ياترا الموضوع ده موجود فى اللانوس عامة ولا عندى انا بس

[ehabomar1987]

انا من يجى شهر كده ركبت كاست بايونير deh 2350 و سماعات بس مش ديه المشكلة الكاسيت بقى بيشتغل لما الكهرباء بتوصل للعربية العربية جوليت 1 مو 2000 وياترا فيه زرار لل on وال off فى العربية او حتى الكاسيت لان واحد صاحبى كان راكب العربية وقالى هو الكاسيت عندك بيشتغل كده على طول انت لية مش قافله وهو عربيته لانوس 2007 والكاسيت فيها فيه زرار ال on و ال off ياترا ديه حاجة فى اللانوس ولا عندى انا بس

[dr.hazem]

اللي ركبه ممكن يكون شبكه عالبطاريه علطول والمفروض ان الكاسيت يشتغل مع اول تكه للمفتاح...
انتظر رد شباب الدايو..
تحياتي

Sent from my SE Arc S using Forum Runner

[zomzom11]

انا عندى الكاسيت بيشتغل بدون وجود المفتاح اصلا

[AlGazar2]

الكاسيت فى الدايو بيشتغل مع اول تكه فى المفتاح

انما الكاسيت فيه اون و اوف دى على حسب نوع الكاسيت
عندى فى النوبيرا مفيهوش بس لما بشيل الوش و اركبه الكاسيت مبيشتغلش غير لما اشغله

[ehabomar1987]

يعنى كده النوع ده من البايونير مفيهوش اى on او off تمام انما كده الموضوع ده عادى جداا تمام اوى شكرا يا رجالة الدايو

[Khaled Lanos]

لأ انا عندي الكاسيت بيشتغل مع فتح الكونتاك غير كدا لأ..يمكن اللي ركبو وصلو غلط.

[swimmer25]

خلي بالك ان الكاسيت البايونيير بيتقفل تماما فق عند الضغط علي زر SRC او source لمدة حتي يغلق تماما وبكده مش هيشتغل ابدا مع فتح الكونتاكت غير لما تدوس علي نفس الزر مرة اخري
بس خلي بالك كمان انه المفروض يتقفل تماما مع قفل الكونتاكت خالص للأخر

لو عندك مش بيفتح ويقفل تماما مع اخر تكة للكونتاكت يبقي اكيد التوصيل خاطئ
بيكون فيه سلك أصفر لازم يكون متوصل لوحده مع الكونتاكت عشان الخاصية دي...لو الي ركبهولك وصله مع الأحمر الموجب يبقي غلط بس ده ملوش علاقة بخاصية الكاسيت وهي الغلق التام كما ذكرت سابقا

[swimmer25]

انا عندى الكاسيت بيشتغل بدون وجود المفتاح اصلا

أعتقد يبقي راكب غلط واللي وصلك الكاسيت وصل السلك الأحمر مع الأصفر الخاص بالكونتاكت والله أعلم

[ehabomar1987]

هو الكاسيت مش بيشتغل خالص لو المفتاح مش فى الكونتاكت ومش موصل الكهرباء للعربية بس انا كنت عايز اعرف ياترا ده علشان الكاسيت مفيهوش On و OFF ولا هى اللانوس كده الكاسيت بيشتغل مع توصيلة الكهرباء بس على العموم انا معنديش زرار ال Source بس عندى ال SRC هاجربه واقولك عليه ان شاء الله

[zomzom11]

ازاى يعنى التوصيل غلط انا اعرف عربيات زيرو والكاسيت بيشتغل سواء المفتاح موجود او لا وانا اصلا اوقات كتير بحتاج اشغل الكاسيت والمفاتيح معايا بكون سايب حد فى العربيه وبيسمع الكاسيت اعتقد انه له طريقه للتوصيل لكن مش معنى انى اشغله فى عدم وجود المفتاح يبقى واصل غلط
ياريت حد من خبراء المنتدى يفتونا فى الموضوع

[swimmer25]

ازاى يعنى التوصيل غلط انا اعرف عربيات زيرو والكاسيت بيشتغل سواء المفتاح موجود او لا وانا اصلا اوقات كتير بحتاج اشغل الكاسيت والمفاتيح معايا بكون سايب حد فى العربيه وبيسمع الكاسيت اعتقد انه له طريقه للتوصيل لكن مش معنى انى اشغله فى عدم وجود المفتاح يبقى واصل غلط
ياريت حد من خبراء المنتدى يفتونا فى الموضوع

الأساس إنك اذا شلت المفتاح من الكونتاكت الكاسيت يفصل تماما وده كويس عشان لو نسيته شغال مثلا هيفضي البطارية..الدايو كده والتويوتا كده دول اللي أعرفهم
كونك إنك عايز تشغله في أي وقت ده حاجة تانية ومفيهاش مشكلة في التوصيل بالطريقة دي

[swimmer25]

هو الكاسيت مش بيشتغل خالص لو المفتاح مش فى الكونتاكت ومش موصل الكهرباء للعربية بس انا كنت عايز اعرف ياترا ده علشان الكاسيت مفيهوش on و off ولا هى اللانوس كده الكاسيت بيشتغل مع توصيلة الكهرباء بس على العموم انا معنديش زرار ال source بس عندى ال src هاجربه واقولك عليه ان شاء الله

تمام جدا تبقي توصيلاتك صح
إطفيه بقي من الزرار زي ما قلتلك والف مبروك علي الكاسيت الجديد
كمان هتلاقي كل التفاصيل في الكتالوج بتاعه

[ehabomar1987]

الله يبارك فيك يا Swimmer وشكرا على المعلومة والنصيحة وهابقى اقرا الكاتلوج اصل انا زى اى مصرى بيركب ويدور ويمشى على طول من غير موضوع الكاتلوجات ده ههههههههههههههههه =D

[swimmer25]

الله يبارك فيك يا swimmer وشكرا على المعلومة والنصيحة وهابقى اقرا الكاتلوج اصل انا زى اى مصرى بيركب ويدور ويمشى على طول من غير موضوع الكاتلوجات ده ههههههههههههههههه =d

العفو يا باشا وربنا يباركلك فيه...كان عندي كاسيت بايونير زمان وبصراحة ماركة مالهاش حل وفعلا الكتالوج بيفيدني كتير