مشكلة مع نفص المياه العربية(مش لاقيلها حل)

[maio_do]

السلام عليكم ورحمه الله وبركاته
بسم الله الرحمن الرحيم

العربية بتنزل المياه اللى فى العربية كلها بعد ماتسخن واركنها الاقى المياه تنزل منها ومش كل مرة بمزاجها كده بتنزل.

روحت لميكانيكى قالى دا خرطوم قولتله مبتنزلش من هنا قالى لا دا اللى بيسرب المهم جبته ب 40 وهو خد مصانعية 15 يومين وسربت تانى نزلتله تانى

غير مواسير واخد 50 جنية مصنعيه وفصل كابل الحراره وبقيت تسرب وانا ماشى دلوقتى يعنى فى الاول كانت لما بركن تجيب اللى فيها دلوقتى كل شوية اقف وانا ماشى وازودها وتنقص واوقات متنسربش

مبقتش عارف اعمل اية واليومين دول ايام امتحانات المهم روحتله وقولتله وصل الحراره ومش هعملها عندك تانى

دلوقتى لمبة الزيت تشتغل لما ادور وتفصل مش عارف عمل اية فيها

والزيت كامل فى القياس دا غلط فى الكهرباء ولا اية :b4_444::b4_444:

[beshomilan]

الريداتير فيه جزء ضارب وهو اللى بيسرب
روح لبتاع ريداتيرات وهيحل الموضوع

وبالنسبه للمبة الزيت فطبيعى انها تشتغل اول ماتدور العربيه لمده ثانيه وتفصل تانى..ولا انا مفهمتش بالظبط السؤال؟

[lanos2004]

ومتنساش تغبر غطا القربه

[maio_do]

انا مش حاسس انه الريدتير لان المياه لما بتنزل بيبقى من نص عليه الشكمان الاولى

اللى هيا بيبقى فيها فراغ تحت الماكنه على طول اول علبه ودلوقتى بتنزل وانا ماشى

وبالنسبة للمبة الزيت تشتغل وانا ماشى وتفصل ومنورة على طول وتفصل تانى

انا شاكك انه لما فصل حاجات ووصل وخصوصا انه نسى كابل الحراره مش عارف قاصد ولا لا الله اعلم

انه عمل حاجة غلط

وغطا الاقربة هغيره ان شاء الله بس اكيد العيب مش منه

شكرا ليكوا ولمساعدة ربنا يجزيكوا كل خير

[lanos2004]

شوف لو الرداتير سليم
مشاكل الميه تنحصر تقريبا فى
رشح من التكييف السخن
المشترك الى تحت المانفو من الخلف
طبه جابت اخرها بس دى هتلاقى مش تنقيط ميه هتلاقى نافورة مبه
اخر حاجه الخراطيم
لو رشح بسيط فيه دوا 8 جنيه يحل المشكله نهائى

[mero100]

الموضوع بسيط .....

إعمل اختبار كبس دوره المياه .... و حتعرف علطول التسريب منين .

[lanos2004]

الموضوع بسيط .....

إعمل اختبار كبس دوره المياه .... و حتعرف علطول التسريب منين .

صح كدة
يس لو الرداتير بتاعه حالته مش تمام بلاش احسن الكبس يجيب اجله بدرى
وموضوع نقص الميه من ابسط الاشياء وكنت بصلحه بنفسى

[dr.hazem]

متابع..
تحياتي

Sent from my SE Arc S using Forum Runner

[sakr_skoda]

ايه المشكله دور العربية وزود المية وخليك واقف قدام العربية زود بنزين حتى يزيد ضغط دورة التبريد فى الموتور حتعرف على طول الميه نازله من فين بالظبط مينفعش يجماعة نغير خراطيم ومواسير كدا من غير مانكشف عن السبب....على فكرة حصلت معايا المية كانت بتنقص وانا ماشى واخدت كام يوم كدا ازود كل مشوار وتقريبا القرقبة كانت بتفضى ففى يوم دورت العربية وزودت الميه وقفلت غطاء القربة وزودت بنزين من الأكسرتير وانا واقف قدام العربية تخيلو لقيت نافورة رفيعة من المياه تخرج من جسم القربة العلوى غيرت القربة والحمد الله ولا روحت لنصاب ولا فهلوى....*

[bebom]

موضوع المياه كان عندي وكل مره اروح الميكانيكي يلاقي حاجة
1-كانت خراطيم
2-ماسورة
3-طرمبة المياه
4-جوان وش السلندر
ولان الحمد الله مافيش حاجة بع لما غيرتهم بس طبعا ده الي بايظ انته بقا
زي مقالك بالظبط اعملهsakr1964
اما الزيت ده مهم جدا جدا انا غيرت ماكنه بسببه
كانت لما العربيه تسخن اللمبة ترعش ادوس بنزين تطفي سئلت بس مش علي المنتدي بره
قالك عادي تلقيها معلقه شويه واللمبه تثبت وادس تفصل رحت للميكانيكي قالي الماتور بيرزع
حكتله وقلتله الزيت كمان منقص قالي انته مشيت علي اللمبة الزيت مفروض متمشيش هيا اصلا كانت الساعه بتاعت الزيت بس ده بخصوصي
انته بقا متمشيش بيها لحد ممكانيكي نضيف يشوف ان شاء الله كبيرها تكون ساعة الزيت ب30ج

[tarek_2005]

لابد من بحث السبب
واعتقد ان السبب في الاصل ارتفاع درجة حرارة الموتور
مما يؤدي الي زيادة ضغط دورة المياه فبتضرب من اضعف جزئ فيها وكل مبتضرب بتغير الجزي التالف بجديد فبتضور علي جزء تاني ضعيف وتضرب منه وهتفضل تلف في دائرة مفرغة ابحث عن سبب ارتفاع درجة حرارة المحرك

[bebom]

ياريت تقوله علي لمبة الزيت وتشرح ايه الي بيخلي حرارة الماتور ترتفع

[bebom]

ياريت تقوله علي لمبة الزيت وتشرح ايه الي بيخلي حرارة الماتور ترتفع غير ممكن مرواحت الريداتير ممكن تكون ضيعفة او السواقه ممكن مبيرحش العربيه يفضل كابس بنزين لاخر فبيخنق العربيه وتقريبا مياه الحنفية بتسخن برده العربيه بس مش قوي او تسريب مياه

[dr.hazem]

اللي أعرفه ان لمبة الزيت في اي عربية بتعتمد على ضغط الزيت واي حاجة تقلل ضغط الزيت يخليها تنور...
مثلا انسداد الفلتر في الفلاتر اللي على التوالي...
او نقصان الزيت بشكل كبير
او ضعف طرمبة الزيت...
تحياتي

Sent from my SE Arc S using Forum Runner

[maio_do]

اول حاجة بشكركوا على حضركوا ومساعدتكوا

بالنسبة للميه انا بدور وبقف قدامها هى مبتنزلش غير بمزاجها يعنى اوقات تنزل واوقات لا بس دلوقت كل مابتحرك بتسرب وهقول منين بالظبط

اول علبه شكمان نازلة من المكنة فيه فتحه فى النص هى بتنزل فى نص الفتحه دى بالظبط اول فتحه فى اول علبه ببص من فوق المكنة مش باينة لان جسم المكنه فى المنطقة دى يعنى بشوفها من تحت بالظبط من نص العلبة اللى بقولكوا عليها

بالنسبة للمبة الزيت انا عملت موضوع تانى للموضوع دا خصوصا bebom بيقول ان ممكن تكون ساعه ومينفعش المشى بالعربية

انا روحت لميكانيكى وبعد مالعب فيها بقت تعمل كده هو عمل حاجة علشان ارجعله وانا ان شاء الله هروح لغيره بس ياترى هو عمل اية