لاحظت حاجه غريبه انهارده

[mero100]

تحياتي لجميع الاعضاء :-)

لاحظت انهارده ان ذراع الاشاره لما بجيبه اشاره يمين او شمال مش بيرجع لوحده لما الدركسيون يرجع في السنتر ....هل كده الذراع باظ؟؟؟

[shaddadfalcon1]

انا العربيه عندي كده من يوم ماشترتها بس عمري مادققت معاه وبرجعه بايدي وخلاص

[midooo_119]

غالبا الدراع و موجود منه جديد بيتباع بس معرفش بكام

[mero100]

لغايه من كام يوم كان شغال زي الفل .... و بيرجع لوحده .... بس انا كنت سايق متنرفز و عاملته بعنف شويه .... غالبا انا اللي بوظته .....

مفيش حاجه بتتظبط فيه يرجع زي ما كان ؟؟؟

[speed_magnum]

كبر دماغك

[zomzom11]

اصبر عليه شويه انا عندى ساعات بيعمل كده ويرجع تانى لوحده
مع العلم انا اشتريت الذراع من فتره ومركبتوش
لو عاوز تشتريه موجود فى التوفيقيه عند البنا جى ام اصلى انا جايبه من هناك

[mero100]

اصبر عليه شويه انا عندى ساعات بيعمل كده ويرجع تانى لوحده
مع العلم انا اشتريت الذراع من فتره ومركبتوش
لو عاوز تشتريه موجود فى التوفيقيه عند البنا جى ام اصلى انا جايبه من هناك

تمام يا باشا ....... انا كلي خوفي ان الدراع ده لما بيبوظ بيعمل مشاكل ممكن توصل لحريق العربيه لقدر الله .... لان الدراع ده فيه نور التابلوه و النور الصغير و الكبير و قلاب نور و فوجات و اشارات .... وظائف كتير اوي

انا عربيتي القديمه كانت بيجو .... كان الدراع اليمين كلاكس و اشارات فقط و الشمال كان نور و مساحات .

[zomzom11]

غالبا بيكون جزء ميكانيكا او سوسته مش راجعه مكانها واصبر عليه بيعلق معايا وبيرجع يشتغل ولو فضل على كده مش ازمه هات المفتاح وروح للكهربائى
انا مره النور كله طفى ومبقاش يشتغل اشتشريته وقلت باظ ولما روحت للكهربائى طلع فيوز حمدت ربنا وشيلته عندى

[mero100]

جربت انهارده و انا واقف بالعربيه ....اشتغل الحمد لله .

[midooo_119]

جربت انهارده و انا واقف بالعربيه ....اشتغل الحمد لله .

طب الحمد لله

[zomzom11]

الحمد لله والف مبروك ماتنساش بقى انا ليا 120 جنيه ثمن الزراع وخمسين جنيه بنزين و40 بدل مشوار و90% ضريبة مبيعات و15%ضريبة رفاهيه يبقى حضرتك الحساب كله 14391 جنيه والله انا كده كارمك اوى