تعديل فيشة الاوكتان يا جدعااااااااااااان

[golden_web_2007]

مساء الفل على الجميع ..

عاوز حد يدلنى على كهربائى يعدل عندى فيشة اوكتان للانوس ضرورى و حتى لو فى المريخ هروحله ..
لانى حاولت اعملها بنفسى لقيت لازم اشيل عتب الباب و جزء من فرش الارضية فى العربية ..
ده غير انى مبحبش ألعب فى حاجة مش فاهمها و بتبع مبدأ إيدى العيش لخبازه دايماً ..

و مافيش حل معايا غير بنزين 80 كحل لحالتى المادية اليومين دوول ..

حل يعرف كهربائى يا جدعااااااااااااان يعدل لى فيشة الاوكتاااااااااااان ؟

[mero100]

ساكن فين؟

[golden_web_2007]

الزيتون او مصر الجديدة او عين شمس .. حدد لى حضرتك مكان الكهربائى و انا هروحله حتى لو فى مكان تانى

[mero100]

فيه كهربائي متعاملتش معاه بس الاعضاء هنا بيقولوا ممتاز .... اسمه محمد السيد ... عنوانه : تالت شارع يمين بعد كوبري الدقي في اتجاه جامعه القاهره ... اسمه شارع جابر بن حيان .

بس مش عارف هل هوه يعرف ظبطه فيشه الاوكتان علي 80 و لا لا ....

أفضل تفهمها من هنا و تقوله يعملهالك .... هيه سهله و بسيطه .

[Moratoz]

علي فكرة فك العتبه بسن مفك دي كلبسات ومش هتفك حاجة من الفرش هي تحت الدواسه جانب الخارجي للكرسي اليمين بس كل دا ملوش فائدة لانها معموله علي اقل أوكتان في الفيشه 87
لو العربيه مأخرة كهرباء هقولك حل غريب شويه بس عاوز حد فاهم يفك طنبور الكرنك ويقدمها شويه دا بيساعد علي ذيادة الكهرباء شويه
وربنا يوفقك

[msobhy]

لو بتنزل ناحية الهرم فى اى وقت ممكن اعزمك على كوباية شاى واعملها لك

[golden_web_2007]

كتر خيركم يا رجالة .. انا سألت فعلاً كهربائية كتير عندنا محدش عرف انا بتكلم عن ايه اصلاً ..
على العموم انا فى انتظار حد يكون عملها عند كهربائى يعرفه ..
و msobhy .. يا باشا ألف شكر و تسلم الايادى :)

[abo rodina]

علي فكرة اغلب الكهربائية والعتاولة مايعرفوش حاجة عن فيشة الأوكتان خالص .......
انا من حلوان لو تحب اقابلك واعملهالك

[golden_web_2007]

يا باشا ألف شكر و كتر خيرك ..
لو امكن رقم موبايل حضراتكم على الخاص للتواصل ..
و فى سؤال مهم كمان ..
أكيد التسقيف هيروح لما اعدل الفيشة .. تمام كده ؟

[mahmoud_anwar]

انا لسه عاملها انهارضة عارف الحل ايه انك توسع الفرش سنة بي مقص علشان تعرف تطلع الفيشة
انا فتحت سنة بسيطة بي المقص لي ان الفتحة الي جمب العلبة مش هتوصلك للفيشة لي ان الفيشة قصيرة
ملهاش غير حلين يا تفك الفرش والفرش معمول بي كليبسات يا تقص سنة اقل من الصنطي بي مقص من الطرف هتلقي الاطراف بتعتها فيها زي تفريغ مها بقا

[ahmedzizo131]

انا لسه عاملها انهارضة عارف الحل ايه انك توسع الفرش سنة بي مقص علشان تعرف تطلع الفيشة
انا فتحت سنة بسيطة بي المقص لي ان الفتحة الي جمب العلبة مش هتوصلك للفيشة لي ان الفيشة قصيرة
ملهاش غير حلين يا تفك الفرش والفرش معمول بي كليبسات يا تقص سنة اقل من الصنطي بي مقص من الطرف هتلقي الاطراف بتعتها فيها زي تفريغ مها بقا

بسم الله الرحمن الرحيم
باشا
المهم النتيجة اية بعد التعديل ؟؟؟؟

[mero100]

يا جماعه انا عدلت الفيشه كذا مره مره بنفسي في اقل من ديقيقتين .... مش محتاجه كل التعب ده و لا محتاجه كهربائي خالص .... ياريت تقرأوا موضوع تعديل فيشه الاوكتان كويس و ده الرابط بتاعه : http://www.nilemotors.net/Nile/151996-a.html

[mahmoud_anwar]

بسم الله الرحمن الرحيم
باشا
المهم النتيجة اية بعد التعديل ؟؟؟؟

بص مش هقولك يعني العربية بقت طلقة بس السحب اتحسن يعني الاول ماتحسش انه مابيلحقش يجيب 20 وتلقي الماتور بيجعر زي الاول وكمان حاسس ان العربية بتجمع بسرعه تعديل مش بطال

[mahmoud_anwar]

يا جماعه انا عدلت الفيشه كذا مره مره بنفسي في اقل من ديقيقتين .... مش محتاجه كل التعب ده و لا محتاجه كهربائي خالص .... ياريت تقرأوا موضوع تعديل فيشه الاوكتان كويس و ده الرابط بتاعه : http://www.nilemotors.net/nile/151996-a.html

ياباشا تمام في الصورة الي حضرتك حططها الموكيت متشال منها
ايه الحل في حاجه من الاتنين يايشيل الموكت يا يقطع سم بي المقص

[amr anwar]

انا شايف أنك تروح لمحمد السيد عند نزله كوبرى الدقى
وعاوزعارف من خبراء المنتدى هى النوبيرا موديل 99 البريميوم فيه فيشه اوكتان