باركولي اخيرا جبت لاتوس 2

[cogy]

انا الحمد لله ربنا قدرني واشتريت لانوس 2 لسة طازة امبارح ولسة مفهمتش في العربية كويس فية لمبة علي طول منورة مكتوب عليها check دي لمبة الاسكان تقريبا طيب اعمل الاسكان دا فين وبكام وهوة اية يعني اعمل اسكان علي العربية وانا من المعادي

تاني حاجة الاكصدامين الي عندي عايزين يترشوا اسود مين يرشهم كويس ويبقي بكام وكمان عندي مشكلة في البوية بتاعت العربية في اماكن في العربية مشققة سمعت ان البولش بيعالج الحجات دي هل فعلا ولا لازم العربية تخش الفرن من الاول

تالت حاجة العربية وانا بدور الصبح لازم ادوس بنزين عشان تدور وبيبقي صوت الماتور عالي في الاول ورجرجة كدا علي مالعربية تسخن وكمان اعرف منين انها سخنت موشر الحرارة بيعلي بس مبيعديش النص بس دا بعد فين وفين والعربية ساعات بتبطل في الاول وصوت الماتور عالي في الاول بس بعد فترة صوتة بيهدي تفتكروا دا من اية

[hessenp]

اولا الف مبروك عليك العربية وان شاء الله تكون فتحة خير عليك .... وربنا يعطيك خيرها ويكفيك شرها ....
بالنسبة للمبة تروح لاقرب واحد جنبك عنده كمبيوتر تكشف بيه على العربية وان شاء الله خير ...
بالنسبة للدهان ممكن تعرضها على واحد بوهيجى ويقولك على المحتجاه العربية اذا كانت رش او اذا كانت دهان بولش وانا اعتقد انها محتاجة رش ....
بالنسبه للرجرجة الى على الصبح اعمل طقم سيرفس للعربية عشان عند ميكانيكى كويس بيفهم والموضوع دة يخلص ...
وعشان مؤشر الحرارة المعدل الطبيعى بتاع اللانوس بيقى قبل النص بحاجة بسيطة .....

[cogy]

متشكرين ياباشا علي الرد السريع دا وربنا يكرم ان شاء الله

[S O P H O S]

الــف مبروك ..

[tarek_2005]

اولاً غير سيور وفلاتر وزيوت
ثانياً روح لمحمد السيد بالدقي اكشف كمبيوتر لمعرفة سبب اضائة لمبة التشك
ثالثاً نظف البوابة والايديل لو استمر موضوع عدم الدوارة بدون بنزين اكشف علي الرشاشات او خلي محمد السيد يقولك اخبارهم ايه وهوا بيعمل اسكان
وكان يجب عليك قبل طرح الاسئلة تقول معلومات كافية عن السيارة يعني عاملة كام كم وحالة المحرك ايه

[MohammedAladel]

مشكلة الدوارة واللمبة ممكن يكونوا بسبب حساس الأوكسجين

لما تكشف هتعرف

[kimokaim]

ألف مبروووووووووووووووووك عليك

أنا كمان من المعادي

ضروري وفي حموتها وانت لسه طاير بالعربية قبل ماتكسل وتهملها

أنك تقوم بصيانة كاملة للعربية

يعني تغير الزيت والفلتر ومية الرادياتير وتربط العفشة لو محتاجة

وده قبل ماتدهن وعمل أي حاجة

بعدين في ورشة نايل موتورز بأشراف الاستاذ كريم في الحرفيين وفي موضوع خاص بيها

وهما أكيد حيخدموك وحيشوفوا انت محتاج تعمل أيه

[mahmoud_elbeh]

اولا الف مبروك
لازم مع السيرفيس تغير البوجيهات . ممكن ده يكون سبب الرجرجه

[cogy]

العربية عاملة 79000 كيلو تقريبا وهحاول اعمل كل دا ان شاء الله المحرك ادائوة معقول وسحبوة كويس

[Mo7med]

اولا الف مليون مبروك علي العربيه

وربنا يعطيك خيرها ويكفيك شرها ان شاء الله ..

وكان ليه كام سؤال لحضرتك لان انا بدور علي لانوس بقالي فتره ودايخ لاني معنديش فكره عن البيع والشراء والاسعار وكده

فكنت حابب اعرف هي موديل كام وسعرها ايه وايه الكماليات اللي فيها ده بعد أذن حضرتك

وربنا يبارك فيها ان شاء الله

[mahmoud_elbeh]

اولا الف مليون مبروك علي العربيه

وربنا يعطيك خيرها ويكفيك شرها ان شاء الله ..

وكان ليه كام سؤال لحضرتك لان انا بدور علي لانوس بقالي فتره ودايخ لاني معنديش فكره عن البيع والشراء والاسعار وكده

فكنت حابب اعرف هي موديل كام وسعرها ايه وايه الكماليات اللي فيها ده بعد أذن حضرتك

وربنا يبارك فيها ان شاء الله

وانا كمان معاك لسه بـــــــــدور

[cogy]

متشكر جدا ياجماعة علي الردود والاهتمام هية موديل 2003 وجبتها ب 40 بعد ملفيت ولقيت ان دا احسن سعر ليها بس للاسف موضوع السرفيس دا العملية مزنقة خالص مفيش حد يقولي هيتكلف كام عشان موضوع الرجرجة دا يروح والعربية تفوق ومتبطلش

[MMamdouh]

http://www.nilemotors.net/Nile/93638-a.html

http://www.nilemotors.net/Nile/263799-a.html

MMamdouh