أرفع العربية أحسن ولا حد يدورها كل أسبوع شوية وخلاص

[Mohammad_Younis]

اعضاء المنتدى الكرام

سبق وانتم تعلمون انني بألمانيا واشتريت دايو لانوس 99 والحمد لله طلعت عربية كويسة جداً المهم اني استعملت العربية في الأجازة إلي فاتت وسافرت تاني فنصحني البعض برفع العربية و هم لا يعرفون أعمل إيه ( أفضي الميه والبنزين ولا اسيبهم و الاطارات ...ألخ)
البعض الآخر نصحني بأن أترك العربية عادي وأخوية يبقى يدورها شوية كل أسبوع ولا اثنين وهم مش عارفين هل هذا سيؤثر على العربية و لا لأ

احترت ..... أرجوكم المشورة وخاصة من لدية تجربة أو خبرة

أخيكم
محمد يونس

[ahmedsrs]

لو البطارية جافة ومعندكش كراج يبقى ممكن الحل الثانى لو عندك جراج ارفعها وفى موضوع فى القسم التعليمى عن رفع العربية

[kh_elshiemy]

انا قابلتني المشكله دي مع عربيه اخويا ....فلقيت احسن حل اني ارفع العربيه داخل جراج جنب البيت من غير ماشيل العجل وفي نفس الوقت ادورها كل كام يوم لحد ما اخويا يرجع من سفره ..ومن مميزات الطريقه دي انك بتحافظ علي البطاريه وبتحافظ برضه علي العربيه ولما بترجع بالسلامه يدوب بتعملها الصيانه الدوريه العاديه

[HeMa_LanCeR]

انا قابلتني المشكله دي مع عربيه اخويا ....فلقيت احسن حل اني ارفع العربيه داخل جراج جنب البيت من غير ماشيل العجل وفي نفس الوقت ادورها كل كام يوم لحد ما اخويا يرجع من سفره ..ومن مميزات الطريقه دي انك بتحافظ علي البطاريه وبتحافظ برضه علي العربيه ولما بترجع بالسلامه يدوب بتعملها الصيانه الدوريه العاديه

+100000000000000

[fady.bekatcho]

انا واحد صحبى بيسافر اهلة فى الكويت وهو عايش لوحدة فى مصر
بيسافر كل سنة يمتحن ويقعد كام شهر هناك ويجى

مش بيرفع العربية ولا حاجة

بيركنها فى جراج فى برج ملكهم فى بنى سويف

وبيخلى المهندس الى ماسك شغل المقاولات بتاع والدة فى بنى سويف يدورها كل اسبوع شوية

[ahmedezzat78]

انا سافرت و سيبت العربيه تحت بيت والدى
كل اسبوع بيشغلها و يمشى بيها حوالين البيت و يشغل التكيف شويه و خلاص

لكن لو السفر لمده طويله يبقى الرفع احسن