مشكله فى الحراره

[alaasal]

السلام عليكم
الحمد لله عمر ما كان فيه مشكله فى الحراره

انا كنت مغير الريدياتير فى رمضان اللى فات و بعد كده ماكنش فيه مشاكل

لسه واخد بالى من حوالى شهر انى وانا مسافر بالعربيه امبير الحراره بينزل تحت خالص
و كأن العربيه مامشيتش ولا حتى دارت

و اول ما اقف او اهدى قولا ترجع لوضعها الطبيعى

تصورت ان الترموستات باظت و حتى الميكانيكى فكر زيي و غيرت كوعة الترموستات و سافرت تانى و برده نفس المشكله


حد عنده تفسير

[truss]

دة ممكن يكون ثرموستات معلق

او يكون فيه مشكلة فى حساس درجة الحرارة و دة المسئول عن مؤشر درجة الحرارة اللى فى العداد
و دة مكانه فى مانيفولد السحب بالقرب من البوابة

[hessenp]

ده اكيد ترموستات الكوعة ..............

[tarek_2005]

اشتري ثرموستات كوعة اصلي وركبه

[zerox2010]

طيب ودى ثمنها كام الاصلى واجيبها منين ؟

[tarek_2005]

45جم

[alaasal]

انا لاحظت حاجه
ان ممكن و نا ماشى عادى فى وسط البلد عداد الحراره ينزل لتحت خالص و بعدين يطلع على طول
بينزل بسرعه و يطلخ بالراحه ؟؟؟

[المنسي]

عندى بيوصل ل 82 والمروحة تشتغل فالطرق الزحمة وتفصل عند 72 ولما اكون فى طريق مفتوح المؤشر بينزل تحت خالص عند 70 وسمعت ان كده المروحة مش شغالة والموتور بيتبرد بالهوا المقابل مع السرعات العالية

[msobhy]

ان العداد يفضل طالع نازل يبقى معناه ان حساس الحراره هو اللى بايظ - مش ترموستات الكوعه

[alaasal]

ان العداد يفضل طالع نازل يبقى معناه ان حساس الحراره هو اللى بايظ - مش ترموستات الكوعه

طيب يا ترى حد عنده فكره حساس الحراره بكام؟

[msobhy]

طيب يا ترى حد عنده فكره حساس الحراره بكام؟

من 10 الى 25 جنيه - حاول تجيب الاصلى وان كنت مش هاتلاقيه