ارجو الافاده من اهل الخبرة لانوس 2 2005

[mfm_086]

انا جبت بوجيهات ngk bpr6es
ولسه مركبتهمش وقولت بالمرة انظف الايدل والبوابه علشان ملاحظ استهلاك البنزين زياده شويه وانا مضبط فيشه الاوكتين على 95
عايزة افضل طريق لتركيب البوجيهات والتنظيف علشان الميكانيكى بيحب يمشى بدماغه عايز اقولوا اعمل كذا وكذا بالضبط
ياريت اهل الخبرة تشاركنى وتقولى الخطوات بالضبط وكمان ملحوظه البوجيهات عايز تضبط على 0.7 ولا هى مضبوطه
وشكرا

[ahmad_salama]

متابع

[truss]

دور فى أهم موضوعات القسم هتلاقى موضوع بالتفصيل عن تنظيف البوابة و الايدل

و لو هتركب بوجيهات جديدة يستحسن انك تنظف البوابة الاول و بعدين تشغل العربية شوية عشان تحرق الرواسب اللى ناتجة عن التنظيف و بعدين تغير البوجيهات

و بالنسبة لتركيب البوجيهات هتعوز لقمة بوجيهات و فيلر تظبط بيه فتحة البوجيه على 0.7 مم

[zomzom11]

بصراحه موضوع تنضيف البوابه وتغيير البوجيهات بعمله مع السرفيس بتاع العربيه بخلى الميكانيكى يعمل كل ده وانا جنبه و حتة ظبط البوجيهات هو الى بيعملها مش معقول هانشترى العده ونعمل كل حاجه الا اذا كانت حاجات بسيطه انا بحاول اجمع شغل واعمله كله مره واحده