مشكلة في النور الأمامي .

[abo_lamar]

السلام عليكم و رحمه الله و بركاته

انا عندي مشكلة في النور الأمامي للعربية , وهي اني لما افتح النور , اللمبات مش بتقيد الا بعد حوالي 5 دقائق سواء في النور الواطي او العالي , بس لو شغلت الرعاش النور يشتغل مع الرعاش بس لكن غير كده مايشتغلش , وبعد ما يشتغل النور بعد ال 5 دقائق دول لو جيت طفيته تاني وشغلته , يشتغل عادي .

تفتكروا المشكلة منين يا شباب ؟ كتاوت ولا دراع نور ولا ايه بالضبط ؟؟

وشكرا

[AlGazar2]

المشكله دى اول مره اسمعها بس ممكن تكون الفيش مهزوزه او الفيوزات

ركب الفيش كويس ممكن يكون العيب منها و راجع على الفيوز بتاع النور و بعد كده بص ع الكتاوت

و اخر حاجة شوف دراع النور بقى

[hany essa]

ممكن تقولى اذا كنت مركب كتاوت والا لاء ولو مركب كتاوت العيب منه لانه كده بيعلق انا كان عندى مشاكل كتير فى النور زى انه يعلق وميرضاش يطفى ومره ميرضاش ينور اصلا وغيرتالكتاوت بواحد جديد والدنيا بقيت زى الفل

[Khaled Lanos]

اعتقد ان المشكلة عندك مشكلة كتاوت ياباشا لان لو كان دراع النور فيه حاجة كان مكنش هيشتغل أصلا أو كان هيفضل معلق على طول..فأنت شيك كدا على الكتاوت ممكن تلاقي سلكة مفصولة ولا حاجة وممكن يكون الكتاوت عايز يتنضف مثلا أو عايز يتغير(بــ 25 جنيه التركي).

بالتوفيق يا باشا..

[abo_lamar]

ان شاء الله حشوف حوار الكتاوت ده واقولكم على اللي حصل

[Dr.Rayyan]

5دقايق !!
زينون ستايل :d