نصيحة لسه شارى لانوس 1

[mahmoud labeb]

السلام عليكم،

الحمد لله انا لسه شارى عربية لانوس 1 موديل 2000 وانا لسه جديد اوى ومعنديش خبرة خالص عايز اعرف ايه اهم حاجة اعملها؟
وايه افضل انواع الزيوت اللى تناسبنى واسعارهم؟ وهل لازم اغير زيت الباور والفرامل والفتيس ولا ازودهم بس؟
اسف على الاطالة وشكرا

[original]

اعمل صيانة كاملة ونزل الزيوت كللها (باور - فرامل - فتيس) ومعرفش عاملة كم كيلومتر!! بس استخدم زيت 5000 موبيل أو شل..

[CaptaiN-AhmeD]

غير زيوت ياباشا "لراحتك انتا "حتى لو جداد ريح دماغك وخلاص وزيت الماتور اكيد موبيل 5000 xhp
واكشف ع تيل الفرامل والطنابير , وغير سير كاتينه
وواحده واحده متعملش كل حاجه لاحظتها فيها وانت بتشتري او بعدها سواء عفشه او خبطه عاديه او اي حاجه دلوقتي عشان العين وربنا يباركلك فيها

[megadeath]

ممكن معلومات عن العربية ؟ و هى مانيوال و لا اتوماتيك ؟

[akmm]

الف مبروك ... وشوف حاله الكاوتش ...

[zomzom11]

اولا الف مبروك عالعربيه واهلا بيك معانا هنا
اول شئ حضرتك تروح زياره للميكانيكى الى انت بتثق فيه او اى حد مضمون عن طريق اصحابك يبص لك بصه وتكتب وراه لسته بكل حاجه العربيه محتاجاها وبعدين تطلب منه يقولك ايه الحاجات المهمه الى تقدر تعملها الاول وايه الى ممكن تاجله للمره التاليه وما تفتحش صدرك جامد عشان ما يشتغلكش
ولو عنده جهاز ممكن يكشف عليها ويقولك اخبار الدنيا ايه وغالبا انت عملت كده لما اشتريتها
غالبا هاتحتاج طقم سيرفيس الى هو " سير كاتينه - سير دينامو - سير تكييف - بوجيهات - فلتر هواء- فلتر بنزين - اسبراى جنك لتنضيف البوابه - بلية كاتينه " دى الاساسيات بتاعة السيرفيس هايزيد عليها الى هو يطلبه طبعا جايز جدا يطلب تيل امامى لانه بيستهلك اسرع من الخلفى وعلى حسب كشفه عالعربيه هايحدد طلبات يطلبها وهو الى هايدلك عليها
بعد تحديد الطلبات تنزل التوفيقيه لو انت قريب من وسط البلد او ش دمشق لو انت فى م الجديده او ابو الحسن لو انت فى الجيزه او المنيرى فى فيصل عشان تجيب الحاجات بسعر حنين شويه وما تستسهلش وتجيب من جنب الميكانيكى لان الطلعه الاولى دى صعبه شويه وهاتدفع مبلغ محترم
شوية نصائح بقى جيب سلك بوجيهات وخليه معاك غالبا ممكن تحتاجه اثناء تغيير البوجيهات - سير الكاتينه كذا نوع وكلهم واحد وسعره 45-50 جنيه
ارجو اكون افدتك ولو فى اى حاجه كلمنى وان تحت امرك 01068568209 حازم

[tarek_2005]

سيور وزيت وفلاتر فقط
الزيت ممكن اوي امارات مصر افضل من موبيل دا مع فرض ان العربية معدية 100000 كم

[mahmoud labeb]

تسلموا كلكم ربنا يخليكوا بس فى انواع زيوت معينة للفرامل والباور والفتيس؟

وفعلا مش عارف اشكركم ازاى

[hessenp]

الف مبروك ربنا يعطيك خيرها ويكفيك شرها

[zomzom11]

نسيت اقولك ممكن تشترى جركن زيت شل 5000 وفلتر زيت وتخلى الميكانيكى يغير الزيت بعد ما يخلص لكن لو هاتاخد وقت غير زيت الاول قبل ما تلف لفة السيرفيس دى
بالنسبه للزيوت الناس هنا كلهم بيشكرو فى موبيل وشل وفى كمان عرض فى امارات لو البنزينه فى طريقك انا بغير عندهم تغير 7 مرات متتاليه عندهم يغيرولك الثامنه هديه انا ملتزم معاهم وغيرت 5000 كيلو ال 7 مرات ان شاء الله المره الجايه عليهم وبعدين هانقل على شل 5000
وفى ناس بيقولولك ممكن تغير زيت عادى مش غالى وتمشى عليه شويه بتاع 500 كيلو كده تغسل بيه الموتور وبعدين تغير زيت نضيف
المهم انك تبدأ بزيارة الميكانيكى

[original]

بس فى انواع زيوت معينة للفرامل والباور والفتيس؟

موبيل أو شل عنده أفضل زيوت : فرامل وباور وفتيس
وماتنساش تغير مياه التبريد وده ممكن تجيب جركن موبيل الجاهز

[mahmoud labeb]

انا بسأل عن كده فعلا انه هيبقى موبيل او شيل برضه

معلش يا جماعة انا جديد جديد يعنى علشان كده اسألتى ممكن تبقى مملة

طب ممكن اسأل عن التكلفة تقريبا كام؟ لو كل الزيوت كده؟

[CaptaiN-AhmeD]

والله مافاكر اخر مره كان بكام
بس عادي يعني ف اللذيذ مش غاليه للدرجه بس الحاجات ال اتقالت ف كذا رد طبعا مش تتهاون بها
وان شاء الله ربنا يكرمك ويكفيك شرها

[zomzom11]

تقريبا الزيت ال 5000 هاتلاقيه ب 125 تقريبا ومش متاكد لان انت عارف الاسعار اليومين دول زى الطير ما اتعود عيشته فيوم فى الطير ويوم فى عشه

[hisham diab]

طلمبة المياه
زيت شل الاصفر 5000 كم كويس جدا احسن من موبيل xhb بكتيير و فلتر الزيت GM
سير الكاتينة و البلية و سير الدينامو و التكييف
تيل الفرامل gold كويس
تنظيف الردياتير ضرورى جدا
تنظيف البوابة للمانيفولد و حساس الايدل( يا ريت تفك البوابة خالص و تطلع برة و تتنظف بهدوء)
البوجيهات ngk 21 و ياريت السلك
فلتر البنزين و الهواء
الفيوزات و خصوصا فيوز طلمبة البنزين ( هات استيراد لان الجديد مضروب)
الكشف على زيت الفتيس ضرورى جدااااا
الكشف على كاوتش الكبالن