رجه في العربيه بعد الدواره صباحا

[tarek_2005]

ازيك يا استاذ طارق غيرتهم الاتنيمن لان عندي اكتر من موبينه واكتر من ايدل بسخلي بالك الرجه مش جامده الرجه خفيفه بس بتحصل بعد الدواره بس انا كنت لاقيت سلك من سلوك البوجيهات متعري من حته صغيره ودي لاحظتها من الشرز لاحظته لما كنت ببص علي حاله البوجيهات وكان السلك بيلمس مسامير غطاء الوش

غير اسلاك البوجيهات الاول

[هيثم الشرقاوى]

السلام عليكم ياجماعة نفس المشكلة عندى وكمان لما اجى اطلع بالعربية وادوس بنزين العربية لاتستجيب وتتخنق وبعد كدة تتنطر وتفضل مش مظبوطة لحد ما تسخن يعنى بعد حوالى 10 دقائق او ربع ساعة من بداية الحركة وكمان بحس ان العربية فيها رعشة وتنتيشة وسالت واحد كهربائى قالى ان البوابة بتاعتى كهربة علشان عربيتى نوبيرا 2 1500 سى سى الكورة وقالى البوابة عايزة تتحل وتتنضف كويس وتركب تانى انا لسة ما عملتش حاجة بس هاعمل عدة ان شاء الله ولو اتظبطت معايا هاعرفكم النتيجة ولو حد عنده معلومات اضافية خاصة بالحالة دى لايبخل علينا والسلام عليكم ورحمة الله وبركاتة ( اللهم اجعل هذا بلدا امنا )

[ZaIeD]

أنا عندي نفس المشكلة دي ،
ولما سألت عنها إتقالي إن سببها إن الزيت بيكون لسة مفكش!
مش عاف يعني ايه بصراحة :d بس أهو ممكن يكون هو ده السبب

[luckyman]

نفس المشكله ظهرت معايا مرتين بس مش ورا بعض لما ىكون الجو برد جدا

[shgashga]

معرفش ليه انا حاسس انه سببها ترموستات الكوعه لاني شاكك انه معلق مفتوح لان المؤشر عندي بيكون اقل من النصف بشرطتين مش بشرطه واحده الطبيغي بتاعه ومش عارف ليه شاكك فيه حساس عداد الحراراره لان دايما المؤشر ثابت غلي تحت النصف بشرطتين او ثه يعني في نصف الربع الثاني
يا رين لوحد يعرف يقولي ازاي اتاكد ان الحساس ده شغال ولا لا بس بنفسي

[shgashga]

لسه برده الرجه موجوده ومفيش حل

[moso]

خد بالك من سلك البوجيهات هتلاقيه نشف م الحرارة غير السلك و البوجيهات او السلك بس و ابقى رد عليا و شكرا

[tefa22m]

كان عندى نفس الموضوع و بيظهر فى ايام البرد الجامده اوى بس الرجه مع اول الدواره و بعد دقيقه بتروح
ولما عملت الصيانه راحت مع تغير البوجيهات

[shgashga]

بالظبط كده هي بتحصل في اول الدواره بس وفي البرد