مقاس الكاوتش للدايو الجوليت و افضل الانواع للشراء

[amirock]

يا جماعة كنت عايز اشتري كاوتش جديد للجوليت و كنت عايز اعرف المقاس المضبوط بتاعها مع العلم ان الجنوط 13 و يا ريت لو حد يعرف الانواع الكويسة و اسعارها اية

[ehabomar1987]

لو ناوى تغير الاربع فرد فافضل مقاس هو 185-70-13 وسعر ال فردة 305 ونوعها كوموه اكستا من توكيل كوموه اللى فى شبرا بس انا مش عارف رقمه لو حد عارف ممكن يقولك :)

[mero100]

اعتقد المقاس هوه هوه اللانوس 13/175/70 ...

و افضل كاوتش هوه bridgstone ....

[amirock]

اولا شكرا علي الرد
بص يا باشا انا حغير فردتين بس ادام و حستنضف فردتين ارجعهم ورا مع العلم ان الكاوتش عندي 65 مش 70 و حاسس ان العربية واطية شوية فلو اني غيرت ادام 70 و ورا 65 حياثر في حاجة

[mero100]

اولا شكرا علي الرد
بص يا باشا انا حغير فردتين بس ادام و حستنضف فردتين ارجعهم ورا مع العلم ان الكاوتش عندي 65 مش 70 و حاسس ان العربية واطية شوية فلو اني غيرت ادام 70 و ورا 65 حياثر في حاجة

كده ورا حيبقي أوطي نص سم .... معرفش بصراحه حيفرق و لا لأ ....

[Moratoz]

مش هيفرق كتير بس أنتا لازم تغير المقاس علشان تجيب المقاس الاصلي 13/79/175 وابقي بعد كده غير الخلفي لما ربنا يفتحها
البريدجستون احسن وأغلي نوع اما الكومهو من احسن الانواع فوق المتوسطة ويودي الغرض وزيادة وخاصة نقشه الأكتسا أواعي تجيب نقشه السولاس

[amirock]

شكرا يا جماعة على الردود

[mero100]

لو حتجيب كومهو النقشه إسمها إسكاتا و هيه فعلا أفضل من نقشه الكومهو سولاس.

[truss]

على حد علمى مفيش اكستا من المقاس دة

[amirock]

طيب لو حبيت اشترى اجيب اية يا جماعة و بالتفصيل بالله عليكم لانى على ادى حبتين

[Moratoz]

شوف الهانكوك كوتش محترم وسعره جيد ايضا وعلي فكرة فروق الأسعار في المقاس دة مش كبير
وانتظر رأي باقي الزملاء ايضا للوصل الي الرأي المناسب طبقا لمتطلباتك