الدواسه محجره

[DEDOPETER]

افيو
تقل فى الدبرياج (بدوس دبرياج فى اخر مشوار الدواسه بتحجر) مع صعوبه شديده فى كل نقلات الفتيس وزيت الباكم كامل ولا يوجد تسريب واضح بالمسترين ارجو المساعده .
مع الملاحظه انى حاولت قياس زيت الفتيس(( اعتقدا ان تقل النقلات بسبب نقص زيت الفتيس)) فالبنزينه ووجدت نفس كارتيره اللانوس ونفس موضع مقياس الزيت ولكن مع اختلاف انه يوجد امام المقياس جزء حديدى (خاص بالعفشه) لا اعرف اسمه لم نقدر ان نقيس بسببه .

[original]

طيب حضرتك شفت بستم الدبرياج اللى راكب على الفتيس بيتحرك وللا لأ لما بتدوس دبرياج؟؟
حضرتك ممكن تغيرزيت الفتيس 80w-90

[DEDOPETER]

يعنى حضرتك شايف انها مشكله زيت فتيس ! طيب ايه اللى مخلى دواسه الدبرياج تقفش ؟

[mero100]

زيت الفتيس لو ناقص الغيارات مش حتبقي سلسه و حيبقي فيه عضه في النقل و خشونه .

دواسه الدبرياج تقلها له علاقه بأحد الماسترين بتوع الدبرياج ( الماستر العلوي و الماستر السفلي )

[original]

يعنى حضرتك شايف انها مشكله زيت فتيس ! طيب ايه اللى مخلى دواسه الدبرياج تقفش ؟

كللها إحتمالات
حضرتك بتقول إنك مش عارف تكشف على زيت الفتيس!! يعنى ماتغيرش قبل كده!!
الحقيقة إن كل مشاكل دورة الفرامل والدبرياج بتيجى بسبب عدم تغيير سائل الفرامل واستخدام سوائل رديئة أو عدم تغييرها من الأساس
إحتمال كبير إن المشكلة فى الدبرياج زى ما قال أ/عمرو إبراهيم
عمتا طمننا

[DEDOPETER]

شكر خاص لكل من ساهم
ذهبت لمكيانيكى وصفتله الاعراض قبل مكمل قالى طالما الدواسه محجره يبقى ده طقم دبرياج علطول (اسطوانه وديسك وبليه وفرش) قلتله طيب جرب العربيه قالى بتهكم ليه وهو انا لسه تلميذ .
ولكنى مريت على ميكانيكى اخر تانى يوم بص على كل حاجه وجرب العربيه واتضح ان العيب مجرد رجلاش لدواسه الدبرياج . الحمدلله

[original]

شكر خاص لكل من ساهم
ذهبت لمكيانيكى وصفتله الاعراض قبل مكمل قالى طالما الدواسه محجره يبقى ده طقم دبرياج علطول (اسطوانه وديسك وبليه وفرش) قلتله طيب جرب العربيه قالى بتهكم ليه وهو انا لسه تلميذ .
ولكنى مريت على ميكانيكى اخر تانى يوم بص على كل حاجه وجرب العربيه واتضح ان العيب مجرد رجلاش لدواسه الدبرياج . الحمدلله

الحمد لله
مش عارف ليه الصنايعية مغرورين رغم إنهم بيتمتعوا بجهل فظيع!!
عشان كده الواحد بيحب يعمل الصيانة بنفسه..

[DEDOPETER]

انا حبيت اوصلكوا اللى حصل علشان اى حد قبل ميصلح حاجه فى عربيته (بالذات الاعطال الكبيره المكلفه المؤثره ) يتاكد من العيب لان كل الصنيعيه شغلهم اجتهدات وبعضها اشتغالات يعنى من الاخر التشخيص اهم من العلاج .

[original]

انا حبيت اوصلكوا اللى حصل علشان اى حد قبل ميصلح حاجه فى عربيته (بالذات الاعطال الكبيره المكلفه المؤثره ) يتاكد من العيب لان كل الصنيعيه شغلهم اجتهدات وبعضها اشتغالات يعنى من الاخر التشخيص اهم من العلاج .

ألف شكر
خلاص إتعلمنا نكشف عند كذا ميكانيكى قبل مانعمل العملية..
ياريت يبأا فى ترخيص لورش الميكانيكا ويكون قائم على الكفاءة والخبرة

[haroun707]

ياباشا حل الموضوع بتاع حضرتك ده

ببساطة خلى الميكانيكى يفك الماستر الامامى ( الصغير ) ويبص جواه ويجيب طقم اصلاح ليه او لو لقاه هو من جوه بايظ يغيرة كله


بس فى الغالب حتلاقيها محتاجة طقم اصلاح

وعلى فكرة مش غالى