تكييف النوبيرا :(

[CaptaiN-AhmeD]

السلام عليكم ورحمة الله

شباب ممكن حد يقولي ايه هي الاعطال المتوقعه للتكيف بتاع نوبيرا 2

طبعا هو عطل بقاله فتره (مشحون بالفريون)

التكييف عندي مره واحده كده قطع "طبعا بعد لعب مني في بعض الفيوزات "

عشان مبحبش اروح لصنايعي وانا مش فاهم في ايه عشان محدش يشتغلني واحد قالي الكومبريسور عايز يتحل ويتعمل معرفش في ايه ويتركب وهيتكلف 300 ج

انا طبعا مش مقتنع مش بسبب الفلوس بس حاسس ان بسبب خرطوم او حاجه تتعلق بالكهربا او الريلاي

هل ممكن فعلاً يكون فيه مشكله ف الفيوزات ولا كلام الكهربائي ال قال الكومبريسورصح يا رجاله ؟؟؟؟؟

[CaptaiN-AhmeD]

أفيدوونا آفادكم الله ^_^

[hmada9009_99]

السلام عليكم ورحمة الله

شباب ممكن حد يقولي ايه هي الاعطال المتوقعه للتكيف بتاع نوبيرا 2

طبعا هو عطل بقاله فتره (مشحون بالفريون)

التكييف عندي مره واحده كده قطع "طبعا بعد لعب مني في بعض الفيوزات "

عشان مبحبش اروح لصنايعي وانا مش فاهم في ايه عشان محدش يشتغلني واحد قالي الكومبريسور عايز يتحل ويتعمل معرفش في ايه ويتركب وهيتكلف 300 ج

انا طبعا مش مقتنع مش بسبب الفلوس بس حاسس ان بسبب خرطوم او حاجه تتعلق بالكهربا او الريلاي

هل ممكن فعلاً يكون فيه مشكله ف الفيوزات ولا كلام الكهربائي ال قال الكومبريسورصح يا رجاله ؟؟؟؟؟

اولا ايه اعراض العطل وهل اما كان شغال كان تبريده كويس ولا ايه هل كان في صوت عالي طالع من ناحيه الكمبروسور؟

[Eng.Geo]

في فريون ؟
الكومبريسور بيلقط ؟
في هوا بيخرج عندك أساسا ولا المروحة نفسها فاصلة ؟

[akmm]

??????????????? متابع .

[tarek_2005]

لو رديت علي اسئلة الزملاء هنجبلك الحل فوراً

[هيثم الشرقاوى]

السلام عليكم ورحمة الله وبركاتة
انا يا جماعة عندى مشكلة فى التكييف نوبيرا 2 1500سى سى الكورى التكييف كان شغال كويس ودلوقتى المروحة شغالة تمام بس مفيش تبريد وفى صوت عالى شوية تحت الطابلوة عند التلاجة فيا ترى اية السبب ولا اروح اشحن تانى ولا التلاجة ممكن يكون فيها عطل مع ان الكباس بيلقط لما بشغل التكييف والسلام عليكم

[midooo_119]

الحقيقه تكييف النوبيرا قوى جدا ماشاء الله ((اسمع انه المانى والله اعلم)) 6 سنين خدمات شاقه معملتش فيه اى صيانه غير شحن فريون و تغيير فلتر الكييف و لازال بنفس قوته .. حضرتك قلنا عالاعراض و ان شاء الله الاعضاء هنا يفيدوك

[CaptaiN-AhmeD]

اسف جداً لعدم سرعة الانتباه لردود حضراتكم المراوح شغاله وبتجيب هوا وفيه فريون

[AlGazar2]

ممكن يبقى فيوز تشغيل الكومبريسور معلق مش اكتر

راجع على الفيوزات و نضف فلتر التكييف و جرب تانى و خلى حد تانى يكشفلك على التكييف غير الاول لان ده بيفتح شغل مش اكتر

[hwk]

انا عندى مره فصل لوحده وكان فيه هوا طالع برضه وطلع العيب من سير الكبروسر مش بيقلب الفريون

[Dr.kordy90]

حصل معايا حاجه شبهه كده كان العيب ف الفيشه اللي راكبهف الكمبروسر كانت معلقه ونضفتها عند الكهربائي والحمد لله بقي تمام

[CaptaiN-AhmeD]

الف شكر لردود حضراتكم انا هروح لحد تاني بس بصراحه مبقاش في ثقه في الصنايعيه خالص
دا حماده الدكتور بتاع شارع الورش بصراحه هو فعلاً دكتور بس انا حسيت انه فعلاً بيحاول يعمل شغل عليا
خصوصاً بعد ماقعدت العب ف الفيوزات شكيت ان دا سبب المشكله و ف نفس كلامكم
انا هروح لحد تاني اقوله وش كده اكشفلي ع السير والفيوزات

وممكن حد فيكو يرشح صنايعي عنده ضمير او بيتعامل معاه يكون قريب من محيط عين شمس - المطريه - الزيتون اي حاجه ف الرينج دا والف الف شكر للمساعده من الجميع

[CaptaiN-AhmeD]

حصل معايا حاجه شبهه كده كان العيب ف الفيشه اللي راكبه ف الكمبروسر كانت معلقه ونضفتها عند الكهربائي والحمد لله بقي تمام

ممكن حضرتك تقولي هل كان بيطلع هوا سخن ولا قاطع سخن وبارد
عشان انا عندي بيطلع سخن عادي لكن المشكله ف البارد (وكشفت بنفسي ع الفريون)

[Dr.kordy90]

ممكن حضرتك تقولي هل كان بيطلع هوا سخن ولا قاطع سخن وبارد
عشان انا عندي بيطلع سخن عادي لكن المشكله ف البارد (وكشفت بنفسي ع الفريون)

كان بيطلع هوا سخن وقاطع بارد وبرده كشفت ع الفريون بنفسي لاقيته موجود وتمام بس الكمبوروسر مكنش بيلقط فكرت اجيب عصايه واشغل التكيف واهز الفيشه الصغيره اللي راكبهف الكمبورسور لاقيته بيشتغل وعادي روحت لواحد كهربائي قالي الفيشه مش مظبوطه ونضفها والحمد لله بقي تمام فغالبا هتلاقي الفيشه