمر القطعة دي 50,000 يزيد أو يقل و تبتدي تسيح بعد كدة! أظن المعدن تكون أنسب و الله أعلم و ابقى طمنا - أحمد سامي

أشكركم جميعا على الرد وان شاء الله ربنا يسهلها واعرف اعمل العربيه النهارده

[ahmad_salama]

اسمها ماسورة شجرة المياه وبتبقي فيبر وال gm ب 35 جنيه

فكها صعب لازم من تحت العربيه وتكون العربيه بارده طبعا علشان المياه كلها هتنزل

بالمرة لما تفكها وتركبها تاني ابقي شيك علي خراطيم المياه الي واصله فيها احسن يكون فيها خرم ولا قطع

[msobhy]

يا رجاله عايز تأكيد ربنا يخليكو لأنى هاخلى واحد كهربائى جنبى هايفك الدينامو وانا هاركبها
هل بتتركب من الجنب من ناحية الدينامو ولا من تحت العربيه

[ahmad_salama]

الماسورة الفيبر الي علي شكر حرف l جايلها خرطوم من القربه وخارج منها حوالي 3 او 4 خراطيم منهم الي واصل للماتور دي بتركب من تحت العربيه ومش بتحتاج فك اي حاجه الا القربه بس مكانها مزنوووق اوي والافزان مزنوقة اووووي

[msobhy]

يعنى مستحيل انها تتفك من فوق

[ahmad_salama]

انا كانت عندي نفس المشكله من حوالي اسبوعين واكتشفتها وانا بغسل الردياتير وبتاع الردياتير قالي لازم الميكانيكي هو الي يفكها انا مش هعرف افكها

وفعلا روحت للميكانيكي وحط العربيه ع الحفرة ونزل فكها من تحت وركبها من تحت ومفكش اي حاجه في العربيه خالص هي مجرد الخراطيم

والي فاكره ان الافزان قرفته علشان المكان ضيق جدا والافزان دي الي هي بتحتاج البنسه الكلابه مش الي بمسمار.

[msobhy]

احمد باشا عاجز عن الشكر لرد حضرتك
الموضوع كالتالى
تقريبا فيه 3 خراطيم من ناحية اليمين - وخرطوم واحد رئيسى من ناحية الشمال (ناحية الدينامو)
بالاضافه لوجود مسمارين تثبيت للماسوره نفسها
من معينتى للموضوع أعتقد أنى ان شاء الله هاعرف اغيرها من الجنب من ناحية الدينامو
اللى هايسهل الموضوع شويه ان الميكانيكى بتاعى (الله يحرقه) مركبها بمسمار واحد مش اتنين
أدعو لى

[ahmad_salama]

ربنا معاك وبرضو لاحظ اني معايا نوبيرا مش لانوس ف الوضع ممكن يكون مختلف شوية بس مظنش يعني

[msobhy]

ربنا معاك وبرضو لاحظ اني معايا نوبيرا مش لانوس ف الوضع ممكن يكون مختلف شوية بس مظنش يعني

احمد باشا ربنا يخليك على ردك
وباشكر كل الاعضاء اللى ساعدونى
الحمد لله نجحت فى تركيبها وان شاء الله لو الموضوع اتكرر تانى عمرى ما هاحاول اركبها بنفسى تانى
أقل ما يقال عنها ان فعلا اللى حاططها فى المكان ده - وبالطريقه ديه - بجد معاق ذهنيا
والله انا اشتغلت فى مكاينات من اليابان والصين وايطاليا وأسبانيا
مشوفتش التخلف ده قبل كده
من وجهة نظرى ملهاش أى طريقه صح غير حل غرفة الحرق علشان تركب من غير مجهود
ركبتها بنجاح لكن معرفتش اركب المسامير من كتر التعب - هاركبها بكره ان شاء الله
.
مجمل ساعات الشغل تقريبا 3 ساعات متواصله
بالاضافه لوقت حل وتركيب الدينامو اللى الكهربائى قام بيها
.
لو حاولت تانى تقريبا هاعملها فى 30 دقيقه - لكن فعلا عمرى ما هاعملها تانى
.
اااااااااااااااااااااه يا ظهرى

[Dr.Rayyan]

الحمد لله على راى عمرو
تجربه وعدت

[ahmad_salama]

هي فعلا مزنوقة اوي المكيانيكي غلب علي ما ركبها .بس والله 100 100 انك بتحب تشتغل بايدك. :)