العربية مبرجلة على السلانسية

[abo_lamar]

السلام عليكم و رحمه الله و بركاته

عربيتي كانت ماشية زي الفل لغاية النهاردة الصبح ... جيت امشي بيها بعد الظهر لقيتها فيها برجلة على السلانسية , يعني بحس انها عايزة تبطل وبعدين ترجع تاني بسرعة و نظفت الايدل و البوابة وانا بعمل ايدل ليرن وجيت في المرحلة التانية اللي فيها بشغل كل احمال العربية لقيت المبة التشك نورت والعربية كانت على وشك انها تبطل لولا اني زودت بنزين , ولما جيت امشي بيها بحس برجه على السرعات البطيئة او كان العربية بتنتش مني .
ياترى الحل ايه ؟؟
طرمبة بنزين
سلوك بوجيهات
حساس ايدل او tps
رشاشات
مش عارف وياريت مساعدتي يا شباب .
وشكرا

[midooo_119]

حساس بوابة البنزين

[mero100]

طالما لمبه ال check نورت يبقي الكمبيوتر سجل خطأ .... المفروض متعملش ايدل ليرن تاني عشان متمسحش كود الخطأ و تروح تعمل سكان فورا .... حيبان معاك ايه الحساس البايظ .

[abo_lamar]

نزلت دورت العربية تاني دلوقتي قولت يمكن المشكلة تتحل لوحدها لقيت برضه العربية عايزة تبطل وبعدين ترجع تشتغل تاني وعداد الrpm بيكون على 850 وبينزل لتحت شوية لما العربية بتكون عايزة تبطل وبعدين بيرجع لفوق تاني .... اجرب انظف حساس الايدل للمرة التالتة ولا ده حيكون حساس tps ؟؟

[midooo_119]

tps جيبتوا ب200 جنية جديد من دمشق و العربية ظبطت

[M.Al-Hefnawy]

ممكن تكون موبينة أو سلوك بوجيهات.

[abo_lamar]

طيب يا شباب لو كان tps اجيبه جديد ولا استيراد ؟؟ وسعر الأستيراد تقريبا كام .. معلش تقلت عليكم.

[abo_lamar]

معلش سؤال كمان ...
طب ليه حضراتكوا مستبعدين حساس الأيدل ؟؟

[midooo_119]

انا رديت بناء عالتجربتى الشخصيه و انى اتشقلبت فكل ده و فى الاخر طلع الtps

[mero100]

انا رديت بناء عالتجربتى الشخصيه و انى اتشقلبت فكل ده و فى الاخر طلع الtps

تمام .... و التجارب الشخصيه مفيده جدا و بتساعد في اختصار تشخيص المشاكل .

بس انا رأيي انه طالما لمبه check نورت يبقي يعمل سكان أفضل عشان يبقي متأكد تمام التأكد .

[tefa22m]

حساس الtps عندى لما كان بايظ كان بيعلى المتور لحد 2.5 او 3
وكانت التشيك بتنور و بعدين تفصل و اروح اعمل اسكان يقولى ما فيش اخطاء
رحت جبت حساس tps استيراد و اتحل من على المكنه و بعد فصال ب 50 ج
و ركبته و الحمد لله رب العالمين المشكله راحت

[mero100]

الا أر بي إم كان بيعلي عندي لوحده و بين النقلات .... و اتحلت المشكله بإنهم في التوكيل فكوا فيشه ال tps و حطوا شحم حراري في الفيشه و المكان اللي بتدخل فيه الفيشه و اتحلت المشكله الحمد لله .

[Mahmoud.Fathy]

حصلت معايا نفس المشكلة دي من شهر وطلع حساس الشكمان .... حط العربية على الاسكنر لان اى حساس بيبوظ ممكن يعمل اى حاجة فالعربية ... اصل العربيات دي مكارة :)

[abo_lamar]

رحت الحرفيين النهاردة واشتريت حساس tps ب50 جنيه وركبته لقيت برضه نفس المشكلة ... تصدقوا طلع العيب فين ؟؟ في سلوك البوجيهات , اول ما غيرتها العربية الحمد لله ظبطت على طول .
العربية كانت بتنتش مني على سرعات لغاية 70 كم /س تقريبا وكان بيبان العيب اوي لما بشغل التكييف على السلانسية بلاقي العربية عايزة تبطل وبترجع تاني لوحدها .... والحمد لله بعد ما عملت سيرش في المنتدى على مشاكل مشابهه لقيت الحل في سلوك البوجيهات .
شكرا لكل من ساهم برأيه في حل مشكلتي ....