نفسى اعرف ليه العربيه بتتبرجل

[Dr Kento]

نفسى اعرف ليه العربيه بتتبرجل وبتفضل تبطل كل لما اهدى بعد ما بتمشى اكتر من كيلو او اتنين كيلو مع انها بتكون طبيعيه جدا فى الاول و مع العلم انى مغير جميع الفلاتر و الموضوع دا بيحصل لما العربيه ما تمشيش قرابة اليوم مع العلم انها بتدور على طول....المهم انى بنزل لما بتتبرجل وافتح الكبوت والعب فى البكرة اللى بنزود بيها بنزين بتتظبط بعدها ياترى دا ليه واتفاداه ازاى؟

[M.Al-Hefnawy]

حط العربية على الكمبيوتر عشان تعرف الخطأ فين

[AlGazar2]

نظف الايديل و ال tps و هاتظبط معاك ان شاء الله

[amer_el7op]

نضف البوابه والايدل وشيل الطرف السالب من البطاريه لمده 10 دقايق وبعدين توصله واعمل ايدل ليرن كالتالى 1 هنفتح الكونتاكت 5 ثوانى بدون دواره ونقفله 5 ثوانى
2 هنفتح الكونتاكت 5 ثوانى بدون دواره ونقفله 5 ثوانى
3 هنفتح الكونتاكت 5 ثوانى بدون دواره ونقفله 5 ثوانى
4 هندور العربيه على السلانسيه بدون تشغيل اى احمال ( نور , تكييف , كاسيت ) لمدة 3 دقايق
5 هنشغل التكييف على درجة 4 فريون + النور العالى + الشبوره ( يعنى كل الاحمال ) لمدة 2 دقيقه
6 هنطفى كل الاحمال الاول وبعدين نطفى العربيه ملحوظه tps مابيتنضفش الايدل بس اللى بيتنضف